ESPON | Byggðastofnun

ESPON vika í Búdapest

Mon, 18 Nov 2024 13:32:00 +0000

Dagana 3.-8. nóvember var haldin ESPON vika í Búdapest. ESPON vika samanstendur af stjórnarfundum verkefnisins (Monitoring Committee) og fundum landstengiliða (European Contact Point).

Vaxandi skilningur á mikilvægi smærri byggðarlaga

Tue, 24 Sep 2024 11:51:00 +0000

Ráðstefna á vegum ESPON var haldin í Trysil í Noregi dagana 10. 12. september síðastliðinn. Þremur starfsmönnum Byggðastofnunar gafst tækifæri til að taka þátt á ráðstefnunni. Yfirskrift ráðstefnunnar að þessu sinni var Unleashing the potential of small and medium size places barriers and opportunities.

ESPON auglýsir útboð fyrir ný byggðarannsóknarverkefni

Thu, 23 Mar 2023 12:56:00 +0000

Í lok árs 2022 setti ESPON af stað sína þriðju starfsáætlun, ESPON 2030. Nú er komið að því að kalla eftir þátttöku rannsakenda í sjö verkefnum sem skilgreind hafa verið af framkvæmdastjórn og stýrinefnd ESPON.

Ný vinnuáætlun ESPON kallar eftir tillögum að greiningum á sviði byggðamála

Tue, 15 Nov 2022 14:56:00 +0000

Telur þú þörf á kafað sé ofan í orsakir eða afleiðingar ákveðinna áskoranna innan byggðamála? Um mitt ár setti ESPON af stað nýja vinnuáætlun, ESPON 2030, og er nú óskað eftir tillögum að markvissum greiningum, eða svokölluðum targeted analysis.

Útboð ESPON

Wed, 16 Dec 2015 13:28:00 +0000

ESPON hefur auglýst fyrstu útboð á rannsóknarverkum á nýju starfstímabili. Útboðin eru 7 talsins, undir fyrstu áherslu ESPON, hagnýtar rannsóknir, með heildarfjárstyrk að upphæð tæplega 640 milljónir íslenskra króna. Tilboðum á að skila ýmist 9. eða 10. febrúar 2016.

ESPON: Laus störf

Tue, 08 Sep 2015 11:29:00 +0000

Auglýst er eftir starfsfólki í fimm störf í Lúxemborg sem tengjast ESPON, þrjú störf sérfræðinga og tvö hálf störf verkefnisstjóra. Störfin eru á vegum GIE LERAS Luxembourg European Research & Administration Support, sem er starfsstofnun Lúxemborgarháskóla og ráðuneytis sjálfbærrar þróunar og grunngerðar í Lúxemborg. GIE LERAS starfar til stuðnings evrópskum byggða- og svæðararannsóknum. Nánari upplýsingar um störfin fást hér.

ESPON

Mon, 31 Aug 2015 19:14:00 +0000

Ísland tekur þátt í ESPON 2020, samstarfsáætlun ESB um byggðarannsóknir, ásamt Noregi, Sviss og Liechtenstein. Undirbúningur stendur nú yfir á fyrsta verkefnaútboði ESPON 2020 og gert ráð fyrir því um mánaðamót október og nóvember nk. Eitt útboð er í gangi með tilboðsfrest til 14. september nk. Í því er óskað eftir tilboðum í verkefni sem felur í sér endurhönnun, uppfærslu og viðhald á ESPON-vefnum og tengdum þáttum.

ESPON ráðstefna um samstarfslöndin og ESB

Mon, 03 Mar 2014 10:16:00 +0000

Þann 11. mars nk. verður ráðstefna í svissneska sendiráðinu í Brussel um samstarfslöndin fjögur í ESPON, Sviss, Liechtenstein, Noreg og Ísland, og ESB. Ráðstefnan verður haldin undir heitinu "Potentials and Challenges for Iceland, Liechtenstein, Norway and Switzerland - and for the European Union" og til umfjöllunar verða áherslumál fyrir samstarfsverkefni byggðarannsókna á vettvangi ESPON á næsta starfstímabili.

