Brothættar byggðir | Byggðastofnun

Verkefnisstjóri á Drangsnesi

Fri, 20 Mar 2026 11:34:00 +0000

Vestfjarðastofa, með stuðningi Byggðastofnunar, auglýsir eftir verkefnisstjóra á Drangsnesi. Verkefnisstjóri gegnir hlutverki leiðtoga verkefnisins Brothættra byggða í Kaldrananeshreppi og vinnur að eflingu byggðar og mannlífs í Kaldrananeshreppi.

Líf, fjör og frumkvæði á Stöðvarfirði

Thu, 12 Mar 2026 08:17:00 +0000

Stöðfirðingar hafa tekið þátt í verkefni Brothættra byggða af miklum krafti í á fimmta ár. Í síðustu viku fór fram úthlutunarhátíð þar sem úthlutað var í síðasta sinn úr Frumkvæðissjóði Sterks Stöðvarfjarðar til fjölbreyttra frumkvæðisverkefna og markaði úthlutunin því ákveðin tímamót í verkefninu. Að þessu sinni bárust samtals 20 umsóknir í sjóðinn og hlutu 18 verkefni brautargengi.

Íbúar í Kaldrananeshreppi hefja verkefnið Jú víst! Kraftur í Kaldrana af miklum krafti

Tue, 03 Mar 2026 09:01:00 +0000

Fimmtudaginn 26. febrúar fór fram fyrsta úthlutunarathöfn Frumkvæðissjóðs Jú víst! Kraftur í Kaldrana og var athöfnin haldin í húsnæði Verslunarfélags Drangsness. Mæting var góð og þar ríkti mikil stemning og frumkvöðlakraftur.

Fjölmörg frumkvæðisverkefni styrkja samfélagið í Dalabyggð

Wed, 25 Feb 2026 09:18:00 +0000

Föstudaginn 20. febrúar var úthlutað úr Frumkvæðissjóði DalaAuðs í fimmta sinn. Viðburðurinn var haldinn að Nýp á Skarðsströnd. Frumkvæðissjóður DalaAuðs styrkir hvers kyns samfélagseflandi verkefni, þar með talið nýsköpun í Dalabyggð.

Auglýst er eftir umsóknum í frumkvæðissjóði Öxarfjarðar í sókn og Raufarhafnar og framtíðarinnar

Mon, 19 Jan 2026 11:06:00 +0000

Opnað hefur verið fyrir umsóknir til frumkvæðisverkefna í frumkvæðissjóði byggðarlaganna sem taka þátt í tilraunaverkefni undir merkjum Brothættra byggða II.

Auglýst eftir umsóknum í Frumkvæðissjóð Sterks Stöðvarfjarðar

Mon, 05 Jan 2026 15:17:00 +0000

Opnað hefur verið fyrir umsóknir í Frumkvæðissjóð byggðaþróunarverkefnisins Sterks Stöðvarfjarðar. Þar sem samningur um verkefnið mun renna út í lok árs 2026 er um að ræða síðustu úthlutun fjármuna til frumkvæðisverkefna í byggðarlaginu á framkvæmdatíma verkefnisins.

Sóknarfæri í DalaAuði opið fyrir umsóknir í Frumkvæðissjóðinn

Wed, 10 Dec 2025 12:57:00 +0000

Opnað hefur verið fyrir umsóknir í Frumkvæðissjóð byggðaþróunarverkefnisins DalaAuðs. Þar sem samningur um verkefnið mun renna út í lok árs 2026 er um að ræða síðustu úthlutun fjármuna til frumkvæðisverkefna í byggðarlaginu á framkvæmdatíma verkefnisins. Tekið verður við umsóknum til kl. 12:00 miðvikudaginn 21. janúar nk.

Ný verkefnisáætlun og opnað fyrir umsóknir í Frumkvæðissjóð Jú víst! Kraftur í Kaldrana

Mon, 01 Dec 2025 14:25:00 +0000

Verkefnisáætlun fyrir verkefnið Jú víst! Kraftur í Kaldrana hefur nú verið gefin út, hana má skoða hér. Í verkefnisáætluninni er framtíðarsýn íbúa í Kaldrananeshreppi sett fram, en sýnin byggir á skilaboðum frá íbúaþingi sem haldið var í byrjun október sl.

Jú víst! Kraftur í Kaldrana, íbúar fjölmenntu á íbúafund

Thu, 13 Nov 2025 14:47:00 +0000

Kraftur, jákvæðni og lausnamiðun einkenndu íbúafund sem haldinn var þriðjudaginn 11. nóvember sl. í samkomuhúsinu Baldri á Drangsnesi.

Jú víst! Kraftur í Kaldrana, íbúafundur í Kaldrananeshreppi 11. nóvember

Wed, 05 Nov 2025 09:42:00 +0000

Íbúafundur verður haldinn í byggðaþróunarverkefninu Jú víst! Kraftur í Kaldrana þriðjudaginn 11. nóv. nk. kl. 17:00-19:00 í samkomuhúsinu Baldri. Á fundinum verða drög að nýrri verkefnisáætlun kynnt en þau eru byggð á skilaboðum íbúaþings sem haldið var í októberbyrjun í Kaldrananeshreppi.

Úthlutun frumkvæðisstyrkja í Fjársjóði fjalla og fjarða

Fri, 31 Oct 2025 14:54:00 +0000

Frumkvæðisstyrkjum var úthlutað í fyrsta sinn úr Frumkvæðissjóði Fjársjóðs fjalla og fjarða þann 29. okt. sl. Úthlutunarathöfnin fór fram í Handverksmarkaði Össu í Króksfjarðarnesi og þangað mættu bæði styrkþegar og aðrir gestir.

Fróðlegur dagur í DalaAuði

Fri, 10 Oct 2025 14:43:00 +0000

Miðvikudaginn 8. október hittist verkefnisstjórn DalaAuðs til að kynna sér árangur í styrktum verkefnum og til að hitta íbúa Dalabyggðar á árlegum fundi í verkefninu.

Jú víst! Kraftur í Kaldrana

Tue, 07 Oct 2025 13:13:00 +0000

Íbúaþing undir merkjum Brothættra byggða var haldið í samkomuhúsinu Baldri á Drangsnesi helgina 4. og 5. okt. sl. Húsnæðismál í víðum skilningi, bætt ásýnd og aukin nýting heita vatnsins, eru mikilvægustu viðfangsefni samfélagsins í Kaldrananeshreppi til að styrkja stöðu byggðarlagsins til framtíðar.

Íbúafundur í DalaAuði á döfinni

Mon, 06 Oct 2025 13:38:00 +0000

Árlegur íbúafundur verður haldinn í byggðaþróunarverkefninu DalaAuði miðvikudaginn 8. okt. nk. kl. 17:30 í félagsheimilinu Dalabúð í Búðardal. Nú eru liðin tæp fjögur ár frá því að verkefnið hóf göngu sína í samstarfi íbúa Dalabyggðar, sveitarfélagsins, Vestfjarðastofu og Byggðastofnunar.

Íbúaþing á vegum Brothættra byggða í Kaldrananeshreppi

Wed, 01 Oct 2025 10:14:00 +0000

Íbúaþing verður haldið í samkomuhúsinu Baldri á Drangsnesi dagana 4. og 5. október nk. Undanfarið hefur verkefnisstjórn nýs þátttökubyggðarlags í Brothættum byggðum í Kaldrananeshreppi undirbúið íbúaþingið sem standa mun yfir frá kl. 11:00-16:00 á laugardeginum og frá kl. 11:00-15:00 á sunnudeginum.

Fundur stjórnar Byggðastofnunar og verkefnisstjórnar Fjársjóðs fjalla og fjarða

Thu, 25 Sep 2025 14:20:00 +0000

Undanfarin misseri hefur stjórn Byggðastofnunar haft það fyrir reglu að halda stjórnarfund a.m.k. einu sinni á ári í byggðarlögum þar sem byggðaþróunarverkefnið Brotthættar byggðir hefur verið í gangi.

Formleg opnun Baskaseturs í Djúpavík

Wed, 24 Sep 2025 08:25:00 +0000

Þann 20. sept. sl. var Baskasetrið í Djúpavík opnað formlega við hátíðlega athöfn. Baskasetrið er samstarfsverkefni Baskavinafélagsins þar sem Ólafur J. Engilbertsson er í forsvari, Háskólaseturs Vestfjarða, Albaola á Spáni, Haizebegi í Frakklandi og Hótels Djúpavíkur. Frá árinu 2022 hefur verkefnið tekið þátt í evrópsku samstarfi styrktu af sjóðnum Creative Europe á vegum Evrópusambandsins en segja má að formleg opnun Baskasetursins séu afurð þess samstarfsverkefnis.

Fróðlegur dagur í verkefninu Sterkum Stöðvarfirði

Fri, 12 Sep 2025 11:48:00 +0000

Fulltrúar í verkefnisstjórn Sterks Stöðvarfjarðar komu saman á Stöðvarfirði 4. september sl. í tengslum við íbúafund í verkefninu. Frumkvöðlaverkefni voru kynnt af verkefnisstjóranum, Valborgu Ösp Árnadóttur Warén. Dagskráin hófst með kaffiheimsókn í Steinasafn Petru þar sem fyrirtækið Brauðdagar sá um ljúffengar kaffiveitingar.

Verkefnisstjórn hefur störf í verkefni Brothættra byggða í Kaldrananeshreppi

Tue, 26 Aug 2025 15:08:00 +0000

Nýr verkefnisstjóri, Valgeir Jens Guðmundsson, hóf störf hjá Vestfjarðastofu í gær. Valgeir mun leiða byggðaþróunarverkefnið Brothættar byggðir í Kaldrananeshreppi en samningar um verkefnið voru undirritaðir á milli Byggðastofnunar, Kaldrananeshrepps og Vestfjarðastofu fyrr á árinu. Búið er að skipa verkefnisstjórn í verkefninu og var fyrsti fundur verkefnisstjórnar jafnframt haldinn í gær í fjarfundi.

Ársskýrsla Brothættra byggða fyrir árið 2024 er komin út

Wed, 13 Aug 2025 11:02:00 +0000

Ársskýrsla um verkefnið Brothættar byggðir fyrir árið 2024 hefur verið gefin út. Sjá má skýrsluna hér. Í skýrslunni er leitast við að gera grein fyrir því helsta sem hefur verið unnið að á árinu í þátttökubyggðarlögunum.

Úthlutun styrkja í tilraunaverkefnunum Raufarhöfn og framtíðinni II og Öxarfirði í sókn II

Wed, 02 Jul 2025 10:37:00 +0000

Formleg úthlutunarhátíð vegna úthlutunar styrkja í tveimur nýjum tilraunaverkefnum undir merkjum Brothættra byggða var haldin á Kópaskeri laugardaginn 21. júní síðastliðinn. Úthlutunarhátíðin var hluti af dagskrá Sólstöðuhátíðar sem haldin var þá helgi.

Ný verkefnisáætlun og opnað fyrir styrki í Frumkvæðissjóð Fjársjóðs fjalla og fjarða

Tue, 01 Jul 2025 12:48:00 +0000

Nú hefur verkefnisáætlun Fjársjóðs fjalla og fjarða verið gefin út og má skoða hér. Segja má að verkefnisáætlunin verði leiðarljósið í byggðaþróunarverkefninu í Reykhólahreppi næstu fimm árin. Verkefnisáætlunin er byggð á skilaboðum frá íbúaþingi sem haldið var á Reykhólum í mars sl. og stöðugreiningu verkefnisstjórnar.

Vel sóttur íbúafundur á Reykhólum

Fri, 20 Jun 2025 13:23:00 +0000

Íbúar Reykhólahrepps fjölmenntu á fyrsta íbúafundinn sem haldinn var í gær, 19. júní, undir merkjum byggðaþróunarverkefnisins Fjársjóður fjalla og fjarða.

Kaldrananeshreppur, nýtt þátttökubyggðarlag í Brothættum byggðum

Wed, 04 Jun 2025 09:15:00 +0000

Kaldrananeshreppur er næsta byggðarlag sem hefja mun þátttöku í byggðaþróunarverkefninu Brothættar byggðir. Stjórn Byggðastofnunar samþykkti á fundi sínum þann 27. mars sl. að bjóða Kaldrananeshreppi til samstarfs í verkefninu.

Skilaboð frá íbúaþingi í Reykhólahreppi í mars 2025

Fri, 16 May 2025 10:34:00 +0000

Íbúaþing var haldið í Reykhólahreppi helgina 22. 23. mars sl. undir merkjum Brothættra byggða. Íbúaþingið markaði upphaf þátttöku íbúa í Reykhólahreppi í byggðaþróunarverkefninu en Byggðastofnun, Reykhólahreppur og Vestfjarðastofa hafa undirritað samstarfssamning um verkefnið til næstu fimm ára. Sigurborg Kr. Hannesdóttir hjá Ildi stýrði þinghaldinu sem þótti takast afar vel.

Íbúafundur Betri Bakkafjarðar fyrirmyndaraðstaða í nýrri samfélagsmiðstöð

Tue, 13 May 2025 13:45:00 +0000

Síðasti íbúafundurinn í verkefninu Betri Bakkafirði með aðkomu Byggðastofnunar var haldinn í Skólahúsinu á Bakkafirði þriðjudaginn 6. maí s.l. Bakkafjörður heilsaði íbúum og öðrum fundargestum með einstaklega fallegu veðri og útsýni. Ekki spillti fyrir að unnið var að gerð gangbrauta í þorpinu en íbúar hafa kallað eftir slíkum lagfæringum.

Íbúafundur á Bakkafirði

Tue, 29 Apr 2025 09:28:00 +0000

Lokaíbúafundur í byggðaþróunarverkefninu Betri Bakkafjörður verður haldinn þriðjudaginn 6. maí. Viðburðurinn hefst kl 17:30.

Sterkur Stöðvarfjörður - Úthlutun styrkja

Wed, 26 Mar 2025 11:20:00 +0000

Fjórða úthlutunarathöfn verkefnisins Sterkur Stöðvarfjörður fór fram þann 12. mars sl. í Samkomuhúsi Stöðvarfjarðar.

Íbúar í Reykhólahreppi völdu heitið Fjársjóður fjalla og fjarða

Tue, 25 Mar 2025 13:00:00 +0000

Formleg þátttaka íbúa Reykhólahrepps í verkefninu Brothættar byggðir hófst með íbúaþingi helgina 22. - 23. mars og er þetta fimmtánda byggðarlagið þar sem unnið er eftir þessu verklagi Byggðastofnunar. Vel var mætt til þings í blíðviðri, en 30-35 íbúar á breiðum aldri tóku þátt á þinginu auk fulltrúa frá Byggðastofnun, Vestfjarðastofu og annarra gesta.

Námskeið fyrir verkefnisstjóra í Brothættum byggðum haldið í Byggðastofnun

Mon, 24 Mar 2025 11:54:00 +0000

Undanfarin ár hefur verið leitast við að halda vinnustofu/ námskeið fyrir þau sem eru að hefja störf sem verkefnisstjórar í Brothættum byggðum. Tilgangurinn er að miðla upplýsingum um verklag í verkefnunum og auðvelda þannig verkefnisstjórunum störf sín og auka líkur á góðum árangri.

Auknir fjármunir til Brothættra byggða skapa aukin tækifæri

Thu, 20 Mar 2025 12:03:00 +0000

Tvö ný tilraunaverkefni eru í þann mund að hefjast í fyrrum þátttökubyggðarlögum Brothættra byggða. Um er að ræða ný tilraunaverkefni sem líta má á sem nokkurs konar framhald á verkefnunum Raufarhöfn og framtíðin og Öxarfjörður í sókn.

Íbúaþing á vegum Brothættra byggða í Reykhólahreppi

Wed, 19 Mar 2025 10:39:00 +0000

Um næstu helgi, dagana 22. og 23. mars nk., verður íbúaþing haldið í Reykhólaskóla en Reykhólahreppur er fimmtánda og jafnframt nýjasta þátttökubyggðarlagið í byggðaþróunarverkefninu Brothættar byggðir.

Úthlutun úr Frumkvæðissjóði DalaAuðs 2025

Fri, 14 Mar 2025 10:05:00 +0000

Nýverið var úthlutað úr Frumkvæðissjóði DalaAuðs í fjórða sinn. Viðburðurinn var haldinn á vinnustofu Guðrúnar Jóhannsdóttur á Stóra Múla að þessu sinni. Frumkvæðissjóður DalaAuðs styrkir bæði samfélagseflandi verkefni og nýsköpun í Dalabyggð.

Sterkar Strandir mörg áhugaverð verkefni í Strandabyggð

Tue, 25 Feb 2025 11:35:00 +0000

Fimmtudaginn 20. febrúar var haldinn lokaíbúafundur verkefnisins Sterkar Strandir hvað þátttöku Byggðastofnunar áhrærir. Verkefnið hófst í júní 2020 eftir nokkrar tafir vegna heimsfaraldurs og hefur staðið í á fimmta ár.

