IPA | Byggðastofnun

67 umsóknir um IPA-verkefnisstyrki

Thu, 13 Dec 2012 13:01:00 +0000

Í framhaldi af auglýsingu Evrópusambandsins um IPA-verkefnisstyrki hafa Byggðastofnun, Rannís og Utanríkisráðuneytið haldið kynningarfundi, námskeið auk þess að svara fyrirspurnum undanfarna mánuði. Umsóknarfrestur um IPA styrki til verkefna á sviði atvinnuþróunar og byggðamála og velferðar- og vinnumarkaðsmála, rann út 30. nóvember sl. Alls bárust 67 verkefnistillögur með umsókn um styrki en gert er ráð fyrir að styrkt verði allt að 20 verkefni um land allt.

IPA - námskeið (seinni hluti)

Wed, 17 Oct 2012 09:32:00 +0000

Auglýst hefur verið eftir umsóknum um IPA-verkefnisstyrki og rennur umsóknarfrestur út þann 30. nóvember nk. Til að undirbúa væntanlega umsækjendur hafa verið haldnir kynningarfundir og námskeið sem hafa verið vel sótt. Seinni hluti námskeiða fyrir væntanlega umsækjendur vegna IPA-verkefna verða haldin dagana 23.-30. október.

Góð þátttaka í IPA-námskeiðum

Fri, 05 Oct 2012 13:34:00 +0000

Fyrri hluti námskeiða vegna IPA-verkefnisstyrkja stendur nú yfir og er áætlað að hátt í tvöhundruð manns muni sækja námskeiðin. Fyrsta námskeiðið var haldið á Grand hotel í Reykjavík á þriðjudag og miðvikudag og á Egilsstöðum í dag og í gær. Í næstu viku verða síðan námskeið á Akureyri á mánudag og þriðjudag og á Ísafirði miðvikudag og fimmtudag.

Kynningarfundir um IPA-verkefnastyrki

Thu, 13 Sep 2012 14:28:00 +0000

Byggðastofnun, Rannís og Utanríkisráðuneytið hafa á undanförnum þremur dögum haldið þrjá kynningarfundi um IPA- verkefnastyrki. Fundirnir, sem voru öllum opnir, voru haldnir í Reykjavík, á Akureyri og í gær á Egilsstöðum. Til að koma til móts við þá sem ekki komust á fundina var fundurinn á Akureyri sendur út beint á netinu. Samtals sóttu fundina hátt í tvö hundruð manns.