Landsbyggð tækifæranna - Þekkingar- og fræðastarf á landsbyggðinni
föstudagur 27.maí 2011 - Lestrar 62
Miðvikudaginn 8. Júní kl. 13:00 – 17:00 verður haldin ráðstefnan Landsbyggð tækifæranna - Þekkingar- og fræðastarf
á landsbyggðinni á Grand Hótel, Sigtúni 38, Reykjavík (Háteigur A, 4 hæð). Tilefni ráðstefnunnar er skýrsla Byggðastofnunar um Þekkingarsetur á Íslandi og nú er
ætlunin að móta áframhald þess verkefnis m.a. í tengslum við áherslur Vísinda- og tækniráðs og
sóknaráætlanir landshluta (Ísland 2020).
Á ráðstefnunni verður fjallað um mikilvægi og tækifæri þekkingar- og fræðastarfs á landsbyggðinni og tengsl þess við
rannsókna- og háskólasamfélagið á höfuðborgarsvæðinu. Meðal viðfangsefna ráðstefnunnar er að skýra umfang og
fjölbreytileika í starfsemi þekkingarsetra víða um land með áherslu á þau tækifæri sem þar liggja. Aukið samstarf
þekkingarsetra bæði svæðisbundið og á landsvísu er líklegt til að skila auknum tækifærum til svæðisbundinnar
þróunar á Íslandi.
Á ráðstefnunni verða 10 stuttir fyrirlestrar og umræður.
Vinsamlega tilkynnið þátttöku á netfangið postur@mrn.is