Lokaíbúafundur Sterkra Stranda

Tue, 04 Feb 2025 11:41:00 +0000

Lokaíbúafundur Sterkra Stranda verður haldinn í Félagsheimilinu á Hólmavík fimmtudaginn 20. febrúar næstkomandi kl. 18:00.

Snjöll aðlögun í byggðaþróun fulltrúar Brothættra byggða á ráðstefnu í Svíþjóð

Mon, 02 Dec 2024 10:21:00 +0000

Í vikunni sem leið tóku tveir starfsmenn Byggðastofnunar ásamt fulltrúum frá Austurbrú og Samtökum sveitarfélaga á Vesturlandi (SSV) þátt í vinnustofu á vegum Nordregio um snjalla aðlögun í byggðaþróun. Nordregio er norræn rannsóknarstofnun sem sérhæfir sig í skipulags- og byggðamálum.

Reykhólahreppur nýtt þátttökubyggðarlag í Brothættum byggðum

Thu, 21 Nov 2024 11:14:00 +0000

Reykhólahreppur hefur nú hafið þátttöku í byggðaþróunarverkefninu Brothættar byggðir. Í gær var undirritaður samningur þess efnis á milli Byggðastofnunar, Reykhólahrepps og Vestfjarðastofu. Byggðarlagið er það fimmtánda í röðinni sem hefur þátttöku í verkefninu frá því að það hóf göngu sína á Raufarhöfn árið 2012.

Stjórn Byggðastofnunar fundar með verkefnisstjórn Sterks Stöðvarfjarðar

Mon, 28 Oct 2024 15:21:00 +0000

Síðastliðinn fimmtudag sóttu stjórn og starfsfólk Byggðastofnunar Stöðvarfjörð heim. Tilefnið var fundur í stjórn Byggðastofnunar. Ennfremur fundur stjórnar Byggðastofnunar með verkefnisstjórn Sterks Stöðvarfjarðar ásamt fulltrúum Austurbrúar og Fjarðabyggðar og fá kynningu á því fjölbreytta og kraftmikla frumkvöðlastarfi sem unnið hefur verið að frá því að verkefnið Sterkur Stöðvarfjörður hóf göngu sína.

Fjölbreytt frumkvæðisverkefni í Dalabyggð

Mon, 21 Oct 2024 13:35:00 +0000

Frumkvöðlar í Dalabyggð hófu árlegan íbúafund í verkefninu DalaAuði með borðkynningum þar sem fjölbreytt frumkvæðisverkefni voru kynnt sem m.a. hafa hlotið styrki úr Frumkvæðissjóði DalaAuðs.

Brothættar byggðir - Íbúafundur DalaAuðs

Thu, 17 Oct 2024 08:15:00 +0000

Íbúafundur verður haldinn í Dalabúð fimmtudaginn 17. október kl. 17.00. Verkefnið DalaAuður er tímabundið samstarfsverkefni undir hatti Brothættra byggða. Stefnt er að því að verkefnið verði starfrækt í Dalabyggð út árið 2025

Góður andi á íbúafundi Betri Bakkafjarðar

Mon, 07 Oct 2024 08:37:00 +0000

Íbúar á Bakkafirði eru staðráðnir í að fylgja verkefninu Betri Bakkafjörður vel eftir undir forystu Langanesbyggðar þegar aðkomu Byggðastofnunar lýkur um næstu áramót.

Íbúafundur á Bakkafirði

Wed, 02 Oct 2024 10:32:00 +0000

Íbúafundur verður haldinn í skólahúsinu, Skólagötu 5, miðvikudaginn 2. október kl. 16:30.

Byggðastofnun eykur fjárframlög til Brothættra byggða verulega

Tue, 01 Oct 2024 13:46:00 +0000

Stjórn Byggðastofnunar samþykkti á fundi sínum þann 26. september sl. að veita 135 m.kr. viðbótarfjárframlagi inn í verkefnið Brothættar byggðir til að auka viðspyrnu í byggðarlögum sem eru í vörn.

Vaxandi skilningur á mikilvægi smærri byggðarlaga

Tue, 24 Sep 2024 11:51:00 +0000

Ráðstefna á vegum ESPON var haldin í Trysil í Noregi dagana 10. 12. september síðastliðinn. Þremur starfsmönnum Byggðastofnunar gafst tækifæri til að taka þátt á ráðstefnunni. Yfirskrift ráðstefnunnar að þessu sinni var Unleashing the potential of small and medium size places barriers and opportunities.

Stöðfirðingar taka virkan þátt í mótun síns samfélags

Tue, 03 Sep 2024 13:38:00 +0000

Í árlegri heimsókn starfsfólks Byggðastofnunar til Stöðvarfjarðar á íbúafund kom berlega í ljós að Stöðfirðingar hafa tekið höndum saman um að nýta verkefnið Brothættar byggðir/Sterkan Stöðvarfjörð til fulls.

Íbúafundur á Stöðvarfirði

Wed, 28 Aug 2024 08:42:00 +0000

Verkefnisstjórn Sterks Stöðvarfjarðar boðar til íbúafundar í grunnskóla Stöðvarfjarðar fimmtudaginn 29. ágúst kl 18:00.

Samtals 66 frumkvæðisverkefni í fullum gangi í Brothættum byggðum

Wed, 10 Jul 2024 13:28:00 +0000

Á árinu 2024 hlutu samtals 66 frumkvæðisverkefni brautargengi úr frumkvæðissjóðum DalaAuðs, Sterks Stöðvarfjarðar, Sterkra Stranda og Betri Bakkafjarðar.

Framtíðarnefnd tekur við keflinu í Árneshreppi

Wed, 26 Jun 2024 11:34:00 +0000

Svokölluð framtíðarnefnd hefur nú tekið við keflinu í samráði við sveitarstjórn Árneshrepps eftir að Byggðastofnun hefur dregið sig formlega í hlé úr verkefninu Brothættar byggðir.

Frumkvæði og dugnaður í Brothættum byggðum

Fri, 03 May 2024 14:27:00 +0000

Ársskýrsla fyrir árið 2023 um verkefnið Brothættar byggðir hefur verið gefin út. Ýmsar vísbendingar eru um að verkefnið hafi haft jákvæð áhrif í þátttökubyggðarlögunum til þessa. Aukin virkni, samstaða íbúa og tilurð fjölda nýrra verkefna í byggðalögunum eru dæmi um jákvæð áhrif sem verkefnið hefur haft.

Síðasta úthlutun úr Frumkvæðissjóði Sterkra Stranda

Mon, 29 Apr 2024 11:00:00 +0000

Átján verkefni hlutu styrki úr Frumkvæðissjóði Sterkra Stranda í ár að fjárhæð samtals kr. 23.500.000.

Þakklæti fyrir stuðninginn efst í huga þeirra sem hafa hlotið styrki úr Brothættum byggðum

Fri, 23 Feb 2024 11:07:00 +0000

Könnun var lögð fyrir styrkþega í Brothættum byggðum sem hlotið höfðu styrki úr frumkvæðissjóðum þátttökubyggðarlaga á árunum 2020-2023, í þeim tilgangi að kanna hug þeirra til styrkveitinga til frumkvæðisverkefna og verkefnisins í heild.

Sjálfboðastarf í Brothættum byggðum

Thu, 11 Jan 2024 14:28:00 +0000

Rannsóknin Sjálfboðastarf í Brothættum byggðum var eitt af fjórum verkefnum sem hlaut styrk árið 2022 úr Byggðarannsóknasjóði. Jónína Einarsdóttir, prófessor í mannfræði framkvæmdi rannsóknina ásamt Guðbjörgu Lindu Rafnsdóttur, prófessor í félagsfræði.

Íbúafundur í Sterkum Ströndum - verkefnið framlengt um eitt ár til loka árs 2024

Thu, 23 Nov 2023 08:21:00 +0000

Byggðaþróunarverkefnið Sterkar Strandir hófst á árinu 2020 og hefur því staðið yfir í á fjórða ár. Samkvæmt samningi var gert ráð fyrir því að verkefnið stæði yfir til loka árs 2023 þegar Byggðastofnun drægi sig í hlé úr verkefninu. Sveitarstjórn Strandabyggðar óskaði eftir framlengingu á verkefninu og samþykkti stjórn Byggðastofnunar á fundi sínum 1. nóvember 2023 að framlengja verkefnið um eitt ár, til loka árs 2024.

Íbúar Dalabyggðar sameinast um verkefnið DalaAuð

Mon, 20 Nov 2023 09:13:00 +0000

Vel heppnaður íbúafundur var haldinn í byggðaþróunarverkefninu DalaAuði í Dalabúð þriðjudaginn 14. nóv. sl. Verkefnið hófst á íbúaþingi í mars 2022 og er því á öðru starfsári. Allt frá byrjun hefur mikill kraftur einkennt aðkomu hagaðila að verkefninu og íbúar tekið virkan þátt.

Áhrifamat Brothættra byggða

Mon, 30 Oct 2023 14:54:00 +0000

Byggðaþróunarverkefnið Brothættar byggðir hefur verið starfrækt í um áratug. Til þessa hafa alls fjórtán byggðarlög tekið þátt í verkefninu. Verkefnið er ein af aðgerðum (C.2) í gildandi byggðaáætlun stjórnvalda og er sértækt verkfæri Byggðastofnunar til að aðstoða byggðarlög sem standa höllum fæti. Í tvígang hefur verið lagt mat á verkefnið af ráðgjafafyrirtækjum, fyrst árið 2015 af EY. Nýverið lauk KPMG áhrifamati á verkefninu.

Framfarir í öllum byggðarlögum í verkefnum Brothættra byggða

Tue, 10 Oct 2023 14:37:00 +0000

Málþing um byggðaþróunarverkefnið Brothættar byggðir var haldið á Raufarhöfn 5.október s.l. og sóttu það um áttatíu manns auk þess sem um 2700 horfðu í lengri eða skemmri tíma á streymi frá þinginu á netinu.

Streymi frá málþingi Brothættra byggða

Thu, 05 Oct 2023 10:36:00 +0000

Hér er hægt að horfa á beint streymi frá málþingi brothættra byggða sem haldið er á Raufarhöfn

Fjölbreytt verkefni í Betri Bakkafirði

Fri, 15 Sep 2023 10:34:00 +0000

Þrátt fyrir smæð samfélagsins á Bakkafirði og nærsveitum er óhætt að segja að ekki skorti á frumkvöðlahugsun og kjark til að hrinda verkefnum í framkvæmd og þá gjarnan með stuðningi Frumkvæðissjóðs Betri Bakkafjarðar.

Samtakamáttur Stöðfirðinga skilar árangri

Wed, 13 Sep 2023 08:57:00 +0000

Fjölbreytt flóra frumkvæðisverkefna sýnir vilja Stöðfirðinga til að styrkja samfélagið á Stöðvarfirði.

Hvar verður þú 5. október 2023?

Fri, 25 Aug 2023 08:57:00 +0000

Málþing um byggðaþróunarverkefnið Brothættar byggðir verður haldið á Raufarhöfn fimmtudaginn 5. október nk. í félagsheimilinu Hnitbjörgum frá kl. 10:30-16:20.

Vel sóttur íbúafundur í Árneshreppi

Tue, 22 Aug 2023 11:56:00 +0000

Mikill hugur í íbúum og velunnurum Árneshrepps til framfara kom fram á íbúafundi í Árnesi og einhugur um að ekki megi dragast lengur að bæta samgöngur í byggðarlaginu.

Grímseyingar kalla eftir stefnumörkun í ferðaþjónustu á eyjunni

Wed, 26 Jul 2023 15:27:00 +0000

Grímseyingar vilja að ferðaþjónusta verði heilsárs atvinnugrein í Grímsey en á forsendum íbúanna þar, sem kalla eftir stefnumörkun og aukinni samvinnu varðandi afþreyingu, veitingasölu, leiðsögn og annað það sem gæti komið samfélaginu í Grímsey og náttúrvernd eyjunnar vel. Meirihluti ferðamanna sem þangað kemur vill ferðast á ábyrgan hátt og vara þeir við neikvæðum áhrifum fjöldaferðamennsku í þessari einstöku eyju á norðurhjara veraldar.

Slökunarpúðinn Friður og ró rýkur út

Mon, 03 Jul 2023 14:08:00 +0000

Hörfræ og lavender er galdurinn bakvið áhrif slökunarpúðans sem hægt er að nota í amstri dagsins til að minnka spennu og stress segir frumkvöðullinn Solveig Friðriksdóttir á Stöðvarfirði sem brennur fyrir því að fólk átti sig á því hvað það er mikilvægt að taka stundum hvíld frá önnum dagsins. Solveig hefur tekið þátt í verkefninu Sterkari Stöðvafjörður sem er eitt verkefna Brothættra byggða sem Byggðastofnun leiðir.

Er húsnæðisskortur í brothættum byggðum að hamla frekari uppbyggingu þeirra?

Fri, 30 Jun 2023 15:19:00 +0000

Þróunin hefur verið í þessa átt og margt sem hefur stuðlað að henni og er svo komið víða að eitt af stærri viðfangsefnum þessara byggðarlaga er skortur á húsnæði sem á jafnt við um íbúðarhúsnæði til sölu, leiguíbúðir og atvinnuhúsnæði segir Kristján Þ. Halldórsson sérfræðingur á þróunarsviði Byggðastofnunar í Brothættum byggðum.

Úthlutun styrkja úr Frumkvæðissjóðum Brothættra byggða 2023

Mon, 05 Jun 2023 14:53:00 +0000

Nú hafa öll byggðarlögin sem starfa undir merkjum Brothættra byggða úthlutað styrkjum úr Frumkvæðissjóði hvers byggðarlags til fjölbreyttra frumkvæðisverkefna á árinu 2023. Margar áhugaverðar umsóknir bárust sem bera þess merki að það er kraftur í íbúum og ljóst að mörg eru tilbúin til að leggja sitt lóð á vogarskálarnar til að efla sitt byggðarlag.

Öll vötn til Dýrafjarðar, lokaíbúafundur

Wed, 24 May 2023 08:55:00 +0000

Lokaíbúafundur var haldinn í byggðaþróunarverkefninu Öll vötn til Dýrafjarðar þann 16. maí sl. Á þeim tímamótum dró Byggðastofnun sig formlega í hlé úr verkefninu. Um síðustu áramót rann samningur við Ísafjarðarbæ og Vestfjarðastofu um verkefnið sitt skeið og Agnes Arnardóttir verkefnisstjóri hvarf til annarra starfa hjá Vestfjarðastofu, hún hefur þó sinnt eftirfylgni verkefna eftir atvikum og tók þátt í undirbúningi og framkvæmd lokaíbúafundar í samvinnu við verkefnisstjórn.

Fundur í Fjarðarborg á Borgarfirði eystri

Thu, 30 Mar 2023 10:02:00 +0000

Stjórn Byggðastofnunar fundaði með verkefnisstjórn Betri Borgarfjarðar í Fjarðarborg á Borgarfirði eystri föstudaginn 24. mars sl. Fulltrúar byggðamálaráðs sátu einnig fundinn. Tilefni fundarins var að stjórn Byggðastofnunar hefur ákveðið að funda að jafnaði tvisvar sinnum á ári í brothættri byggð og gefst þá um leið tækifæri til að hitta verkefnisstjórnir byggðaþróunarverkefna og fræðast um stöðu byggðarlagsins.

Glæðum Grímsey á tímamótum

Fri, 17 Feb 2023 14:22:00 +0000

Lokaíbúafundur var haldinn í byggðaþróunarverkefninu Glæðum Grímsey þann 14. febrúar sl. Þar með var komið að þeim tímamótum að Byggðastofnun dró sig formlega í hlé úr verkefninu. Undirbúningur verkefnisins hófst á árinu 2015 og íbúaþing var haldið í apríl 2016. Verkefnið hefur hefur verið framlengt tvisvar sinnum. Það má með sanni segja að Grímseyingar hafi tekið höndum saman á verkefnistímanum og unnið að mörgum framfaramálum í eynni.

Fróðlegur fundur í Dalabyggð

Tue, 29 Nov 2022 14:16:00 +0000

Stjórn Byggðastofnunar sat fund með verkefnisstjórn DalaAuðs í Vínlandssetrinu í Búðardal fimmtudaginn 24. nóv. sl. Á fundinum gafst stjórnarfólki tækifæri til að fræðast um framvindu upphafsáfanga byggðaþróunarverkefnis í Brothættum byggðum. Fyrr á árinu hófst verkefnið DalaAuður, verkefnisstjórn var skipuð og verkefnisstjóri, Linda Guðmundsdóttir, var ráðin til starfa hjá Samtökum sveitarfélaga á Vesturlandi í kjölfarið.

