Byggðastofnun

Samkvæmt lögum um Byggðastofnun er hlutverk hennar að fylgjast með þróun byggðar í landinu og vinna að eflingu byggðar og atvinnulífs á landsbyggðinni. Stofnunin skipuleggur og vinnur að ráðgjöf við atvinnulífið á landsbyggðinni í samstarfi við atvinnuþróunarfélög, sveitarfélög og aðra. Föstudaginn 4. maí síðast liðinn var haldinn stjórnarfundur í Byggðastofnun í Grundarfirði. Auk venjubundins stjórnarfundar heimsóttu stjórn og starfsmenn fyrirtæki og stofnanir í Stykkishólmi og Grundarfirði. Farið var í Sæferðir ehf. í Stykkishólmi, Hótel Framnes Grundarfirði, Reykofninn Grundarfirði, Fjölbrautarskóla Snæfellinga og í Eyrbyggju, sögumiðstöð í Grundarfirði. Lesa meira

Í skýrslunni Strategies for Interaction and the Role of Higher Education Instituions in Regional Development in the Nordic Countries (2012) er skoðað hvernig háskólasamfélög og fræðasetur á Norðurlöndunum hafa mætt auknum kröfum sem gerðar eru til þeirra um meiri og virkari þátttöku í þróun og vexti í sínu nærumhverfi. 
Nordregio vann skýrsluna að beiðni Norrænu Ráðherranefndarinnar. Lesa meira

Ársfundur Byggðastofnunar verður haldinn á Sauðárkróki í  júní n.k. Á fundinum verður í annað sinn veitt viðurkenning Byggðastofnunar undir heitinu „Landstólpinn. Samfélagsviðurkenning Byggðastofnunar“. Lesa meira

Sóknaráætlanir landshluta er eitt af samvinnuverkefnum Stjórnarráðsins, unnið út frá framtíðarsýn og stefnu ríkisstjórnarinnar, Ísland 2020. Markmiðið með sóknaráætlunum landshluta er að stuðla að umbótum í úthlutun almannafjár, framförum í samskiptum stjórnsýslustiga og nýsköpun í opinberri stjórnsýslu. Leiðin að þessum markmiðum er að endurskipuleggja fjárframlög ríkissjóðs til landshluta og um leið að einfalda úthlutun þeirra. Lesa meira

Samningar hafa tekist milli veðhafa þrotabús TH ehf. og SS verktaka um kaup á vélum á verkstæði þrotabúsins á Akranesi. Jafnframt hafa SS verktakar leigt verkstæðishús að Hafnarbraut og Vesturgötu af Byggðastofnun, með möguleika á kaupum í framtíðinni, og þannig hefur áframhaldandi starfsemi verið tryggð í húsunum en TH ehf. varð gjaldþrota nú í byrjun ársins.  Lesa meira

Byggðastofnun auglýsir til sölu tæki úr þrotabúi KNH ehf. á Ísafirði.  Lista yfir tækin má sjá hér.  Allar nánari upplýsingar eru veittar í síma 455-5400. 

Gagnagrunnur Byggðastofnunar um íbúaþróun hefur verið uppfærður með tölum frá 1. desember 2010. Hægt er að skoða á myndrænan hátt íbúaþróun áranna 1997-2010 eftir kyni og aldri í skráðum sveitarfélögum 1. desember 2010, einnig er hægt að skoða ákveðin landsvæði. Lesa meira

Alls bárust 43 umsóknir um starf verkefnisstjóra sóknaráætlana landshluta, en umsóknarfrestur rann út þann 17. mars sl.  Um er að ræða starf verkefnisstjóra til að starfa með stýrineti ráðuneyta að gerð og útfærslu sóknaráætlana landshluta.  Verið er að vinna úr umsóknunum og er stefnt að því að ráða í starfið sem fyrst.  Eftirfarandi sóttu um starfið: Lesa meira

Mánudaginn 12. mars sl. gekkst Byggðastofnun fyrir ráðstefnu í Háskólanum í Reykjavík um þátttöku Íslands í evrópsku samstarfi um rannsóknir og stefnumótun í byggðaþróun undir yfirskriftinni ESPON og Ísland. Aðalsteinn Þorsteinsson forstjóri Byggðastofnunar setti ráðstefnuna og henni stjórnaði Sveinn Þorgrímsson skrifstofustjóri byggðamála í iðnaðarráðuneytinu. Dagskrá ráðstefnunnar má sjá hér Lesa meira