Byggðastofnun

Opið fyrir umsóknir í Tækniþróunarsjóð

Tue, 18 Aug 2026 13:56:00 +0000

Tækniþróunarsjóður er nú með opið fyrir umsóknir í styrktarflokkunum Sproti, Vöxtur og Markaður. Umsóknarfrestur er 15. september 2026 kl. 15:00.

Verkefnisstjórn hefur störf í verkefni Brothættra byggða á Tálknafirði

Fri, 14 Aug 2026 11:26:00 +0000

Nýr verkefnisstjóri, Bergdís Þrastardóttir, hóf störf hjá Vestfjarðastofu í byrjun ágúst. Bergdís mun leiða byggðaþróunarverkefnið Brothættar byggðir á Tálknafirði en samningar um verkefnið voru undirritaðir á milli Byggðastofnunar, Vesturbyggðar og Vestfjarðastofu fyrr á árinu. Búið er að skipa verkefnisstjórn í verkefninu og var fyrsti fundur verkefnisstjórnar jafnframt haldinn í gær í fjarfundi. Í verkefnisstjórn er samankomin mikil reynsla af samfélagsverkefnum og góð tenging við samfélagið í Vesturbyggð og á Tálknafirði.

Breytingar á gjaldskrá innan alþjónustu

Fri, 14 Aug 2026 09:22:00 +0000

Þann 1. ágúst 2026 urðu breytingar á gjaldskrá Íslandspósts ohf. sem ná m.a. til þjónustuflokka innan alþjónustu í póstþjónustu.

Opið fyrir umsóknir í Sóknarsjóð fyrir smærri fyrirtæki í Grindavík

Thu, 06 Aug 2026 10:49:00 +0000

Byggðastofnun auglýsir eftir umsóknum um styrki úr Sóknarsjóð fyrir smærri fyrirtæki í Grindavík. Tilgangur Sóknarsjóðs er að styðja við smærri atvinnurekendur í Grindavík með það að markmiði að horfa megi til framtíðar í rekstri.

Meistaraverkefni um orkuframtíð Vestfjarða

Fri, 10 Jul 2026 08:36:00 +0000

Brianna Marie Cunliffe lauk nýverið meistaraverkefni í sjávarbyggðafræði hjá Háskólasetri Vestfjarða með rannsókn sem nefnist Participatory Planning for Resilient Westfjords Energy Futures: Consequences of the Status Quo and Barriers to Transformative Change. Lokaverkefni hennar er eitt af fjórum verkefnum meistaranema sem hlaut styrk Byggðastofnunar í desember 2024.