Verkefnisstjórar í byggðaþróunarverkefnum

Mon, 28 Nov 2022 10:50:00 +0000

Samheldinn hópur verkefnisstjóra í byggðaþróunarverkefninu Brothættum byggðum og sambærilegum verkefnum hittust á fundi á Hótel Örk 22. 23. nóvember sl. Í hverjum mánuði hittist hópurinn í netheimum og ræðir málefni sem sameiginleg eru byggðarlögunum í því skyni að deila góðu verklagi. Í þessu tilviki var hins vegar ákveðið að koma saman og halda fund. Staðfundur líkt og þessi gefur góð tækifæri til að skiptast á skoðunum, gefa góð ráð og leita sóknarfæra í sameiningu. Á fundinum var meðal annars skerpt á verklagi í Brothættum byggðum samkvæmt verkefnislýsingu. Rætt var um lokaáfanga verkefna og hvað tekur við eftir að Byggðastofnun dregur sig formlega í hlé úr verkefnum í hverju byggðarlagi.

Fyrsta úthlutun styrkja í Sterkum Stöðvarfirði

Fri, 25 Nov 2022 11:58:00 +0000

Föstudaginn 18. nóvember sl. var haldin úthlutunarhátíð á Stöðvarfirði þar sem styrkjum var úthlutað í fyrsta sinn úr Frumkvæðissjóði Sterks Stöðvarfjarðar. Byggðaþróunarverkefnið hófst í mars sl. með vel heppnuðu íbúaþingi. Sterkur Stöðvarfjörður er samstarfsverkefni Byggðastofnunar, Fjarðabyggðar, Samtaka sveitarfélaga á Austurlandi og Austurbrúar. Verkefnið er eitt af nokkrum byggðaþróunarverkefnum á landsbyggðinni sem starfa undir merkjum Brothættra byggða. Verkefnisstjóri Sterks Stöðvarfjarðar er Valborg Ösp Árnadóttir Warén.

Fyrsta úthlutun úr Frumkvæðissjóði DalaAuðs

Wed, 09 Nov 2022 14:36:00 +0000

Föstudaginn 4. nóvember sl. var úthlutunarhátíð haldin að Laugum í Sælingsdal þar sem styrkjum var úthlutað í fyrsta sinn úr Frumkvæðissjóði DalaAuðs. DalaAuður er samstarfsverkefni Byggðastofnunar, Dalabyggðar og Samtaka sveitarfélaga á Vesturlandi og er eitt af nokkrum byggðaþróunarverkefnum á landsbyggðunum sem starfa undir merkjum Brothættra byggða. Verkefnið hófst í mars á þessu ári með vel sóttu íbúaþingi.

Ársskýrsla Brothættra byggða 2021 komin út

Thu, 27 Oct 2022 14:03:00 +0000

Ársskýrsla byggðaþróunarverkefnisins Brothættar byggðir fyrir starfsárið 2021 hefur verið gefin út. Skýrslan gefur yfirlit yfir framvindu verkefna í þeim sex byggðarlögum sem voru þátttakendur í verkefninu á árinu 2021.

Íbúar á Stöðvarfirði fylkja sér um verkefnið Sterkan Stöðvarfjörð

Tue, 20 Sep 2022 13:41:00 +0000

Íbúar Stöðvarfjarðar og fulltrúar Fjarðabyggðar fjölmenntu á íbúafund í grunnskólanum sl. fimmtudagskvöld þar sem drög að verkefnisáætlun fyrir verkefnið Sterkan Stöðvarfjörð lágu fyrir til umræðu og samþykktar. Um nokkurt skeið hefur verkefnisstjóri, Valborg Ösp Árnadóttir Warén, ásamt verkefnisstjórn unnið að mótun verkefnisáætlunarinnar á grunni skilaboða íbúaþings sem haldið var í mars sl. og stöðugreiningar verkefnisstjórnar.

Bjart yfir Hrísey

Fri, 02 Sep 2022 15:27:00 +0000

Fimmtudaginn 1. september lögðu fulltrúar stjórnar í verkefninu Hrísey, perla Eyjafjarðar leið sína til Hríseyjar. Sól skein í heiði og það var bjart yfir Hríseyingum í orðsins fyllstu merkingu. Verkefnið var hluti af samstarfsverkefni Byggðastofnunar, Akureyrarbæjar, SSNE og heimamanna undir hatti Brothættra byggða. Tilgangur ferðarinnar var m.a. að heyra hljóðið í heimamönnum og sjá hver framvindan hefur verið eftir að Byggðastofnun dró sig út úr verkefninu í lok árs 2019.

Íbúafundur í byggðaþróunarverkefninu Sterkar Strandir

Tue, 30 Aug 2022 11:21:00 +0000

Fundur var haldinn í byggðaþróunarverkefninu Sterkar Strandir þann 24. ágúst sl. í Félagsheimilinu á Hólmavík. Fyrr um daginn hafði verkefnisstjórn fundað ásamt því að sækja nokkra styrkþega heim og fá kynningu á fjölbreyttum frumkvæðisverkefnum.

Fjölsóttur íbúafundur í byggðaþróunarverkefninu DalaAuði

Mon, 29 Aug 2022 15:06:00 +0000

Íbúar Dalabyggðar fjölmenntu á íbúafund í Dalabúð í byggðaþróunarverkefninu DalaAuði þann 23. ágúst sl. ásamt góðum gestum. Boðað var til fundarins þar sem verkefnisáætlun DalaAuðs lá fyrir til umræðu og samþykktar meðal íbúa. Undanfarnar vikur hefur verkefnisstjóri með aðstoð verkefnisstjórnar unnið úr skilaboðum íbúaþings sem haldið var í lok mars sl. og er verkefnisáætlun í drögum afrakstur þeirrar vinnu.

Vel sóttur íbúafundur í verkefninu Betri Bakkafjörður

Fri, 19 Aug 2022 15:41:00 +0000

Í gær, fimmtudaginn 18. ágúst var boðað til íbúafundar í verkefninu Betri Bakkafjörður, sem er samstarfsverkefni Langanesbyggðar, Samtaka sveitarfélaga og atvinnuþróunar á Norðurlandi eystra og íbúa Bakkafjarðar og Byggðastofnunar undir hatti Brothættra byggða. Vel var mætt á fundinn. Þar fór verkefnisstjóri, Gunnar Már Gunnarsson, yfir það helsta sem hefur verið á dagskrá verkefnisins, svo sem hvernig gengur að ná þeim markmiðum sem íbúar og verkefnisstjórn settu sér í upphafi verkefnisins.

Íbúar Dalabyggðar virkja auðinn

Thu, 30 Jun 2022 16:53:00 +0000

Í lok mars var íbúaþing haldið í félagsheimilinu í Búðardal í Dalabyggð. Þingið markaði upphaf samráðs við íbúa í byggðaþróunarverkefninu Brothættar byggðir sem er samstarfsverkefni á milli Dalabyggðar, Samtaka sveitarfélaga á Vesturlandi (SSV) og Byggðastofnunar. Samkvæmt samningi þessara aðila er gert ráð fyrir að verkefnið vari í um fjögur ár. Íbúar völdu nafn á verkefnið og varð heitið DalaAuður fyrir valinu. Íbúaþinginu stýrði Sigurborg Kr. Hannesdóttir hjá Ildi.

Íbúafundur í Árnesi 23. júní 2022 í verkefninu Áfram Árneshreppur

Wed, 29 Jun 2022 15:33:00 +0000

Fimmtudaginn 23. júní s.l. var haldinn íbúafundur í Félagsheimilinu í Árnesi í verkefninu Áfram Árneshreppur. Verkefnið er hluti af verkefnum Byggðastofnunar og samstarfsaðila undir heitinu Brothættar byggðir. Að þessu sinni tók Árneshreppur á móti gestum með norðaustan kalsaveðri en eins og ávallt var fróðlegt og spennandi að sækja byggðarlagið heim.

Íbúafundur í verkefninu Öll vötn til Dýrafjarðar

Tue, 21 Jun 2022 15:07:00 +0000

Íbúafundur var haldinn miðvikudaginn 15. júní sl. í byggðaþróunarverkefninu Öll vötn til Dýrafjarðar í Félagsheimilinu á Þingeyri. Fámennt en góðmennt var á fundinum. Arna Lára Jónsdóttir formaður stjórnar setti fundinn og bauð fundargesti velkomna. Því næst flutti Sigríður Elín Þórðardóttir, forstöðumaður þróunarsviðs Byggðastofnunar, ávarp.

Skilaboð íbúaþings á Stöðvarfirði

Fri, 03 Jun 2022 09:00:00 +0000

Í mars síðastliðnum var íbúaþing haldið á Stöðvarfirði undir merkjum Brothættra byggða. Þar með hófst vegferð íbúa byggðarlagsins í byggðaþróunarverkefni sem er samstarfsverkefni á milli Fjarðabyggðar, Austurbrúar, Sambands sveitarfélaga á Austurlandi (SSA) og Byggðastofnunar. Samkvæmt samningi þessara aðila er gert ráð fyrir að verkefnið vari í um fjögur ár. Íbúar völdu verkefninu nafnið Sterkur Stöðvarfjörður.

Dala Auður; stóra verkefnið í Dalabyggð er að bæta innviði

Wed, 30 Mar 2022 16:12:00 +0000

Til að Dalabyggð geti tekið fagnandi á móti framtíðinni er nauðsynlegt að auka fjölbreytni atvinnutækifæra og efla það sem fyrir er. Forsendur þessa eru bættir innviðir; vegir, fjarskipti, þriggja fasa rafmagn og aukið framboð íbúðar- og atvinnuhúsnæðis. Þetta voru meginskilaboð kraftmikils íbúaþings sem haldið var helgina 26. 27. mars, þar sem um 50 heimamenn og hálfbúar ræddu um stöðu og tækifæri Dalabyggðar. Þingið markaði upphaf að þátttöku Dalamanna í verkefninu Brothættar byggðir, sem er verklag þróað af Byggðastofnun.

Íbúafundur á Borgarfirði eystri markar tímamót í verkefninu Betri Borgarfjörður

Tue, 22 Mar 2022 14:39:00 +0000

Þann 16. mars var boðað til íbúafundar á Borgarfirði eystri í verkefninu Betri Borgarfjörður. Í því sambandi er hægt að tala um tímamót í byggðaþróunarverkefninu. Byggðastofnun dregur sig í hlé og þar með verður ekki um að ræða frekari úthlutun fjármuna frá Brothættum byggðum til verkefnisins. Verkefnisstjóri þess frá upphafi, Alda Marín Kristinsdóttir, lauk við þetta tækifæri einstaklega farsælu starfi sínu sem verkefnisstjóri í Betri Borgarfirði.

Sterkur Stöðvarfjörður - gott samfélag og fjölbreytt tækifæri

Tue, 08 Mar 2022 13:54:00 +0000

Stöðvarfjörður hefur alla möguleika á að eflast sem ferðamannastaður og menningar- og nýsköpunarbær. Hægt er að styrkja byggðina með því að nýta tækifæri á sem flestum sviðum og byggja á því sem þegar er til staðar. Leggja ætti áherslu á góða aðstöðu til útivistar og fjölskyldusamveru og mikilvægt er að auka framboð á íbúðarhúsnæði. Þetta eru meginskilaboð íbúaþings sem haldið var á Stöðvarfirði, helgina 5. 6. mars. Með því hófst þátttaka Stöðvarfjarðar í verkefninu Brothættar byggðir og er þetta þrettánda byggðarlagið þar sem unnið er eftir þessu verklagi Byggðastofnunar. Vel var mætt til þings í blíðviðri, en um 60 manns á breiðum aldri tóku þátt.

Brothættar byggðir styrkja Breiðdalssetur

Mon, 07 Mar 2022 14:27:00 +0000

Uppgjöri verkefnisins Breiðdælingar móta framtíðina er nú lokið. Breiðdalshreppur hóf þátttöku sína í verkefninu Brothættar byggðir árið 2013 og lauk verkefninu formlega í upphafi árs 2019 þegar Byggðastofnun dró sig í hlé. Á fundi verkefnisstjórnar verkefnisins þann 17. desember 2018 var ákveðið að eftirstöðvar styrkja sem veittir voru árlega á verkefnistímanum skyldu renna til Breiðdalsseturs ses. Nú liggur fyrir heildarupphæð styrksins til Breiðdalsseturs nemur kr. 1.630.000.

Tvö byggðarlög að hefja þátttöku í Brothættum byggðum

Wed, 02 Mar 2022 14:21:00 +0000

Um þessar mundir er verið að hefja tvö verkefni í byggðaþróunarverkefninu Brothættar byggðir í samstarfi Byggðastofnunar, landshlutasamtaka og heimaaðila.

Uppskera á Bakkafirði

Thu, 24 Feb 2022 13:09:00 +0000

Miðvikudaginn 16. febrúar kl. 12:00 fór fram úthlutun styrkja úr Frumkvæðissjóði Betri Bakkafjarðar fyrir árið 2022. Þá fór einnig fram undirritun samfélagssáttmála milli íbúa við Bakkaflóa, Langanesbyggðar og Byggðastofnunar vegna byggðar við Bakkaflóa.

Niðurstöður rýnihópaviðtala í verkefninu Öll vötn til Dýrafjarðar birtar

Wed, 09 Feb 2022 11:17:00 +0000

Byggðaþróunarverkefnið Öll vötn til Dýrafjarðar er hluti af verkefnum Brothættra byggða í samstarfi Byggðastofnunar, landshlutasamtaka, sveitarfélaga og íbúa í hverju byggðarlagi. Verkefnið er nú í lokaáfanga en gert er ráð fyrir því að verkefninu ljúki formlega í árslok 2022 þegar Byggðastofnun mun draga sig í hlé í verkefninu. Samkvæmt samningi um verkefnið hafði Byggðastofnun áætlað að draga sig í hlé í lok árs 2021 en verkefnið var framlengt um eitt ár að beiðni heimamanna í Dýrafirði og Ísafjarðarbæjar.

Hugur í íbúum við Dýrafjörð að nýta viðbótarár í verkefninu Öll vötn til Dýrafjarðar sem best

Tue, 07 Dec 2021 09:18:00 +0000

Fyrir skömmu tók stjórn Byggðastofnunar ákvörðun um að framlengja verkefnið Öll vötn til Dýrafjarðar um eitt ár, út árið 2022. Fulltrúar Byggðastofnunar í verkefnisstjórn sóttu Dýrfirðinga heim dagana 30. nóvember 1. desember til að leggja á ráðin um hvernig nýta megi viðbótarár sem allra best í þágu byggðarlagsins. Tekin voru rýnihópaviðtöl þar sem rætt var við fulltrúa hópa um verkefnið til þessa, m.a. hvað hefði áunnist og hvað hefði mátt gera betur, auk þess sem rætt var um mögulegar áherslur og sóknarfæri á viðbótarári. Í rýnihópunum voru fulltrúar íbúa, fulltrúar elstu árganga ungmenna í grunnskólanum, fulltrúar styrkþega og stjórn íbúasamtaka. Einnig var fundur í stjórn Allra vatna til Dýrafjarðar þar sem hluti tímans var nýttur í rýnihópsviðtal en hluti í nánari umræður um stöðu verkefnisins og áherslur. Fulltrúar íbúa í verkefnisstjórn, þau Erna Höskuldsdóttir og Guðmundur Ólafsson leituðu til íbúa um þátttöku í rýnihópum og var þeim vel tekið í alla staði. Eiga þau og fulltrúar í rýnihópunum bestu þakkir skildar fyrir áhugann og framlag sitt til verkefnisins.

Heimsókn Hólanema í Byggðastofnun

Mon, 15 Nov 2021 10:09:00 +0000

Í síðustu viku mættu glaðbeittir Hólanemendur, sem stunda nám í ferðamáladeild í Háskólanum á Hólum, í heimsókn í Byggðastofnun ásamt kennara. Tilgangur heimsóknarinnar var að fræðast um starfsemi Byggðastofnunar og málefni tengd byggðaþróun.

Tilraunaverkefni um aukinn snjómokstur í Árneshreppi í vetur

Fri, 12 Nov 2021 08:03:00 +0000

Snjómokstur verður aukinn á Strandavegi í Árneshreppi frá janúar til mars í vetur en á því tímabili verður mokað allt að tvisvar í viku þegar aðstæður leyfa. Um er að ræða tilraunaverkefni sem Byggðastofnun, Árneshreppur og Vestfjarðastofa standa að á grunni verkefnisins Brothættar byggðir, sem er hluti af byggðaáætlun stjórnvalda.

Verkefnisstjórafundur Brothættra byggða í nýjum húsakynnum Byggðastofnunar

Fri, 15 Oct 2021 10:19:00 +0000

Verkefnisstjórar Brothættra byggða og sambærilegra byggðaþróunarverkefna komu saman til fundar í húsakynnum Byggðastofnunar dagana 12. og 13. okt. sl. Ánægjulegt var að hópurinn gat loksins hist á staðfundi eftir langan tíma eftir takmarkanir vegna COVID-19. Dagskráin var þéttskipuð. Farið var yfir verkefnislýsingu Brothættra byggða og ýmis praktísk málefni tengd framkvæmd og umsýslu verkefna í þátttökubyggðarlögunum. Aðalsteinn Þorsteinsson forstjóri Byggðastofnunar kynnti hlutverk og starfsemi Byggðastofnunar. Fundargestum gafst færi á að kynnast nánar lánamöguleikum Byggðastofnunar, ýmissi þróunarvinnu á sviði byggðamála s.s. þróun mælaborða um byggðatengd málefni og aðgerðaáætlun byggðaáætlunar stjórnvalda.

