Íbúaþróun uppfærð
miðvikudagur 23.nóvember 2011 - Lestrar 73
Gagnagrunnur Byggðastofnunar um íbúaþróun hefur verið uppfærður
með tölum frá 1. desember 2010. Hægt er að skoða á myndrænan hátt íbúaþróun áranna 1997-2010 eftir kyni og aldri
í skráðum sveitarfélögum 1. desember 2010, einnig er hægt að skoða ákveðin landsvæði.
Íbúum hefur undanfarin ár fækkað á landsbyggðinni og fjölgað á höfuðborgarsvæðinu, þó hefur fjölgað
í einstaka sveitarfélögum einkum þeim sem eru nær höfuðborgarsvæðinu. Það er meðal hlutverka Byggðastofnunar að fylgjast
með þessari þróun, enda ein forsenda vinnu varðandi gerð áætlana um þróun og styrkingu byggða á Íslandi.
Sveitarfélög hafa sameinast til að valda betur verkefnum sínum og bæta þjónustu við íbúana og hefur þeim fækkað um 2/3,
úr 229 árið 1950 í 76 sveitarfélög 1. desember 2010.
Upplýsingar um íbúaþróun eru fengnar af vef Hagstofu Íslands.
Með því að smella hér er farið inn á gagnagrunninn.