NPP og ESPON á uppskeruhátíð ESB samstarfsáætlana

Tue, 03 Dec 2013 00:01:00 +0000

Byggðastofnun tók þátt í uppskeruhátíð samstarfsáætlana ESB 22. nóvember sl. Margir sóttu uppskeruhátíðina, sýningarbása og ýmsa dagskrárliði sem settir voru á svið.

Vaxandi þátttaka íslenskra stofnana í ESPON

Fri, 24 Aug 2012 13:27:00 +0000

ESPON er ein af áætlunum ESB um milliríkjasamstarf og styrkir byggðarannsóknir í Evrópu. Öll lönd ESB eiga skylduaðild að ESPON en aðild auk þeirra eiga Noregur, Sviss, Liechtenstein og Ísland. Þátttaka íslenskra rannsóknastofnana í ESPON-verkefnum hefur farið vaxandi síðan Ísland í upphafi þessa starfstímabils, frá 2007 til 2013, gerðist aðili að ESPON.

Ráðstefna um þátttöku í evrópsku samstarfi um rannsóknir og stefnu í byggðaþróun

Fri, 17 Feb 2012 11:53:00 +0000

Byggðastofnun gengst fyrir ráðstefnu um þátttöku Íslendinga í samstarfi um rannsóknir og stefnumótun í byggðaþróun í Háskólanum í Reykjavík 12. mars nk. Ráðstefnan er kynning á ESPON áætlun ESB um byggðarannsóknir þar sem Ísland tekur þátt ásamt Noregi, Sviss og Liechtenstein auk allra aðildarlanda ESB. Forstöðumaður ESPON, Peter Mehlbye, flytur meginerindi ráðstefnunnar um ESPON, gerð, starfsemi og starfshætti og svarar fyrirspurnum.

ESPON 2011

Tue, 24 Jan 2012 13:41:00 +0000

Það styttist í starfstímabili ESPON 2013. Mörgum rannsóknaverkefnum mun ljúka árin 2012 og 13 og fá ný byrja fyrir 1. janúar 2014 þegar nýtt starfstímabil hefst. Á síðustu misserum hafa komið fram yfirlýsingar um mikilvægi ESPON-starfsins, rannsóknanna, netverksins og gagnagrunnsins og útlit er fyrir að framhald verði á starfi þessarar ESB-áætlunar um byggðarannsóknir.

Af starfi ESPON

Thu, 09 Jun 2011 10:21:00 +0000

ESPON lýsir eftir umsóknum um starf á skrifstofunni í Lúxemborg. Starfið er sérfræðivinna við mótun og samræmingu verkefna. Umsóknarfrestur er til 20. júní. Sjá nánar hér.

Norræn-baltnesk ráðstefna tengiliða ESPON

Tue, 14 Dec 2010 15:20:00 +0000

Þann 3. og 4. febrúar 2011 munu tengiliðanet ESPON í norrænu og baltnesku löndunum gangast fyrir ráðstefnu um „millilandasýn við samþætta áætlanagerð“ (Transnational perspectives on spatial planning) í Stokkhólmi. Sjá nánar á heimasíðu Rannsókna- og þróunarmiðstöðvar Háskólans á Akureyri sem er íslenskur tengiliður ESPON.

Um ESPON- verkefni um fjölbreytileika svæða (Territorial Diversity)

Thu, 16 Sep 2010 09:32:00 +0000

Áhersla ESB á svæði eða byggðir til þess að ná markmiðum um efnahagsþróun og samkennd hefur vaxið. Í endurskoðuðum stofnsáttmála Evrópu frá 2007 sem tók gildi 2009 (The Treaty on European Union) er mikil áhersla lögð á samstöðu eða samkennd innan svæða (Territorial Cohesion) til þess að ná markmiðinu um félagslega samkennd (Social Cohesion) og á mismun svæða eða sérstöðu, fjallendi, eyjar og strjálbýli. Þessi einkennissvæði eru nefnd sérstaklega í 174. grein sáttmálans.