Vel sóttur íbúafundur á Bakkafirði

Mon, 13 Sep 2021 14:37:00 +0000

Vel sóttur íbúafundur var haldinn á Bakkafirði sl. miðvikudag, 8. sept. undir merkjum verkefnisins Betri Bakkafjörður. Blíðskaparveður var þennan dag og haustlitirnir byrjaðir að lita umhverfið. Í upphafi fundar var fundargestum boðið upp á dýrindis súpu á veitingastaðnum að Hafnartanga 4 sem framreidd var af vertunum, þeim Sædísi og Þóri Erni. Eftir að súpunni höfðu verið gerð góð skil gengu fundargestir ásamt verkefnisstjórn að skólahúsnæðinu/ferðaþjónustunni að Skólagötu 5 þar sem fundurinn hófst skv. boðaðri dagskrá.

Ársskýrsla Brothættra byggða 2020 komin út

Thu, 26 Aug 2021 13:58:00 +0000

Ársskýrsla byggðaþróunarverkefnisins Brothættar byggðir fyrir starfsárið 2020 hefur verið gefin út. Skýrslan gefur yfirlit yfir framvindu verkefna í þeim sjö byggðarlögum sem voru þátttakendur í verkefninu árið 2020.

Íbúafundur í verkefninu Áfram Árneshreppur samstaða um að nýta viðbótarár sem best

Wed, 18 Aug 2021 09:05:00 +0000

Miðvikudaginn 11. ágúst sl. var haldinn íbúafundur í verkefninu Áfram Árneshreppur sem er hluti af verkefninu Brothættum byggðum.

Brothættar byggðir - Glæðum Grímsey framlengt út árið 2022

Fri, 02 Jul 2021 08:00:00 +0000

Fimmtudaginn 24. júní hittust fulltrúar í stjórn í verkefnisins Glæðum Grímsey á fundi í eyjunni þar sem farið var yfir það helsta í verkefninu og íbúafundur kvöldsins undirbúinn.

Sterkar Strandir - Góður íbúafundur og spennandi verkefni í Strandabyggð

Thu, 01 Jul 2021 08:53:00 +0000

Þann 22. júní sl. kom verkefnisstjórn Sterkra Stranda saman á Hólmavík til fundar um verkefnið Sterkar Strandir. Blíðskaparveður beið fundargesta sem hófu fundinn á að sækja nokkra styrkhafa heim og fá kynningu á styrktum verkefnum.

Brothættar byggðir fundir á Þingeyri í verkefninu Öll vötn til Dýrafjarðar

Tue, 15 Jun 2021 10:24:00 +0000

Þann 7. júní sl. kom stjórn verkefnisins Öll vötn til Dýrafjarðar saman á Þingeyri eftir nokkuð langt hlé vegna takmarkana á samkomuhaldi.

Betri Bakkafjörður, úthlutun styrkja úr Frumkvæðissjóði 2021

Mon, 10 May 2021 12:12:00 +0000

Nýlega var styrkjum úthlutað úr Frumkvæðissjóði Brothættra byggða í verkefninu Betri Bakkafjörður.

Breiðdælingar halda áfram að móta framtíðina

Fri, 23 Apr 2021 11:25:00 +0000

Fyrir nokkru síðan lögðu starfsmenn Byggðastofnunar, ásamt fulltrúum Fjarðabyggðar, leið sína í Breiðdalinn í því skyni að afhenda Hákoni Hanssyni Landstólpann, samfélagsviðurkenningu Byggðastofnunar. Hákon er vel að þessum samfélagsverðlaunum kominn eins og fram kom í frétt á vef Byggðstofnunar 23. mars sl. og hefur meðal annars leitt verkefnið Breiðdælingar móta framtíðina í Brothættum byggðum.

Sterkar Strandir styrkjum Frumkvæðissjóðs 2021 úthlutað

Thu, 15 Apr 2021 10:29:00 +0000

Frumkvæðissjóður Sterkra Stranda hefur úthlutað styrkjum til 15 verkefna. Auglýst var eftir umsóknum 10. febrúar 2021. Umsóknarfrestur rann út 10. mars 2021. Alls voru að þessu sinni til úthlutunar kr. 7.270.000 kr.

Bjartsýni og dugnaður á Borgarfirði eystri

Wed, 31 Mar 2021 14:07:00 +0000

Starfsfólk Byggðastofnunar lagði leið sína á Borgarfjörð eystri til funda í verkefninu Brothættar byggðir, Betri Borgarfjörður, þann 23. mars sl. eftir langt hlé vegna veirufaraldurs. Dagurinn hófst með fundi í verkefnisstjórn þar sem verkefnisstjóri, Alda Marín Kristinsdóttir, fór yfir það helsta sem á daga Borgfirðinga hefur drifið.

Sterkar Strandir, nýútgefin verkefnisáætlun

Tue, 23 Feb 2021 14:38:00 +0000

Fimmtudaginn 28. janúar var fyrsti fundur verkefnisstjórnar Sterkra Stranda haldinn í raunheimum eftir langt tímabil samkomutakmarkana vegna Covid 19. Tæknin og Teamsfundir hafa veitt fulltrúum í verkefnisstjórn tækifæri til góðrar samvinnu í millitíðinni. Það var óneitanlega ákaflega ánægjulegt að geta loksins hist á staðarfundi og unnið að málefnum byggðalagsins og áætlað um næstu skref í verkefninu.

Gott haust í Grímsey

Mon, 04 Jan 2021 13:24:00 +0000

Fréttakorn frá verkefnisstjóra Brothættra byggða í verkefninu Glæðum Grímsey.

Ársskýrsla Brothættra byggða fyrir árið 2019

Mon, 21 Dec 2020 14:47:00 +0000

Ársskýrsla Brothættra byggða fyrir árið 2019 hefur verið gefin út.

Öll vötn til Dýrafjarðar Náttúrufegurð og kraftur einkenna stemningu á Þingeyri

Fri, 18 Sep 2020 10:24:00 +0000

Stjórn verkefnisins Öll vötn til Dýrafjarðar (Brothættra byggða) kom saman til fundar í blíðskaparveðri mánudaginn 14. sept. sl. í Blábankanum á Þingeyri eftir langa lotu fjarfunda vegna Covid-19.

Stefnubreyting á íbúafundi í Árneshreppi

Fri, 28 Aug 2020 13:55:00 +0000

Mjög góður samhljómur var meðal fundarmanna og einhugur um að berjast saman fyrir áframhaldandi byggð í Árneshreppi.

Stemning og styrkúthlutun á Ströndum

Fri, 14 Aug 2020 10:48:00 +0000

Alls voru að þessu sinni til úthlutunar kr. 13.570.000,- sem er samanlögð fjárhæð, árlegrar úthlutunar kr. 5.000.000,- og sérstakrar úthlutunar í tengslum við fjárfestingarátak Alþingis vegna heimsfaraldurs kórónuveiru, eða kr. 8.570.000.

Góð stemning á íbúafundi í Grímsey

Fri, 17 Jul 2020 16:01:00 +0000

Vel sóttur íbúafundur var haldinn í félagsheimilinu Múla í Grímsey þann 29. júní síðastliðinn. Styrkjum í verkefninu Glæðum Grímsey á vegum Brothættra byggða var úthlutað og hlutu 10 verkefni styrk.

Allt að gerast í Árneshreppi

Tue, 14 Jul 2020 11:06:00 +0000

Verkefnið Áfram Árneshreppur hefur úthlutað styrkjum til 13 verkefna sem eiga að verða að raunveruleika í sumar og næsta vetur. Mörg spennandi verkefni fengu brautargengi og eiga eftir að auðga mannlífið og samfélagið í þessu fámennasta sveitarfélagi landsins.

Glimrandi gangur í verkefnum á Borgarfirði eystri

Mon, 13 Jul 2020 15:37:00 +0000

Íbúafundur í verkefninu Betri Borgarfjörður var haldinn föstudaginn, 26. júní. Um þriðjungur íbúa kom á fundinn og hlýtur það að teljast mjög góð mæting, sérstaklega um hásumar.

Úthlutun úr Öndvegissjóði Brothættra byggða

Mon, 13 Jul 2020 14:10:00 +0000

Öndvegissjóðurinn er hluti af aðgerðum vegna veirufaraldurs en Alþingi samþykkti að veita aukalega 100 m.kr. til Brothættra byggða á árinu 2020 m.a. til að hægt væri að styðja við stærri frumkvæðisverkefni íbúa sem skapa atvinnu í byggðarlögunum.

Styrkúthlutun í verkefninu Öxarfjörður í sókn

Mon, 22 Jun 2020 14:57:00 +0000

Alls bárust 23 umsóknir og heildarkostnaður verkefna er rúmlega 125 m.kr. en sótt var um tæpar 52 m.kr. Alls voru 13,5 m.kr. til úthlutunar. Verkefnin sem hlutu styrk eru fjölbreytt en eiga það flest sameiginlega að stuðla að atvinnuuppbyggingu á svæðinu.

Styrkúthlutun úr Frumkvæðissjóð 2020 - Öll vötn til Dýrafjarðar

Mon, 22 Jun 2020 10:26:00 +0000

Úthlutað var styrkjum til 12 verkefna tengdum menningu og listum, atvinnuuppbyggingu og nýsköpun. Allt eru þetta verkefni sem verkefnisstjórn telur líkleg til árangurs og að þau muni hafa jákvæð áhrif á Þingeyri og við Dýrafjörð.

Betri Bakkafjörður styrkir níu verkefni

Mon, 22 Jun 2020 10:21:00 +0000

Um er að ræða fjölbreytt verkefni sem hlutu styrki að þessu sinni. Markmiðið með þessum verkefnum er að styrkja innviði Bakkafjarðar, skapa atvinnu og fjölga fólki á svæðinu í samræmi við stefnumótun fyrir verkefnið sem samþykkt var á íbúafundi.

Sterkar Strandir íbúaþing við upphaf byggðaþróunarverkefnis

Fri, 19 Jun 2020 13:59:00 +0000

Tækifæri Strandabyggðar til framtíðar, felast í sterkri náttúru, magnaðri þjóðtrú og kyrrðarkrafti, sem gestir og íbúar geta notið. Sækja þarf fram með sameiginlegri markaðssetningu, ímyndarsköpun og vöruþróun. Þetta voru skilaboð íbúaþings.

Rafrænn íbúafundur í Strandabyggð í verkefninu Brothættar byggðir

Tue, 05 May 2020 15:08:00 +0000

Miðvikudaginn 29. apríl var haldinn rafrænn fundur fyrir íbúa Strandabyggðar í verkefninu Brothættar byggðir. Tilefni fundarins var að kynna styrkjamöguleika í fjárfestingarátaki í Brothættum byggðum.

Fjárfestingarátak í Brothættum byggðum

Tue, 21 Apr 2020 15:29:00 +0000

Sem hluti af aðgerðum vegna veirufaraldurs hefur Alþingi samþykkt að veita aukalega 100 m.kr. til Brotthættra byggða á árinu 2020.

Þáttaskil í byggðaþróunarverkefninu Hrísey, perla Eyjafjarðar

Wed, 26 Feb 2020 14:24:00 +0000

Mánudaginn 24. febrúar var haldinn síðasti formlegi fundur með þátttöku Byggðastofnunar í verkefnisstjórn Brothættra í verkefninu Hrísey, perla Eyjafjarðar. Í beinu framhaldi var haldinn íbúafundur. Stofnunin dregur sig þar með í hlé frá verkefninu.

Sex verkefni styrkt á Bakkafirði

Fri, 31 Jan 2020 10:46:00 +0000

Þann 10. janúar sl. voru sjö milljónum króna úr verkefninu Betri Bakkafjörður vegna ársins 2019 úthlutað til sex samfélagseflandi verkefna á Bakkafirði. Auglýst var síðastliðinn nóvember, sjö umsóknir bárust um styrki að upphæð kr. 16,5 milljónir.

Fulltrúar Brothættra byggða funda með sveitarstjórn Strandabyggðar

Thu, 23 Jan 2020 09:13:00 +0000

Þann 16. janúar sl. funduðu sveitarstjórn og sveitarstjóri Strandabyggðar með fulltrúum Byggðastofnunar í verkefninu Brothættar byggðir. Fundurinn var fræðslufundur um verkefnið, haldinn í kjölfar þess að stjórn stofnunarinnar samþykkti inngöngu Strandabyggðar í verkefnið. Fulltrúar Byggðastofnunar kynntu verkefnið og verklag þess og góðar umræður sköpuðumst um verkefnið í Strandabyggð.

Betri Bakkafjörður íbúafundur afgreiðir verkefnisáætlun

Wed, 06 Nov 2019 14:51:00 +0000

Þann 5. nóvember boðaði verkefnisstjórn Betri Bakkafjarðar til íbúafundar til að leggja fyrir og ræða drög að verkefnisáætlun sem verkefnisstjórn og verkefnisstjóri höfðu unnið upp úr umræðum og áherslumálum frá íbúaþingi sl. vor og tillögum ráðherraskipaðrar nefndar um málefni Bakkafjarðar sem samþykktar voru á fundi ríkisstjórnar 23. nóvember á síðasta ári.

Kraftmikill íbúafundur á Þingeyri

Fri, 20 Sep 2019 10:51:00 +0000

Vel sóttur og kraftmikill íbúafundur var haldinn á Þingeyri miðvikudaginn 11. september sl. Fundurinn er árlegur íbúafundur sem haldinn er í verkefninu Öll vötn til Dýrafjarðar, sem er samstarfsverkefni íbúa, sveitarfélags, landshlutasamtaka og Byggðastofnunar og er hluti af verkefni Byggðastofnunar, Brothættum byggðum.

Það allra mikilvægasta fyrir lítil samfélög er menntun, þátttaka og kærleikur gagnvart náunganum.

Thu, 22 Aug 2019 15:47:00 +0000

Lokaráðstefna í Erasmus+ samstarfsverkefninu INTERFACE, sem Byggðastofnun leiðir og er í samstarfi í með Háskólanum á Bifröst og stofnunum í Búlgaríu, Grikklandi, Írlandi og Ítalíu, var haldin í Ljósheimum í Skagafirði 20. júní sl. Skammstöfunin INTERFACE vísar til verkefnisheitisins á ensku, Innovation and Entrepreneurship for Fragile Communities in Europe, sem þýða mætti sem Nýsköpun og frumkvæði í brothættum byggðarlögum í Evrópu.

Fjölsóttur íbúafundur í Árneshreppi

Tue, 20 Aug 2019 09:50:00 +0000

Vel sóttur og góður íbúafundur var haldinn í Árneshreppi á Ströndum föstudaginn 16. ágúst. Fundurinn er árlegur íbúafundur sem haldinn er í verkefninu Áfram Árneshreppur, sem er samstarfsverkefni íbúa, sveitarfélags, landshlutasamtaka og Byggðastofnunar og er hluti af verkefni Byggðastofnunar, Brothættum byggðum. 40 manns eru skráð með lögheimili í Árneshreppi en á fundinum voru mættir 39 íbúar og farfuglar í byggðarlaginu

Spennandi sprotar á Borgarfirði eystri

Wed, 10 Jul 2019 15:15:00 +0000

Fimmtudaginn 4. júlí hittist á fundi stjórn verkefnisins Betri Borgarfjörður sem er eitt af verkefnum Byggðastofnunar og samstarfsaðila, Brothættum byggðum. Fundurinn var fyrsti fundur fullskipaðrar verkefnisstjórnar eins og hún er nú og því ánægjulegt að fá tækifæri til að fara yfir stöðu mála.

Verkefnisstjóri kominn til starfa á Bakkafirði í verkefninu Betri Bakkafjörður

Tue, 09 Jul 2019 13:30:00 +0000

Föstudaginn 8. júlí hittist verkefnisstjórn Betri Bakkafjarðar á fundi á Bakkafirði. Verkefnið er hluti af Brothættum byggðum, verkefni Byggðastofnunar og samstarfsaðila.

Fulltrúar fimm INTERFACE þátttökulanda funda á Sauðárkróki

Wed, 19 Jun 2019 13:48:00 +0000

Í dag fer fram lokafundur aðila Erasmus+ verkefnisins INTERFACE. Á morgun er lokaráðstefna verkefnisins haldin í Ljósheimum við Sauðárkrók. Ráðstefnan hefst með léttum málsverði kl 12. Við hvetjum alla sem hafa áhuga á framþróun í sínu byggðarlagi og sér í lagi endurmenntun íbúa, að mæta á fundinn, fræðast um málefni annarra landa og taka þátt í umræðum.

