Stjórn Byggðastofnunar samþykkti á fundi sínum útlánaáætlun fyrir árið 2009. Það er kunnara en frá þurfi að segja að aðstæður á fjármagnsmarkaði eru erfiðari nú en áður hefur þekkst. Við þessar aðstæður er nauðsynlegt að skerpa enn frekar á áherslum í útlánastarfseminni með það að megin markmiði að útlánageta stofnunarinnar nýtist sem allra best.
Í samræmi við þetta leggur Byggðastofnun einkum áherslu á eftirfarandi viðmið á árinu 2009:
- Vegin meðaláhætta allra útlána ársins 2009 verði ekki hærri en 10%.
- Miðað skal við að áhætta vegna eins eða fleiri tengdra aðila fari ekki yfir 150 mkr.
- Ekki verður lánað til endurfjármögnunar á langtímalánum viðskiptabanka og sparisjóða.
- Sérstök áhersla verði lögð á gjaldeyrisskapandi eða gjaldeyrissparandi verkefni.
- Sköpun eða varðveislu varanlegra starfa.
- Skerpa þarf á kröfum um eiginfjárframlag til nýrra verkefna til að auka möguleika á að verkefnið takist við þær aðstæður sem nú eru á fjármagnsmarkaði, auk þess sem telja verður að verðmæti og markaðshæfi veða sé nú almennt minna en framan af árinu 2008.
-
Þá liggur fyrir, vegna aðstæðna á fjármagnsmörkuðum, að lánveitingar á árinu 2009 verða einungis í íslenskum krónum.
Fjármögnun verkefna er þríþætt; lán, styrkir og hlutafé. Hvorki eru veittir styrkir né hlutafé á árinu 2008.
Verðskrá
Frá og með 1. maí 2007 tók í gildi ný gjaldskrá.
| Lántökugjald | 1,80% |
| Kostnaður við skuldbreytingu (af vanskilum) | 1,80% lágm. 5.000 |
| Skilmálabreytinga á skuldabréfi í skilum | 5.000 |
| Myntbreyting á skuldabréfi | 0,2% lágm. 20.000 |
| Skuldskeyting | 5.000 |
| Veðleyfi | 5.000 |
| Veðbandslausn | 5.000 |
| Ný veðsetning | 5.000 |
| Leyfi fyrir kvótaflutning | 5.000 |
| Áritun á skilyrt veðleyfi, samþykki síðari veðhafa | 1.000 |
| Seðilgjald | 190 |
| Áminning | 500 |
| Ítrekun | 2.000 |
| Aðvörun | 3.000 |
| Ábyrgðaþóknun | 0,5-1,5% |
| Uppgreiðslugjald | 1,00% |
| Þinglýsingargjald | 2.000 |
| Veðbókarvottorð úr tölvu | 1.000 |
| Greiðsluáskorun | 15.125+vsk |
| Birtingakostnaður | 1.840 |