ESPON auglýsir verkefnastyrki

Wed, 01 Sep 2010 13:16:00 +0000

ESPON auglýsir eftir umsóknum um verkefnastyrki og verkefnatillögum fyrir tvö rannsóknasvið:

Starfsþjálfun hjá ESPON

Mon, 03 May 2010 15:09:00 +0000

Skrifstofa ESPON (ESPON CU) í Esch-sur-Alzette í Lúxemborg auglýsir nú 2 lausar stöður í 5 mánuði í starfsþjálfun fyrir háskólanema á lokastigi náms í svæðaþróun og skipulagi, landfræði, svæðahagfræði, Evrópufræðum, stjórnmálafræði eða öðrum greinum sem tengjast byggða- og svæðaþróun. Eftirsóknarvert er að umsækjendur geti hafið störf sem fyrst. Nánari upplýsingar er að finna á heimasíðu ESPON eða hér.

ESPON: Upplýsingadagur og samstarfsfundur

Mon, 19 Apr 2010 10:56:00 +0000

Til undirbúnings fyrir gerð tillagna að umsóknarverkefnum sem auglýst verður eftir frá 3. maí nk. gengst ESPON fyrir upplýsingadegi og samstarfsfundi (Info Day on New Calls and Partner Café) í Brussel 18. maí nk. eins og lesa má nánar um á þessari slóð. Þessi vettvangur er kjörinn til þess að fræðast um áherslur og umsóknarskilyrði, til þess að fræðast um samstarfsnet og finna samstarfsaðila.

Kynning á Evrópuáætlunum

Tue, 19 Jan 2010 10:10:00 +0000

Þann 14. janúar sl. stóðu umsjónarstofnanir samstarfsáætlana ESB, sem Ísland er aðili að, fyrir kynningu á Háskólatorgi í Reykjavík. Kynntar voru um 20 áætlanir sem veita styrki til samstarfsverkefna á ýmsum sviðum samfélagsins.

Evrópusamvinna á Háskólatorgi 14. janúar 2010

Wed, 06 Jan 2010 16:52:00 +0000

Kynning á tækifærum og styrkjum í Evrópusamstarfi verður haldin á Háskólatorgi fimmtudaginn 14. janúar 2010 kl. 15-18. Þar gefst færi á að hitta fulltrúa evrópskra samstarfsáætlana á Íslandi og kynna sér möguleika á styrkjum og samstarfi á öllum sviðum menntamála, rannsókna, vísinda, nýsköpunar, menningar og atvinnulífs.

Ný útgáfa af fréttabréfi ESPON

Fri, 02 Oct 2009 12:04:00 +0000

Í nýju fréttabréfi ESPON er sérstaklega farið yfir hin 5 nýju verkefnaköll á aðgengilegan hátt. Þetta má sjá með því að smella hér

ESPON auglýsir eftir nýjum styrkjaumsóknum

Wed, 09 Sep 2009 15:32:00 +0000

Þann 16. september næstkomandi mun ESPON kalla eftir verkefnatillögum og áhugayfirlýsingum um verkefni vegna fimm næstu verkefnaflokka byggðarannsókna. Skilafrestur fyrir tillögur og áhugayfirlýsingar verður til 11. nóvember 2009. Heildarupphæð til ráðstöfunar verður € 14.910.000.

ESPON: Byggðastofnun semur við HA um hlutverk tengiliðs

Tue, 24 Mar 2009 11:57:00 +0000

Nú í mars undirrituðu Aðalsteinn Þorsteinsson, forstjóri Byggðastofnunar, og Þorsteinn Gunnarsson, rektor Háskólans á Akureyri, samning um að HA gegni hlutverki tengiliðs ESPON á Íslandi.

Verkefnishugmyndir fyrir ESPON

Mon, 11 Aug 2008 15:48:00 +0000

ESPON mun þ. 20. ágúst nk. auglýsa eftir hugmyndum um verkefni á sviði byggðarannsókna sem geta hlotið styrki frá stofnuninni. Skilafrestur mun renna út 15. október.