Fréttir

Árshlutareikningur Byggðastofnunar fyrir tímabilið janúar – júní 2015, var staðfestur af stjórn stofnunarinnar 27. ágúst 2015.

Hagnaður tímabilsins nam 36,5 milljónum króna.  Eiginfjárhlutfall í lok júní skv. eiginfjárákvæðum laga nr. 161/2002 um fjármálafyrirtæki var 21,38% en var 20,2% í lok árs 2014.

Helstu niðurstöður úr árshlutareikningi Byggðastofnunar janúar – júní 2015

• Hagnaður tímabilsins nam 36,5 milljónum króna.
• Eiginfjárhlutfall skv. lögum um fjármálafyrirtæki var 21,38% en skal að lágmarki vera 8%
• Hreinar vaxtatekjur voru 220,8 milljónir króna eða 48,9% af vaxtatekjum, samanborið við 172,7 milljónir króna (41,6% af vaxtatekjum) hreinar vaxtatekjur á sama tímabili 2014.
• Laun og annar rekstrarkostnaður nam 128,3 milljónum króna samanborið við 124,8 milljónir á sama tímabili 2014.
• Eignir námu 13.393 milljónum króna og hafa lækkað um 524,4 milljónir frá áramótum.  Þar af voru útlán og fullnustueignir 10.688 milljónir.
• Skuldir námu 10.704 milljónum króna og lækkuðu um 560,9 milljónir frá áramótum.
• Veittar ábyrgðir utan efnahagsreiknings námu 16,5 milljónum króna.

Árshlutauppgjörið má nálgast hér

Tilkynning Byggðastofnunar til Kauphallar