Lokaráðstefna ERASMUS+ verkefnisins INTERFACE

Wed, 12 Jun 2019 10:31:00 +0000

Lokaráðstefna ERASMUS+ verkefnisins INTERFACE, Innovation and Entrepreneurship for Fragile Communities in Europe, sem þýða mætti sem Nýsköpun og frumkvöðlastarf í brothættum byggðarlögum í Evrópu verður haldinn í Ljósheimum í Skagafirði, fimmtudaginn 20. júní, kl. 12:00 16:40.

Norðurstrandarleið lyftistöng fyrir verkefnið Betri Bakkafjörð

Tue, 11 Jun 2019 10:52:00 +0000

Næðingur var við Bakkafjörð þegar klippt var á borða við opnun leiðarinnar en heimamenn og gestir létu það ekki á sig fá. Fram kom að vonir standa til að leiðin geti orðið íbúum Bakkafjarðar og nærsveita lyftistöng varðandi fjölgun gesta á svæðinu og í því samhengi má einnig nefna áformaðar vegabætur á Langanesströnd.

Fjórtán verkefni styrkt á Borgarfirði eystri

Fri, 07 Jun 2019 11:46:00 +0000

Sjö milljónum króna úr verkefninu Betri Borgarfjörður var þann 4. júní úthlutað til 14 samfélagseflandi verkefna á Borgarfirði eystri. Alls bárust 20 umsóknir í þetta sinn en úthlutað er árlega á verkefnistímanum.

Þrettán Dýrfirsk verkefni hljóta styrk 2019

Fri, 31 May 2019 12:45:00 +0000

Úthlutað hefur verið úr frumkvæðissjóði Brothættra byggða til verkefnisins Öll vötn til Dýrafjarðar fyrir árið 2019. Auglýst var eftir umsóknum 15. mars 2019. Umsóknarfrestur rann út 15. apríl 2019 en varð síðar framlengdur til 23. apríl 2019. Til úthlutunar voru 7 milljónir. Alls barst 21 umsókn. Heildarumfang verkefna er umsóknir lutu að var um 35 milljónir. Sótt var um tæplega 20 milljónir. Allt voru þetta umsóknir sem féllu vel að verkefninu Öll vötn til Dýrafjarðar.

Landnámshænur í lykilhlutverki í Hrísey

Wed, 29 May 2019 14:52:00 +0000

Verkefnisstjórn byggðaþróunarverkefnisins Hrísey perla Eyjafjarðar hittist á fundi í Hrísey mánudaginn 20. maí síðastliðinn. Verkefnisstjórnin afgreiddi úthlutun úr frumkvæðissjóði Brothættra byggða. Sjö verkefni sóttu um styrki samtals að fjárhæð kr. 14.197.900,- en til úthlutunar voru kr. 8.100.000,-.

Verkefnið Öxarfjörður í sókn framlengt um eitt ár

Tue, 07 May 2019 09:02:00 +0000

Stjórn Byggðastofnunar hefur samþykkt beiðni frá verkefnisstjórn Öxarfjarðar í sókn um framlengingu um eitt ár, til lok árs 2020, en áætluð verkefnislok voru árslok 2019. Var þá m.a. horft til að vinna að starfsmarkmiðum hafi ekki hafist fyrr en í maí 2016, að fyrsti verkefnisstjóri verkefnisins hafi verið í hlutastarfi á árunum 2016 til 2017 og að verkefnið er er nú að ná betri fótfestu í vestasta hluta byggðarlagsins, þ.e. Kelduhverfi.

Jákvæðni og uppfærð markmið í verkefninu Hrísey perla Eyjafjarðar

Fri, 03 May 2019 15:14:00 +0000

Uppfærð markmið og framtíðarsýn fyrir verkefni Brothættra byggða, Hrísey perla Eyjafjarðar hefur nú litið dagsins ljós.

Nýsköpun og frumkvöðlastarf í brothættum byggðarlögum í Evrópu þjálfun verkefnisstjóra á Íslandi

Thu, 02 May 2019 15:49:00 +0000

Byggðastofnun leiðir tveggja ára evrópskt samstarfsverkefni, INTERFACE, í samstarfi við Háskólann á Bifröst auk erlendra þátttakenda frá Búlgaríu, Grikklandi, Írlandi og Ítalíu. INTERFACE stendur fyrir Innovation and Entrepreneurship for Fragile Communities in Europe, sem þýða mætti sem Nýsköpun og frumkvöðlastarf í brothættum byggðarlögum í Evrópu.

Áfram Skaftárhreppur til framtíðar

Wed, 17 Apr 2019 20:23:00 +0000

Í febrúar sl. var haldinn íbúafundur í verkefninu Skaftárhreppur til framtíðar, en fundurinn markaði lok á að komu Byggðastofnunar að verkefninu sem hófst árið 2013 og var eitt af fjórum fyrstu samstarfsverkefnum Byggðastofnunar í Brothættum byggðum.

Betri Bakkafjörður - fjölþjóðlegt íbúaþing á Bakkafirði leysti kraft úr læðingi

Fri, 05 Apr 2019 13:45:00 +0000

Mikill baráttu- og samstarfsvilji ríkir á Bakkafirði, en helgina 30. 31. mars sl., var haldið þar vel heppnað tveggja daga íbúaþing, sem markar upphaf að þátttöku samfélagsins á Bakkafirði í verkefni Byggðastofnunar, Brothættar byggðir. Að verkefninu standa íbúar á Bakkafirði og nærsveitum, Langanesbyggð, Eyþing og Atvinnuþróunarfélag Þingeyinga, ásamt Byggðastofnun. Íbúar völdu verkefninu heitið Betri Bakkafjörður.

Íbúaþing á Bakkafirði 30. 31. mars

Tue, 19 Mar 2019 10:14:00 +0000

Helgina 30. 31. mars er íbúum, fjarbúum og öðrum hagsmunaaðilum samfélagsins við Bakkaflóa boðið til íbúaþings. Þingið markar upphaf að samtali við íbúa í verkefni Byggðastofnunar Brothættum byggðum. Verkefnið er samstarfsverkefni íbúa á Bakkafirði, Langanesbyggðar, Eyþings, Atvinnuþróunarfélags Þingeyinga og Byggðastofnunar. Fulltrúar þessara aðila skipa verkefnisstjórn.

Fyrsti fundur verkefnisstjórnar Brothættra byggða á Bakkafirði

Mon, 18 Mar 2019 14:45:00 +0000

Fyrsti fundur nýskipaðrar verkefnisstjórnar í byggðaþróunarverkefninu Brothættar byggðir á Bakkafirði var haldinn í skólahúsnæðinu á Bakkafirði föstudaginn 15. mars. Á fundinum var farið yfir verklag í Brothættum byggðum og það rætt hvernig verkefnið geti nýst samfélaginu á Bakkafirði.

Tímamót í verkefninu Breiðdælingar móta framtíðina

Wed, 13 Mar 2019 13:55:00 +0000

Í janúar sl. var haldinn íbúafundur í verkefninu Breiðdælingar móta framtíðina, fundurinn markaði jafnframt lok á aðkomu Byggðastofnunar að verkefninu sem hófst á seinni hluta árs 2013 og var eitt af fjórum fyrstu samstarfsverkefnunum Byggðastofnunar í Brothættum byggðum.

Sextán verkefni hljóta brautargengi á Þingeyri

Fri, 08 Mar 2019 11:27:00 +0000

Sjö milljónum króna úr verkefninu Öll vötn til Dýrafjarðar var þann 7. mars úthlutað til 16 nýsköpunar- og samfélagsverkefna á Þingeyri og við Dýrafjörð. Þetta er fyrsta úthlutunin en alls bárust 39 umsóknir sem er metfjöldi á landsvísu. Aldrei hafa borist eins margar umsóknir í tengslum við úthlutun í brothættum byggðum.

Félag um verslun stofnað í Árneshreppi

Tue, 05 Feb 2019 11:09:00 +0000

Föstudaginn 1. febrúar 2019 var haldinn stofnfundur félags um verslun í Árneshreppi. Verslun lagðist af í hreppnum í haust og hafa íbúar hreppsins þurft að panta vörur og fá þær sendar með flugi, þar sem ekki er mokað að jafnaði í Árneshrepp frá áramótum til 20. mars. Það er því afar áríðandi að koma á verslun fyrir þá íbúa sem hafa vetursetu í Árneshreppi.

Öll vötn til Dýrafjarðar verkefnisáætlun lögð fyrir íbúafund

Wed, 19 Dec 2018 09:03:00 +0000

Á íbúafundi á Þingeyri í verkefninu Öll vötn til Dýrafjarðar þann 4. desember sl. voru lögð fram drög að verkefnisáætlun til umræðu og óskað heimildar íbúafundar til að fullvinna verkefnisáætlunina á þeim grunni. Verkefnisstjóri, í samstarfi við stjórn verkefnisins, hefur nú unnið úr ábendingum frá íbúum og verkefnisstjórn samþykkt og gefið út áætlun fyrir verkefnið sem er hluti af Brothættum byggðum, verkefni Byggðastofnunar og samstarfsaðila.

Vel sóttur íbúafundur í Árneshrepp og ákall til ríkisstjórnar

Tue, 18 Dec 2018 13:19:00 +0000

14. nóvember sl. var haldinn íbúafundur í félagsheimilinu Trékyllisvík í Árneshrepp. Fundurinn var vel sóttur en flestir íbúar sem hafa vetrarbúsetu í hreppnum voru mættir. Fundurinn hófst á afmælissöng fyrir Björn bónda á Melum. Síðan fengu fundargestir sér kaffi og rjómatertu.

Þróun byggða, samfélagsþátttaka og frumkvöðlastarf

Tue, 18 Dec 2018 09:05:00 +0000

Byggðastofnun leiðir tveggja ára evrópskt ERASMUS+ samstarfsverkefni, INTERFACE, í samstarfi við Háskólann á Bifröst auk erlendra þátttakenda frá Búlgaríu, Grikklandi, Írlandi og Ítalíu. INTERFACE stendur fyrir Innovation and Entrepreneurship for Fragile Communities in Europe, sem þýða mætti sem Nýsköpun og frumkvöðlastarf í brothættum byggðarlögum í Evrópu. Meginmarkmið verkefnisins er að þróa þjálfunar- og kennsluefni fyrir íbúa sem vilja vinna að samfélagsþróun og uppbyggingu byggðarlaga sem eiga undir högg að sækja, meðal annars sökum fólksfækkunar og fábreyttra atvinnutækifæra.

Góður gangur í verkefninu Öxarfjörður í sókn

Mon, 17 Dec 2018 13:56:00 +0000

Þann 21 nóvember síðastliðinn var haldinn fundur í stjórn verkefnisins Öxarfjörður í sókn sem er hluti af Brothættum byggðum, verkefni Byggðastofnunar og samstarfsaðila. Það var ánægjulegt fyrir verkefnisstjórn að hittast á Kópaskeri og fara yfir stöðu verkefnisins, ekki síst fyrir þá sök að nýlega ráðinn verkefnisstjóri, Charlotta Englund stýrði sínum fyrsta fundi. Auk þess voru tveir nýir fulltrúar í verkefnisstjórn boðnir velkomnir, þau Salbjörg Matthíasdóttir, nýr fulltrúi íbúa í stað Charlottu og Páll Björgvin Guðmundsson fyrir hönd Eyþings.

Tíu milljónum úthlutað til að efla verslun í strjálbýli árið 2018

Fri, 14 Dec 2018 11:12:00 +0000

Samgöngu- og sveitarstjórnarráðherra hefur staðfest tillögur valnefndar um verkefnastyrki sem veittir eru á grundvelli stefnumótandi byggðaáætlunar fyrir árin 2018-2024. Að þessu sinni var 10 milljónum króna úthlutað til að efla verslun í strjálbýli fyrir árið 2018 en alls voru gefin fyrirheit um styrki að upphæð 25,7 milljónum króna á árunum 2018-2021. Samningar vegna styrkjanna verða undirritaðir á næstunni.

Fimmtán borgfirsk verkefni hljóta brautargengi

Wed, 12 Dec 2018 09:56:00 +0000

Sjö milljónum króna úr verkefninu Betri Borgarfjörður var þann 10. desember úthlutað til 15 samfélagseflandi verkefna á Borgarfirði eystra. Þetta er fyrsta úthlutunin en alls bárust 18 umsóknir.

Öxarfjörður í sókn nýr verkefnisstjóri

Mon, 17 Sep 2018 08:54:00 +0000

Atvinnuþróunarfélag Þingeyinga hefur ákveðið að ganga til samninga við Charlottu Englund í Birkifelli í Öxarfirði, eða Lottu, um ráðningu í starf verkefnastjóra Öxarfjarðar í sókn sem er eitt af verkefnum Brothættra byggða. Hún mun taka við starfinu af Bryndísi Sigurðardóttur sem ætlar aftur vestur á firði og taka þar við starfi sveitarstjóra Tálknafjarðarhrepps.

Birt yfirlit yfir alla veitta verkefnastyrki í Brothættum byggðum

Thu, 19 Jul 2018 09:10:00 +0000

Í anda aukins gagnsæis og opinnar stjórnsýslu hefur Byggðastofnun sett saman og birt yfirlit yfir alla verkefnastyrki sem hafa verið veittir í Brothættum byggðum frá upphafi.

Átta verkefni í Árneshreppi styrkt

Thu, 28 Jun 2018 15:44:00 +0000

Sjö milljónum króna úr verkefninu Áfram Árneshreppur! hefur verið úthlutað til átta samfélagseflandi verkefna í Árneshreppi. Verkefnisstjórnin fundaði í Árneshreppi 27. júní og sóttu nokkra styrkþega heim.

Vel heppnuð Sólstöðuhátíð á Kópaskeri að baki

Tue, 26 Jun 2018 15:37:00 +0000

Verkefnið Öxarfjörður í sókn, Brothættar byggðir í Öxarfjarðarhéraði, úthlutaði styrk í vor að upphæð kr. 200.000,- til íbúa á Kópaskeri til að halda Sólstöðuhátíð. Hátíðin var haldin 22. - 23. júní og var dagskráin stórglæsileg og sólin heiðraði hátíðina með nærveru sinni.

Sjö verkefni í Grímsey hlutu styrk

Wed, 20 Jun 2018 15:45:00 +0000

Sjö milljónum króna úr verkefninu Glæðum Grímsey var þann 15. maí úthlutað til sjö samfélagseflandi verkefna í Grímsey.

Veljum Vopnafjörð - lok verkefnis

Wed, 23 May 2018 10:57:00 +0000

Verkefninu Veljum Vopnafjörð, sem hófst með íbúaþingi í apríl 2016 er nú formlega lokið. Verkefnið var leitt af Vopnafjarðarhreppi, með stuðningi frá Byggðastofnun, Austurbrú og Nýsköpunarmiðstöð Íslands. ILDI rjáðgjöf sá um framkvæmd og skipulag verkefnisins. Kjarni verkefnisins var áhersla á samtal og samstarf við íbúa, höfða til frumkvæðis íbúanna, frumkvöðla og ungs fólks. Í því skyni var m.a. haldið málþing sl. vorið 2017 undir yfirskriftinni, Yngri, kraftmeiri og fjölbreyttari Vopnafjörður, sem byggir á skilaboðum íbúaþings.

Fjórtán breiðdælsk verkefni hljóta brautargengi

Tue, 15 May 2018 13:51:00 +0000

Sjö milljónum króna úr verkefninu Breiðdælingar móta framtíðina var þann 7. maí úthlutað til 14 samfélagseflandi verkefna í Breiðdalshreppi. Þetta er fimmta úthlutunin en alls bárust 17 umsóknir.

Góðir íbúafundir í Öxarfjarðarhéraði, Skaftárhreppi, Hrísey og Grímsey

Wed, 09 May 2018 15:45:00 +0000

Í fyrstu mánuðum ársins 2018 voru haldnir íbúafundir í Öxarfjarðarhéraði, Skaftárhreppi, Hrísey og Grímsey, sem liður í samtali við íbúa vegna verkefnisins Brothættar byggðir. Góð mæting var á alla fundina og sköpuðust líflegar og málefnalegar umræður.

Erasmus+ verkefninu INTERFACE er ætlað að gefa tækifæri til þjálfunar sem sniðin er að þörfum áhugasamra einstaklinga í brothættum byggðarlögum

Thu, 05 Apr 2018 13:27:00 +0000

Verkefnið INTERFACE er Erasmus+ samstarfsverkefni sem Byggðastofnun leiðir en samstarfsaðilar eru Háskólinn á Bifröst og stofnanir í Búlgaríu, Grikklandi, Írlandi og Ítalíu. Skammstöfunin INTERFACE vísar til verkefnisheitisins á ensku, Innovation and Entrepreneurship for Fragile Communities in Europe, sem þýða mætti sem Nýsköpun og frumkvæði í brothættum byggðarlögum í Evrópu.

Tveir megin drifkraftar í byggðaþróun á Þingeyri; rótgróið og róttækt

Wed, 14 Mar 2018 14:41:00 +0000

Ef samgöngur eru góðar, atvinnulífið öflugt og íbúar kraftmiklir, er samfélaginu á Þingeyri og við Dýrafjörð allir vegir færir. Þetta eru niðurstöður tveggja daga íbúaþings sem haldið var í Félagsheimilinu á Þingeyri helgina 10. 11. mars síðastliðinn. Um sextíu manns tóku þátt í þinginu, sem hófst með því að sýnt var skemmtilegt myndband um Þingeyri, unnið af nemendum á miðstigi grunnskólans og nemendur tónlistarskólans komu fram, við góðar undirtektir.

Íbúaþing á Þingeyri 10. - 11. mars

Wed, 28 Feb 2018 10:11:00 +0000

Helgina 10. 11. mars er íbúum á Þingeyri og öðrum sem hafa tengsl við staðinn, boðið til íbúaþings í Félagsheimilinu. Með þinginu hefst verkefni þar sem Byggðastofnun, Ísafjarðarbær, Fjórðungssamband Vestfirðinga, Vestfjarðastofa og síðast en ekki síst íbúar, taka höndum saman til að efla byggð á Þingeyri.

Fjölmörg tækifæri á Borgarfirði eystri

Thu, 15 Feb 2018 20:25:00 +0000

Íbúaþing var haldið á Borgarfirði eystri 10. - 11. febrúar 2018. Þar kom fram að byggðarlagið hefur fjölmarga möguleika til að þar megi efla byggð til framtíðar, byggða á fjölbreyttri atvinnustarfsemi í hefðbundnum atvinnugreinum og nýsköpun út frá styrkleikum byggðarlagsins, meðal annars náttúru, sögu og mannauði.

Íbúaþing á Borgarfirði eystri 10.-11. febrúar

Tue, 30 Jan 2018 11:00:00 +0000

Helgina 10. 11. febrúar er íbúum, fjarbúum og öðrum hagsmunaaðilum á Borgarfirði eystri boðið til íbúaþings. Þingið markar upphaf að samtali við íbúa í verkefni Byggðastofnunar í svokölluðum brothættum byggðum, en umsókn Borgarfjarðarhrepps um þátttöku í verkefninu var samþykkt í ágúst síðastliðnum.

Áfram unnið að verkefninu Raufarhöfn og framtíðinni á forsendum heimamanna

Mon, 15 Jan 2018 15:45:00 +0000

Verkefnið Raufarhöfn og framtíðin var fyrsta verkefnið í Brothættum byggðum og varð fyrirmynd verkefnisins á landsvísu. Það hófst á Raufarhöfn árið 2012 og íbúaþing var haldið í janúar 2013. Þar sem nú er komið á sjötta ár frá upphafi verkefnisins er tímabært fyrir Byggðastofnun að stíga út úr verkefninu, samkvæmt verklagi stofnunarinnar fyrir verkefnið Brothættar byggðir.

Góður íbúafundur í Árneshreppi í verkefninu Brothættar byggðir

Mon, 11 Dec 2017 08:35:00 +0000

Þriðjudaginn 28. nóvember var haldinn íbúafundur í Árneshreppi á Ströndum sem liður í samtali við íbúa vegna verkefnisins Brothættar byggðir, en sveitarfélagið hefur nýverið verið tekið inn í verkefnið. Mjög góð mæting var á fundinn og sköpuðust líflegar og málefnalegar umræður.

Öxarfjörður í sókn nýr verkefnisstjóri

Fri, 17 Nov 2017 15:03:00 +0000

Bryndís Sigurðardóttir hefur verið ráðin verkefnisstjóri byggðaeflingarverkefnisins Öxarfjörður í sókn, sem er eitt af átaksverkefnum Byggðastofnunar í samstarfi við atvinnuþróunarfélög, sveitarfélög og íbúa viðkomandi byggðarlaga undir heitinu Brothættar byggðir.

Fyrsti fundur verkefnisstjórnar Brothættra byggða á Borgarfirði eystri

Thu, 09 Nov 2017 10:42:00 +0000

Fyrsti fundur nýskipaðrar verkefnisstjórnar í byggðaþróunarverkefninu Brothættar byggðir á Borgarfirði eystri var haldinn í félagsheimilinu Fjarðarborg á Borgarfirði miðvikudaginn 1. nóvember. Á fundinum var farið yfir verklag í Brothættum byggðum og það rætt hvernig verkefnið geti nýst samfélaginu á Borgarfirði.

Fyrsti fundur verkefnisstjórnar Brothættra byggða í Árneshreppi

Mon, 09 Oct 2017 10:24:00 +0000

Á fyrsta fundi nýskipaðrar verkefnisstjórnar Brothættra byggða í Árneshreppi sem haldinn var þriðjudaginn 3. október í félagsheimilinu í Árnesi bar mörg mál á góma. Farið var yfir niðurstöður íbúaþings frá því í júní, stöðuna í Árneshreppi og rætt um næstu skref í verkefninu.

Þrjú ný byggðarlög tekin inn í Brothættar byggðir

Tue, 29 Aug 2017 14:22:00 +0000

Á fundi sínum í liðinni viku samþykkti stjórn Byggðastofnunar tillögu um þrjú ný byggðarlög í Brothættum byggðum. Það eru Árneshreppur, Borgarfjörður eystri og Þingeyri.

Íbúaþing í Árneshreppi samgöngubætur er brýnasta málið

Thu, 20 Jul 2017 09:06:00 +0000

Samantekt um skilaboð íbúaþings í Árneshreppi, sem haldið var í júní, liggur nú fyrir. Íbúaþingið var haldið af Árneshreppi, Fjórðungssambandi Vestfirðinga og Byggðastofnun vegna alvarlegrar stöðu byggðarinnar.

Árneshreppur - mun vegurinn enda eða byrja?

Thu, 15 Jun 2017 15:48:00 +0000

Ef ekki verður gripið til róttækra aðgerða, er hætta á því að heilsársbyggð í Árneshreppi á Ströndum leggist af. Þetta eru skilaboð tveggja daga íbúaþings sem Árneshreppur, Fjórðungssamband Vestfirðinga og Byggðastofnun stóðu fyrir í félagsheimilinu í Árnesi, 12. 13. júní.

Upplýsingaveitur um verkefni Brothættra byggða

Wed, 17 May 2017 14:55:00 +0000

Nú eru í gangi sex verkefni undir hatti Brothættra byggða og fjórir verkefnastjórar sem sinna þeim. Fréttir af verkefnunum birtast gjarnan á heimasíðum viðkomandi sveitarfélags eða landshlutasamtaka, auk síðu Byggðastofnunar. Sum verkefnin eiga sína eigin heimasíðu eða facebooksíðu. Hér eru nokkrar slóðir fyrir áhugasama:

Brothættar byggðir úthlutun styrkja í fjórum byggðarlögum

Tue, 09 May 2017 15:20:00 +0000

Byggðastofnun veitir árlega styrki til samfélagsverkefna á vegum verkefnisins Brothættra byggða. Alla jafna er auglýst eftir umsóknum á fyrrihluta ársins þannig að frumkvöðlar geti nýtt styrkina til góðra verka á árinu.

Vopnafjörður - Leggjum áherslu á unga fólkið og gerum þetta saman

Mon, 08 May 2017 09:16:00 +0000

Margt ungt fólk er að bugast í Reykjavík, sagði einn fyrirlesara á málþingi á Vopnafirði, fimmtudaginn 27. apríl. Málþingið markaði lok verkefnisins Veljum Vopnafjörð, sem hófst með íbúaþingi fyrir ári síðan, í apríl 2016.

Íbúafundir í fimm byggðarlögum í janúar og febrúar

Mon, 20 Mar 2017 16:29:00 +0000

Þann 22. febrúar sl. var haldinn íbúafundur í Hrísey og var hann sá fimmti og síðasti í röð íbúafunda sem hófst í Breiðdal í verkefninu Breiðdælingar móta framtíðina, í nóvember sl., en aðrir fundir frestuðust fram yfir áramót af ýmsum ástæðum. Byggðarlög undir hatti Brothættra byggða voru alls sjö, en um áramót lauk formlega séð verkefninu Bíldudalur samtal um framtíðina. Heimamenn á Bíldudal halda þó áfram með ýmis mál, meðal annars þau sem fengu styrki frá verkefninu.

Brothættar byggðir: Framtíðarsýn og markmið í fimm byggðarlögum

Wed, 15 Mar 2017 16:10:00 +0000

Trygg atvinna, góð þjónusta, öflugt mannlíf, sterkir innviðir, heillandi umhverfi, áhugaverður áningarstaður. Öll þessi atriði koma fyrir í meginmarkmiðum verkefnisins Brothættra byggða í fimm byggðarlögum af sex sem nú taka hafa þátt í verkefninu. Íbúar þessara byggðarlaga hafa ásamt verkefnisstjóra og verkefnisstjórnum samþykkt megináherslur í verkefninu og sett fram framtíðarsýn og markmið fyrir sína heimabyggð.

Margt á döfinni í Breiðdal

Thu, 24 Nov 2016 10:40:00 +0000

Bjartsýni og stórhugur einkenndi andrúmsloftið á íbúafundi í verkefninu Breiðdælingar móta framtíðina sem haldinn var í grunnskólanum á Breiðdalsvík þriðjudagskvöldið 15. nóvember sl. Þangað mættu 25 íbúar ásamt verkefnisstjórninni.

Byggðastofnun hefur styrkt 45 verkefni á vegum Brothættra byggða

Tue, 23 Aug 2016 14:05:00 +0000

Verkefnið Brothættar byggðir tekur nú til sjö svæða á landinu. Á hverju svæði hafa verið veittir styrkir til þróunarverkefna og annarra samfélagseflandi verkefna. Tekið er mið af því að þau séu í samræmi við þær áherslur sem íbúarnir hafa sjálfir lagt á íbúaþingum sem haldin voru á öllum svæðunum í upphafi verkefnistímans og stefnumótun verkefnanna. Styrkir eru veittir árlega og hafa þegar verið styrkt 45 verkefni á sex af svæðunum.

Bíldudalur - samtal um framtíðina - Verkefnastyrkir 2016

Tue, 21 Jun 2016 10:40:00 +0000

Stjórn Byggðastofnunar hefur falið verkefnisstjórn byggðaþróunarverkefnisins Bíldudalur samtal um framtíðina að úthluta í ár, 2016, fimm milljónum króna til að styrkja verkefni og atburði sem falla að áherslum verkefnisins.

Tímamót í verkefninu Bíldudalur samtal um framtíðina

Mon, 30 May 2016 11:27:00 +0000

Þegar verkefnið Bíldudalur samtal um framtíðina, hófst haustið 2013, ríkti óvissa um stöðu byggðar á Bíldudal en vonir stóðu til uppbyggingar í fiskeldi. Sú hefur nú orðið raunin og íbúum fjölgar jafnt og þétt. Því líður nú að lokum verkefnisins, sem er eitt af sjö verkefnum á vegum Byggðastofnunar undir heitinu Brothættar byggðir. Miðvikudaginn 18. maí, var haldinn íbúafundur á Bíldudal þar sem staða verkefnisins var metin og rætt um styrkveitingar og hvernig hægt sé að tryggja að verkefnið skili árangri til lengri tíma.

Lífróður Grímseyinga framtíð byggðar rædd á íbúaþingi

Fri, 13 May 2016 08:17:00 +0000

Íbúar Grímseyjar eiga sér þá framtíðarsýn að byggð í eynni blómstri, með útgerð og ferðaþjónustu og vel hirtu umhverfi. Börnin í grunnskólanum telja einstakt að alast upp í Grímsey og eru ánægð með nálægð við náttúruna og samfélag sem er eins og ein fjölskylda.

Hrísey er einstök og í því felast tækifæri

Wed, 23 Mar 2016 11:05:00 +0000

Til þess að efla byggð í Hrísey þarf að nýta betur mikla sérstöðu eyjarinnar, bæði til markaðssetningar og nýsköpunar, en líka til þess að laða að nýja íbúa. Mikilvægt er að stuðla að fjölbreytni í atvinnulífi í eynni auk þess að standa vörð um innviðina og alla grunnþjónustu.

Verkefnislýsing fyrir Brothættar byggðir

Tue, 22 Mar 2016 09:47:00 +0000

Nú má finna verkefnislýsingu fyrir verkefnið Brothættar byggðir á heimasíðu Byggðastofnunar. Verklýsingunni fylgja fjölmargir viðaukar þar sem ýmsir þættir verkefnisins eru nánar útfærðir.

Frestun íbúaþings í Grímsey

Thu, 18 Feb 2016 15:38:00 +0000

Ákveðið hefur verið að fresta íbúaþingi sem halda átti í Grímsey annað kvöld, eða föstudaginn 19. febrúar og laugardag, þann tuttugasta. Þessi ákvörðun var tekin í ljósi afleitrar veðurspár fyrir næstu daga. Óvíst er hvort hægt verður að fljúga út í Grímsey á morgun, föstudag og eftir það bendir spáin til þess að ekki verði hægt að fljúga til baka fyrr en jafnvel á þriðjudag.

Nýta sérstöðuna og styrkja innviði

Thu, 21 Jan 2016 14:58:00 +0000

Til að efla byggð við Öxarfjörð á að byggja á sérstöðu svæðisins, nýta sóknarfæri sem felast m.a. í matvælavinnslu, ferðaþjónustu og jarðhita og að standa vörð um grunnþjónustuna. Þetta var þátttakendum efst í huga, á íbúaþingi í Öxarfjarðarhéraði, sem haldið var í Lundi, helgina 16.-17. janúar.

Íbúaþing fyrir Kópasker og nærsveitir

Thu, 14 Jan 2016 14:31:00 +0000

Íbúaþing fyrir fyrir íbúa á Sléttu, Kópaskeri, Núpasveit, Öxarfirði og Kelduhverfi verður haldið um helgina að Lundi.

Vel mætt á íbúafund á Breiðdalsvík

Sun, 22 Nov 2015 20:08:00 +0000

Hátt í 50 manns sóttu íbúafund verkefnisins Breiðdælingar móta framtíðina á Breiðdalsvík mánudaginn 16. nóvember sl. Þar var rætt um framtíðarsýn og markmið og fram komu ýmsar hugmyndir að verkefnum. Mikil jákvæðni og samheldni einkenndi fundinn.

Skaftárhreppur til framtíðar fjörugar umræður á íbúafundi

Thu, 19 Nov 2015 12:16:00 +0000

Íbúafundur á Kirkjubæjarklaustri vegna verkefnisins Skaftárhreppur til framtíðar var haldinn miðvikudagskvöldið 4. nóvember sl. Fundinn sóttu um fimmtíu manns og ræddu framtíð samfélagsins af miklum áhuga fram eftir kvöldi.

Brothættar byggðir, fyrsti fundur verkefnisstjórnar fyrir Kópasker og nágrenni

Wed, 18 Nov 2015 14:02:00 +0000

Fyrsti fundur í verkefnisstjórn Brothættra byggða fyrir Kópasker og nágrenni var haldinn á Kópaskeri miðvikudaginn 28. október sl. Við þetta tækifæri tók Silja Jóhannesdóttir verkefnisstjóri við verkefnisstjórn fyrir verkefnið í byggðarlaginu, en fyrir gegnir hún því starfi fyrir verkefnið Raufarhöfn og framtíðin, sem einnig er hluti Brothættra byggða.

Raufarhöfn sérstæður áfangastaður, traust atvinna, blómstrandi menntun, öflugir innviðir

Wed, 11 Nov 2015 15:30:00 +0000

Áhugi og samheldni einkenndi andann á íbúafundi á Raufarhöfn í verkefninu Raufarhöfn og framtíðin. Fundurinn var haldinn í félagsheimilinu þann 14. október sl. og mættu þangað rúmlega þrjátíu manns til að ræða framtíðarmarkmið verkefnisins Raufarhöfn og framtíðin.

Verkefnastjóri ráðinn í Hrísey og Grímsey

Fri, 23 Oct 2015 13:21:00 +0000

Helga Íris Ingólfsdóttir hefur verið ráðin verkefnisstjóri brothættra byggða fyrir Hrísey og Grímsey. Helga Íris var valin úr hópi margra hæfra umsækjenda, en alls sóttu 13 um starfið.

Fyrsti fundur verkefnisstjórnar Brothættra byggða í Hrísey

Fri, 18 Sep 2015 10:54:00 +0000

Fyrsti fundur nýskipaðrar verkefnisstjórnar í verkefninu Brothættar byggðir í Hrísey var haldinn s.l. fimmtudag, 10. september. Á fundinn mættu fulltrúar Byggðastofnunar, Akureyrarbæjar, Atvinnuþróunarfélags Eyjafjarðar, Eyþings og íbúa í Hrísey. Rætt var um stöðuna í Hrísey bæði hvað varðar atvinnulíf og samfélag og um skipulag samstarfsins framundan.

Bjarni Kr. Grímsson ráðinn sem verkefnisstjóri í verkefninu Brothættar byggðir á Austurlandi

Wed, 08 Jul 2015 10:37:00 +0000

Bjarni Kr. Grímsson hefur verið ráðinn til Austurbrúar sem verkefnisstjóri í verkefninu Brothættar byggðir á Austurlandi.

Raufarhöfn og framtíðin

Mon, 06 Jul 2015 13:37:00 +0000

Nú hefur verið undirritaður samstarfssamningur um framhald verkefnisins Raufarhöfn og framtíðin. Var það gert á fundi verkefnisstjórnar verkefnisins sem var haldinn á Raufarhöfn í sól og blíðu þann 13. maí. Á fundinum var nýráðinn verkefnisstjóri, Silja Jóhannesdóttir, boðin velkomin til starfa.

Ný byggðarlög í verkefninu Brothættar byggðir

Mon, 06 Jul 2015 13:33:00 +0000

Nýverið samþykkti stjórn Byggðastofnunar á fundi sínum að taka þrjú byggðarlög inn í verkefnið um framtíð brothættra byggða. Þau byggðarlög eru annars vegar Kópasker og nágrenni, sem tilheyrir Norðurþingi, hins vegar eyjarnar Grímsey og Hrísey sem tilheyra Akureyrarkaupstað.

Ráðið í starf verkefnastjóra á Raufarhöfn

Mon, 23 Mar 2015 08:00:00 +0000

Silja Jóhannesdóttir hefur verið ráðin verkefnastjóri byggðeflingarverkefnisins Raufarhöfn og framtíðin. Verkefnið er eitt af átaksverkefnum Byggðastofnunar á landsvísu í samstarfi við atvinnuþróunarfélög og sveitarfélög undir heitinu Brothættar byggðir.

Skaftárhreppur til framtíðar: Samstarfssamningur undirritaður

Fri, 20 Mar 2015 15:36:00 +0000

Í gær var undirritaður samstarfssamningur Byggðastofnunar, SASS og Skaftárhrepps um verkefnið Skaftárhreppur til framtíðar, á fundi verkefnisstjórnar á Kirkjubæjarklaustri.

Eirný ráðin verkefnisstjóri Brothættra byggða í Skaftárhreppi

Wed, 18 Feb 2015 11:45:00 +0000

Eirný Vals hefur verið ráðin Verkefnisstjóri Brothættra byggða Skaftárhreppur til framtíðar, hjá Samtökum sunnlenskra sveitarfélaga. Eirný mun hafa búsetu í Skaftárhrepp og hefja störf um næstu mánaðarmót.

Fundur Byggðastofnunar og sveitar- og verkefnisstjórna í Breiðdals- og Skaftárhreppum

Mon, 22 Sep 2014 08:00:00 +0000

Nú í byrjun september voru haldnir fundir með nýjum sveitarstjórnum og verkefnisstjórnum í Breiðdalshreppi og Skaftárhreppi í verkefninu Brothættar byggðir. Þar var verkefnið kynnt fyrir nýju fólki í stjórnunum og rætt um framhaldið. Sigríður K. Þorgrímsdóttir og Kristján Þ. Halldórsson sátu fundina af hálfu Byggðastofnunar, en Kristján var verkefnisstjóri á Raufarhöfn og mun nú starfa fyrir verkefnið í heild sinni.

Brothættar byggðir: tíu umsóknir bárust

Tue, 16 Sep 2014 11:37:00 +0000

Í maí sl. var auglýst eftir umsóknum um þátttöku í verkefninu um framtíð brothættra byggða. Í auglýsingu kom fram að meginmarkmið verkefnisins á hverjum stað skyldu skilgreind af verkefnisstjórn á grundvelli umræðna og forgangsröðunar á íbúaþingum sem ætlað er að virkja frumkvæði íbúa og samtakamátt. Einnig kom fram að umsókn þyrfti að vera sameiginleg frá sveitarfélagi, landshlutasamtökum sveitarfélaga/atvinnuþróunarfélagi og íbúasamtökum, þar sem þau væru til staðar.

Áfangaskil í byggðaþróunarverkefni á Raufarhöfn

Fri, 27 Jun 2014 10:02:00 +0000

Frá því að umræða um þróunarverkefni Byggðastofnunar, Norðurþings, Atvinnuþróunarfélags Þingeyinga, Háskólans á Akureyri og íbúa Raufarhafnar hófst, á vormánuðum 2012, hefur ýmislegt verið til umfjöllunar og árangur náðst í nokkrum málum en minni í öðrum.

Fyrsti stjórnarfundur Rannsóknastöðvarinnar Rifs á Raufarhöfn

Fri, 13 Jun 2014 08:51:00 +0000

Fyrsti stjórnarfundur Rannsóknastöðvarinnar Rifs ses var haldinn á Raufarhöfn miðvikudaginn 11. júní sl. Í upphafi fundar afhentu Kristján Þórhallur Halldórsson, starfsmaður Byggðastofnunar á Raufarhöfn og Þorkell Lindberg stjórninni staðfesta skipulagsskrá stöðvarinnar og báru henni um leið góðar kveðjur frá Aðalsteini Þorsteinssyni, forstjóra Byggðastofnunar og Bergi Elíasi Ágústssyni bæjarstjóra Norðurþings, en Byggðastofnun, Náttúrustofan og Norðurþing eru stofnaðilar stöðvarinnar.

Stofnun Rannsóknastöðvarinnar Rifs á Raufarhöfn

Mon, 26 May 2014 09:00:00 +0000

Í dag, föstudaginn 23. maí 2014, var haldinn stofnfundur Rannsóknastöðvarinnar Rifs, sem er sjálfseignarstofnun sem staðsett verður á Raufarhöfn. Stofnaðilar eru Byggðastofnun, Norðurþing og Náttúrustofa Norðausturlands. Í tengslum við átaksverkefni Byggðastofnunar á Raufarhöfn, Brothættar byggðir, hefur síðasta árið verið unnið að stofnun rannsóknastöðvar á Raufarhöfn, með það að markmiði að nýta sérstöðu Melrakkasléttu til rannsókna og styrkja um leið byggð og innviði samfélagsins.

Enn brothætt staða á Raufarhöfn þó margt hafi áunnist

Fri, 11 Apr 2014 16:43:00 +0000

Margt hefur áunnist á Raufarhöfn fyrir tilstuðlan verkefnisins, Raufarhöfn og framtíðin, en staða byggðarinnar er engu að síður alvarleg og brothætt. Þetta er meginniðurstaða fjölmenns íbúafundar sem haldinn var á Raufarhöfn, þriðjudaginn 8. apríl.

Jákvæð gerjun á Bíldudal

Thu, 10 Apr 2014 16:59:00 +0000

Íbúar Bíldudals vinna nú að ýmsum framfaramálum í kjölfar íbúaþings sem haldið í september síðastliðnum. Búið er að endurvekja skógræktarfélag og stofna handverkshóp og ýmislegt er á döfinni í ferðaþjónustu. Þá munu Vesturbyggð og Tálknafjarðarhreppur í samstarfi við íþróttafélögin á svæðinu, ráða íþrótta- og æskulýðsfulltrúa.

Framtíð fyrir brothættar byggðir

Fri, 04 Apr 2014 15:53:00 +0000

Árið 2012 hófst tilraunaverkefni á Raufarhöfn að frumkvæði Byggðastofnunar. Verkefnið sem hlaut heitið Brothættar byggðir nær nú að auki til Bíldudals, Breiðdalshrepps og Skaftárhrepps. Markmiðið er m.a. að leiða fram skoðanir íbúanna sjálfra á framtíðarmöguleikum heimabyggðarinnar og leita lausna á þeirra forsendum í samvinnu við ríkisvaldið, landshlutasamtök, atvinnuþróunarfélag, sveitarfélagið, brottflutta íbúa og aðra.

Íbúafundur á Bíldudal samtal um framtíðina

Wed, 26 Mar 2014 11:16:00 +0000

Miðvikudagskvöldið, 2. apríl er boðið til opins íbúafundar á Bíldudal í tengslum við verkefnið Bíldudalur samtal um framtíðina.

Breiðdælingar virkja samtakamáttinn

Wed, 12 Mar 2014 14:31:00 +0000

Í Breiðdalshreppi er íbúaþingi, sem haldið var í nóvember síðastliðnum, nú fylgt eftir af krafti. Hugmyndavinna um nýtingu á aflögðu frystihúsi, rafræn leiðsögn fyrir ferðamenn, bætt aðstaða til matvælavinnslu og Tilgangslausar dyr eru dæmi um verkefni sem komin eru í gang. Enn fleiri hugmyndir eiga væntanlega eftir að verða að veruleika og íbúar taka virkan þátt í framhaldinu. Þeir skora líka á stjórnvöld að tryggja viðbótaraflamark til Breiðdalsvíkur.

Íbúafundur á Breiðdalsvík næsta fimmtudagskvöld

Tue, 04 Mar 2014 14:31:00 +0000

Fimmtudagskvöldið, 6. mars er boðið til opins íbúafundar á Breiðdalsvík í tengslum við verkefnið Breiðdælingar móta framtíðina, sem er eitt af fjórum verkefnum í svokölluðum Brothættum byggðum á vegum Byggðastofnunar, í samstarfi við stofnanir og íbúa heima fyrir.

Starf verkefnisstjóra í samstarfsverkefni um byggðaþróun á Raufarhöfn framlengt.

Fri, 28 Feb 2014 13:34:00 +0000

Ákveðið hefur verið að framlengja ráðningartímabil verkefnisstjóra Byggðastofnunar í samstarfsverkefni um byggðaþróun á Raufarhöfn um fjóra mánuði, það er til 30. júní nk.

Grjót mótað í Heimskautsgerðið á Raufarhöfn

Fri, 21 Feb 2014 11:10:00 +0000

Um síðastliðin mánaðamót hófst á ný vinna við Heimskautsgerðið á Raufarhöfn eftir nokkurt hlé. Í fyrstu er unnið að því að kljúfa bergið í námunni og móta steina í Austur- og Vesturhlið gerðisins og í framhaldi af því verður hafist handa við að reisa hliðin. Einnig er í þessari lotu áætlað að móta steina og reisa hluta af skúlptúrum er standa eiga innan gerðisins. Vinnan við verkið í vetur er fjármögnuð með styrk sem Framkvæmdasjóður ferðamannastaða veitti til verksins í úthlutun á vordögum 2013 og skiptir sá styrkur sköpum varðandi framvindu uppbyggingar gerðisins.

Frestun fundar á Breiðdalsvík

Wed, 19 Feb 2014 15:28:00 +0000

Í ljósi slæmrar veðurspár hefur verið ákveðið að fresta eftirfylgnifundi í verkefninu Breiðdælingar móta framtíðina sem halda átti á Hótel Bláfelli annað kvöld, fimmtudag. Það er nauðsynlegt að öll verkefnisstjórnin geti mætt á fundinn og okkur þykir áhættan full mikil þar sem sumir eru að ferðast um langan veg, ýmist akandi eða með flugi.

Íbúafundur á Breiðdalsvík næsta fimmtudagskvöld

Tue, 18 Feb 2014 11:54:00 +0000

Fimmtudagskvöldið, 20. febrúar er boðið til opins íbúafundar á Breiðdalsvík í tengslum við verkefnið Breiðdælingar móta framtíðina, sem er eitt af fjórum verkefnum í svokölluðum Brothættum byggðum á vegum Byggðastofnunar, í samstarfi við stofnanir og íbúa heima fyrir.

Íbúaþingi í Skaftárhreppi fylgt eftir

Mon, 17 Feb 2014 11:43:00 +0000

Skaftárhreppur, Byggðastofnun, SASS, fyrirtæki, frumkvöðlar og íbúar fylgja nú eftir skilaboðum íbúaþings sem haldið var á Kirkjubæjarklaustri í október síðastliðnum. Á íbúafundi sem haldinn var 6. febrúar kom fram að verið er að leita lausna til að bæta netsamband, auka framboð á íbúðarhúsnæði, stuðla að nýsköpun í atvinnulífi og þoka ýmsum fleiri málum áfram. Fulltrúar Byggðastofnunar, Skaftárhrepps, SASS og íbúa, greindu frá stöðu helstu mála, en Skaftárhreppur er eitt af fjórum byggðarlögum þar sem Byggðastofnun vinnur verkefnið Brothættar byggðir í samstarfi við íbúa og stofnanir heima fyrir.

Íbúaþing hvað svo? Íbúafundur í Skaftárhreppi

Mon, 03 Feb 2014 18:41:00 +0000

Fimmtudagskvöldið 6. febrúar er boðið til opins íbúafundar í Skaftárhreppi til að fylgja eftir íbúaþingi sem haldið var í sveitarfélaginu í október síðastliðnum.

Samkomulag um aukna byggðafestu á Flateyri

Wed, 29 Jan 2014 14:52:00 +0000

Byggðastofnun, fyrirtæki í fiskeldi, veiðum og fiskvinnslu á Flateyri hafa gert með sér samkomulag um aukna byggðafestu á Flateyri.

Skaftárhreppur til framtíðar, næsti fundur 6. febrúar

Tue, 21 Jan 2014 09:29:00 +0000

Fimmtudagskvöldið 6. febrúar, verður haldinn opinn íbúafundur á Kirkjubæjarklaustri til að fylgja eftir íbúaþinginu sem haldið var í október. Fundurinn er hluti af verkefninu Skaftárhreppur til framtíðar, á vegum Byggðastofnunar, Skaftárhrepps, SASS, Háskólans á Akureyri og íbúa Skaftárhrepps.

Breiðdælingar móta framtíðina - samantekt og næstu skref

Wed, 08 Jan 2014 08:58:00 +0000

Samantekt um skilaboð íbúaþings í Breiðdalshreppi, sem haldið var í nóvember, liggur nú fyrir.

Samkomulag um eflingu byggðar á Raufarhöfn

Wed, 11 Dec 2013 17:00:00 +0000

Byggðastofnun og fyrirtæki og einstaklingar í veiðum og fiskvinnslu á Raufarhöfn hafa í dag gert með sér samkomulag um aukna byggðafestu á Raufarhöfn.

Skaftárhreppur til framtíðar! - Samantekt og næstu skref

Thu, 28 Nov 2013 17:44:00 +0000

Samantekt um skilaboð íbúaþings í Skaftárhreppi, sem haldið var í október, liggur nú fyrir og má finna hana hér.

Bíldudalur samtal um framtíðina Samantekt og næstu skref

Mon, 18 Nov 2013 16:19:00 +0000

Samantekt um skilaboð íbúaþings á Bíldudal, sem haldið var í lok september, liggur nú fyrir og má finna hana hér.

Fleiri atvinnutækifæri eru málið! Skilaboð íbúaþings í Breiðdalshreppi

Tue, 05 Nov 2013 14:29:00 +0000

Það vantar fleiri atvinnutækifæri á Breiðdalsvík til að renna stoðum undir byggðina og möguleikarnir eru fjölmargir. Þetta voru einróma skilaboð íbúaþings sem haldið var helgina 2. 3. nóvember með um 50 þátttakendum.

Boðið til íbúaþings í Breiðdalshreppi um helgina

Thu, 31 Oct 2013 10:40:00 +0000

Um næstu helgi, 2. 3. nóvember er boðið til íbúaþings í Breiðdalshreppi. Þingið tengist verkefni Byggðastofnunar í svokölluðum Brothættum byggðum, þar sem áherslan er á samstarf íbúa og stofnana við að leita lausna til að efla byggð. Samstarfsaðilar Byggðastofnunar í verkefninu eru Breiðdalshreppur, Austurbrú, Samtök sveitarfélaga á Austurlandi, Háskólinn á Akureyri og íbúar Breiðdalshrepps.

Vantar húsnæði, rafmagn og netþjónustu - Skilaboð íbúaþings í Skaftárhreppi

Wed, 23 Oct 2013 09:26:00 +0000

Í Skaftárhreppi eru miklir möguleikar til að styrkja enn frekar helstu atvinnugreinarnar á svæðinu, ferðaþjónustu og landbúnað. Efling ferðaþjónustu veltur á lengingu ferðamannatímans og í landbúnaði eru margvísleg tækifæri í fullvinnslu og markaðssetningu afurða. Skortur á íbúðar- og atvinnuhúsnæði hamlar hins vegar uppbyggingu og Skaftárhreppur er á köldu svæði og húshitunarkostnaður því hár. Jafnframt þarf að bæta fjarskipti, rafmagn og vegi. Mikilvægt er að íbúar sjálfir hafi trú á sér og samfélaginu og rækti með sér jákvæðni, samhygð og samvinnu.

Bílddælingar bretta upp ermar

Sat, 19 Oct 2013 08:00:00 +0000

Á íbúaþingi á Bíldudal um liðna helgi, töldu þátttakendur að húsnæðismál, heilbrigðisþjónusta, samgöngur og íþrótta- og æskulýðsmál, séu mikilvægustu stoðirnar í eflingu staðarins. Vel var mætt til þessa tveggja daga þings og um 40 manns tóku þátt í líflegri og frjórri samræðu. Allt var til umræðu og stungu þátttakendur upp á málefnum, allt frá samgöngum til samskipta, ferðaþjónustu til fiskvinnslu og handverki til heilbrigðisþjónustu, svo eitthvað sé nefnt.

Skaftárhreppur til framtíðar - íbúaþing á Kirkjubæjarklaustri 19. 20. október.

Thu, 17 Oct 2013 18:19:00 +0000

Helgina 19. 20. október er boðið til íbúaþings í Skaftárhreppi á vegum Byggðastofnunar, Skaftárhrepps, Samtaka sunnlenskra sveitarfélaga og Háskólans á Akureyri. Þingið hefst kl. 11 á laugardegi og stendur til kl. 16 og síðan frá kl. 11 15 á sunnudeginum. Þátttakendur á þinginu móta sjálfir dagskrána. Allt er til umræðu, staða og framtíð Skaftárhrepps, atvinnumál, umhverfismál og málefni samfélagsins. Fyrirkomulagið er þannig að allir hafa jafna möguleika á að koma sjónarmiðum sínum á framfæri. Fyrri daginn eru dregnar fram hugmyndir, þær vegnar og metnar og síðari daginn er gengið frá forgangsröðun verkefna og rætt um næstu skref.

Íbúafundur 7. október á Kirkjubæjarklaustri

Tue, 01 Oct 2013 15:14:00 +0000

Mánudagskvöldið 7. október næstkomandi, kl. 20 er boðið til íbúafundar í Kirkjuhvoli. Fundurinn er sá fyrsti af þremur sem tengist verkefninu Skaftárhreppur til framtíðar á vegum Byggðastofnunar, Skaftárhrepps, SASS og Háskólans á Akureyri.

Samtal um framtíðina, íbúaþing á Bíldudal 28. 29. september.

Mon, 23 Sep 2013 13:39:00 +0000

Bíldudalur samtal um framtíðina, er verkefni á vegum Byggðastofnunar, Vesturbyggðar, AtVest, Fjórðungssambands Vestfirðinga og Háskólans á Akureyri. Það er hluti af stærra verkefni sem tekur til þriggja annarra byggðarlaga. Í verkefninu er lögð áhersla á samtal íbúa í byggðum sem búa við erfiða stöðu, um hvað þarf til að efla byggð og ekki síður, hvað samfélagið sjálft getur gert.

Bíldudalur samtal um framtíðina:

Thu, 05 Sep 2013 14:18:00 +0000

Atvinnumál og grunnþjónusta voru Bílddælingum ofarlega í huga á íbúafundi sem haldinn var í félagsheimilinu Baldurshaga þriðjudaginn 3. september. Tilefni fundarins var tvíþætt. Annars vegar kynning á lýsingu vegna aðalskipulagsbreytingar Vesturbyggðar. Hins vegar tengdist fundurinn byggðaþróunarverkefni sem Byggðastofnun stendur fyrir á Bíldudal, með það að markmiði að virkja íbúa í svokölluðum brothættum byggðum. Unnið hefur verið að sambærilegu verkefni á Raufarhöfn og auk Bíldudals verður unnið með sama hætti í Skaftárhreppi og Breiðdalshreppi. Að verkefninu standa Vesturbyggð, AtVest, Fjórðungssamband Vestfirðinga og Háskólinn á Akureyri ásamt Byggðastofnun.

Gerjun á Raufarhöfn

Fri, 21 Jun 2013 10:50:00 +0000

Talsverð gerjun er á Raufarhöfn þessa dagana, ári eftir að verkefni Byggðastofnunar í samstarfi við Norðurþing, Atvinnuþróunarfélag Þingeyinga og fleiri aðila um framtíð Raufarhafnar hófst. Hár styrkur fékkst nýverið til eflingar ferðaþjónustu á Raufarhöfn, Alþingi er að ræða möguleika á veitingu aflaheimilda til byggðarlaga í alvarlegum vanda og ýmsir aðilar skoða möguleika í sjávarútvegi og ferðaþjónustu á staðnum.

Unnið með íbúum í brothættum byggðum

Mon, 03 Jun 2013 15:52:00 +0000

Síðustu vikur hafa fulltrúar Byggðastofnunar fundað í þremur brothættum byggðum, byggðarlögum sem átt hafa við viðvarandi fólksfækkun að etja. Um er að ræða Breiðdalshrepp, Bíldudal og Skaftárhrepp en fundirnir eru liður í verkefni stofnunarinnar um Brothættar byggðir. Verkefnið hófst á Raufarhöfn þar sem haldið var íbúaþing í janúar síðastliðnum og er nú verið að fylgja niðurstöðum þess eftir. Fyrstu skrefin þar þykja lofa góðu, en lögð er áhersla á að tengja saman markvissa vinnu með íbúum, sveitarfélagi og stofnunum.

Merki um viðsnúning á Raufarhöfn

Thu, 28 Feb 2013 15:45:00 +0000

Á íbúafundi sem haldinn var á Raufarhöfn á þriðjudag, má merkja töluverðan viðsnúning frá því markviss vinna til að efla byggð hófst síðastliðið haust. Verkefnið er á vegum Byggðastofnunar í samstarfi við Norðurþing, Atvinnuþróunarfélag Þingeyinga og Háskólann á Akureyri. Byggt er á virku samstarfi við íbúa og hafa þessar stofnanir lofað því að í sínum ákvörðunum í málum er varða Raufarhöfn muni skilaboð íbúa nýtt til að skilgreina valkosti, ásamt því að koma þeim á framfæri við ríkisvald, stofnanir og aðra sem geta haft áhrif á þróun byggðar á Raufarhöfn.

Vinna með íbúum á Raufarhöfn heldur áfram

Fri, 22 Feb 2013 14:45:00 +0000

Áhersla á aðkomu íbúa er kjarninn í verkefni um þróun byggðar á Raufarhöfn sem Byggðastofnun, Norðurþing, Atvinnuþróunarfélag Þingeyinga og Háskólinn á Akureyri standa að. Liður í þeirri vinnu var íbúaþing sem haldið var í janúar síðastliðnum. Næstkomandi þriðjudag, 26. febrúar nk. verður haldinn kynningar- og umræðufundur með íbúum Raufarhafnar, þar sem skilaboðum íbúaþingsins verður fylgt eftir.

Byggðastofnun ræður starfsmann á Raufarhöfn

Fri, 15 Feb 2013 15:51:00 +0000

Byggðastofnun hefur ráðið til starfa Kristján Þ. Halldórsson verkfræðing sem verkefnisstjóra í fullu starfi til að fylgja eftir atvinnu- og byggðaþróunarverkefni á Raufarhöfn sem Byggðastofnun, Norðurþing, Atvinnuþróunarfélag Þingeyinga og Háskólinn á Akureyri standa að sameiginlega með íbúasamtökum á Raufarhöfn. Kristján er búsettur á Kópaskeri, en starfsstöð hans verður á Raufarhöfn. Ráðningin er til eins árs, og mun sveitarfélagið Norðurþing sjá honum fyrir starfsaðstöðu. Kristján mun væntanlega hefja störf á Raufarhöfn þann 1. mars næst komandi.

Íbúar Raufarhafnar horfa fram á veginn

Mon, 28 Jan 2013 15:58:00 +0000

Ríflega þriðjungur íbúa Raufarhafnar, frá unglingum til eldri borgara, tók þátt í tveggja daga íbúaþingi um helgina, ásamt fulltrúum úr sveitarstjórn og frá ýmsum stofnunum. Á líflegu þingi voru til umræðu þau mál sem helst brenna á samfélaginu og leiðir til lausna. Þingið var liður í byggðaþróunarverkefni á Raufarhöfn sem Byggðastofnun, Norðurþing, Atvinnuþróunarfélag Þingeyinga og Háskólinn á Akureyri standa að.

Íbúaþing á Raufarhöfn

Wed, 23 Jan 2013 08:19:00 +0000

Í sameiginlegu verkefni Byggðastofnunar, Norðurþings, Atvinnuþróunarfélags Þingeyinga og Háskólans á Akureyri, um þróun byggðar á Raufarhöfn er lögð áhersla á aðkomu íbúa. Haldnir hafa verið tveir fundir með íbúum og um næstu helgi, 26. 27. janúar verður haldið íbúaþing í Grunnskólanum.

Íbúar á Raufarhöfn verða virkir þátttakendur í byggðaaðgerðum

Wed, 12 Dec 2012 13:55:00 +0000

Virk aðkoma íbúa er grunnurinn að verkefni um eflingu byggðar á Raufarhöfn, sem Byggðastofnun, Norðurþing og Atvinnuþróunarfélag Þingeyinga ásamt íbúasamtökum Raufarhafnar standa fyrir. Á íbúafundi sem haldinn var á Raufarhöfn mánudaginn 10. desember var verkefnið til umræðu. Á fundinn mættu yfir 50 manns. Auk fjölmargra íbúa og þeirra sem fundinn boðuðu mættu forsvarsmenn GPG á Húsavík, starfsmenn sveitarfélagsins og atvinnuþróunarfélagsins og formaður stéttarfélagsins Framsýnar. Reinhard Reynisson, framkvæmdastjóri Atvinnuþróunarfélags Þingeyinga, var fundarstjóri.

Fundur um stöðu Raufarhafnar

Tue, 16 Oct 2012 13:24:00 +0000

Íbúaþróun á Raufarhöfn hefur um langt árabil verið mjög neikvæð, og hafa ýmsar aðgerðir opinberra aðila og heimamanna ekki megnað að snúa þeirri þróun við. Byggðastofnun hefur fylgst grannt með þessari þróun, og telur áhugavert að skoða hvort hægt sé að nálgast umræðu um málefni Raufarhafnar á annan hátt en gert hefur verið hingað til, og ekki síst að leita leiða til að fá fram skoðanir og vilja íbúanna sjálfra hvað varðar áframhaldandi þróun byggðar á Raufarhöfn.

Brothættar byggðir | Byggðastofnun

Verkefnisstjóri á Drangsnesi

Líf, fjör og frumkvæði á Stöðvarfirði

Íbúar í Kaldrananeshreppi hefja verkefnið Jú víst! Kraftur í Kaldrana af miklum krafti

Fjölmörg frumkvæðisverkefni styrkja samfélagið í Dalabyggð

Auglýst er eftir umsóknum í frumkvæðissjóði Öxarfjarðar í sókn og Raufarhafnar og framtíðarinnar

Auglýst eftir umsóknum í Frumkvæðissjóð Sterks Stöðvarfjarðar

Sóknarfæri í DalaAuði  opið fyrir umsóknir í Frumkvæðissjóðinn

Ný verkefnisáætlun og opnað fyrir umsóknir í Frumkvæðissjóð Jú víst! Kraftur í Kaldrana

Jú víst! Kraftur í Kaldrana, íbúar fjölmenntu á íbúafund

Jú víst! Kraftur í Kaldrana, íbúafundur í Kaldrananeshreppi 11. nóvember

Úthlutun frumkvæðisstyrkja í Fjársjóði fjalla og fjarða

Fróðlegur dagur í DalaAuði

Jú víst! Kraftur í Kaldrana

Íbúafundur í DalaAuði á döfinni

Íbúaþing á vegum Brothættra byggða í Kaldrananeshreppi

Fundur stjórnar Byggðastofnunar og verkefnisstjórnar Fjársjóðs fjalla og fjarða

Formleg opnun Baskaseturs í Djúpavík

Fróðlegur dagur í verkefninu Sterkum Stöðvarfirði

Verkefnisstjórn hefur störf í verkefni Brothættra byggða í Kaldrananeshreppi

Ársskýrsla Brothættra byggða fyrir árið 2024 er komin út

Úthlutun styrkja í tilraunaverkefnunum Raufarhöfn og framtíðinni II og Öxarfirði í sókn II

Ný verkefnisáætlun og opnað fyrir styrki í Frumkvæðissjóð Fjársjóðs fjalla og fjarða

Vel sóttur íbúafundur á Reykhólum

Kaldrananeshreppur, nýtt þátttökubyggðarlag í Brothættum byggðum

Skilaboð frá íbúaþingi í Reykhólahreppi í mars 2025

Íbúafundur Betri Bakkafjarðar  fyrirmyndaraðstaða í nýrri samfélagsmiðstöð

Íbúafundur á Bakkafirði

Sterkur Stöðvarfjörður - Úthlutun styrkja

Íbúar í Reykhólahreppi völdu heitið Fjársjóður fjalla og fjarða

Námskeið fyrir verkefnisstjóra í Brothættum byggðum haldið í Byggðastofnun

Auknir fjármunir til Brothættra byggða skapa aukin tækifæri

Íbúaþing á vegum Brothættra byggða í Reykhólahreppi

Úthlutun úr Frumkvæðissjóði DalaAuðs 2025

Sterkar Strandir  mörg áhugaverð verkefni í Strandabyggð

Lokaíbúafundur Sterkra Stranda

Snjöll aðlögun í byggðaþróun  fulltrúar Brothættra byggða á ráðstefnu í Svíþjóð

Reykhólahreppur nýtt þátttökubyggðarlag í Brothættum byggðum

Stjórn Byggðastofnunar fundar með verkefnisstjórn Sterks Stöðvarfjarðar

Fjölbreytt frumkvæðisverkefni í Dalabyggð

Brothættar byggðir - Íbúafundur DalaAuðs

Góður andi á íbúafundi Betri Bakkafjarðar

Íbúafundur á Bakkafirði

Byggðastofnun eykur fjárframlög til Brothættra byggða verulega

Vaxandi skilningur á mikilvægi smærri byggðarlaga

Stöðfirðingar taka virkan þátt í mótun síns samfélags

Íbúafundur á Stöðvarfirði

Samtals 66 frumkvæðisverkefni í fullum gangi í Brothættum byggðum

Framtíðarnefnd tekur við keflinu í Árneshreppi

Frumkvæði og dugnaður í Brothættum byggðum

Síðasta úthlutun úr Frumkvæðissjóði Sterkra Stranda

Þakklæti fyrir stuðninginn efst í huga þeirra sem hafa hlotið styrki úr Brothættum byggðum

Sjálfboðastarf í Brothættum byggðum

Íbúafundur í Sterkum Ströndum - verkefnið framlengt um eitt ár til loka árs 2024

Íbúar Dalabyggðar sameinast um verkefnið DalaAuð

Áhrifamat Brothættra byggða

Framfarir í öllum byggðarlögum í verkefnum Brothættra byggða

Streymi frá málþingi Brothættra byggða

Fjölbreytt verkefni í Betri Bakkafirði

Samtakamáttur Stöðfirðinga skilar árangri

Hvar verður þú 5. október 2023?

Vel sóttur íbúafundur í Árneshreppi

Grímseyingar kalla eftir stefnumörkun í ferðaþjónustu á eyjunni

Slökunarpúðinn Friður og ró rýkur út

Er húsnæðisskortur í brothættum byggðum að hamla frekari uppbyggingu þeirra?

Úthlutun styrkja úr Frumkvæðissjóðum Brothættra byggða 2023

Öll vötn til Dýrafjarðar, lokaíbúafundur

Fundur í Fjarðarborg á Borgarfirði eystri

Glæðum Grímsey á tímamótum

Fróðlegur fundur í Dalabyggð

Verkefnisstjórar í byggðaþróunarverkefnum

Fyrsta úthlutun styrkja í Sterkum Stöðvarfirði

Fyrsta úthlutun úr Frumkvæðissjóði DalaAuðs

Ársskýrsla Brothættra byggða 2021 komin út

Íbúar á Stöðvarfirði fylkja sér um verkefnið Sterkan Stöðvarfjörð

Bjart yfir Hrísey

Íbúafundur í byggðaþróunarverkefninu Sterkar Strandir

Fjölsóttur íbúafundur í byggðaþróunarverkefninu DalaAuði

Vel sóttur íbúafundur í verkefninu Betri Bakkafjörður

Íbúar Dalabyggðar virkja auðinn

Sóknarfæri í DalaAuði opið fyrir umsóknir í Frumkvæðissjóðinn

Íbúafundur Betri Bakkafjarðar fyrirmyndaraðstaða í nýrri samfélagsmiðstöð

Sterkar Strandir mörg áhugaverð verkefni í Strandabyggð

Snjöll aðlögun í byggðaþróun fulltrúar Brothættra byggða á ráðstefnu í Svíþjóð

Íbúafundur í verkefninu Áfram Árneshreppur samstaða um að nýta viðbótarár sem best

Brothættar byggðir fundir á Þingeyri í verkefninu Öll vötn til Dýrafjarðar

Sterkar Strandir styrkjum Frumkvæðissjóðs 2021 úthlutað

Öll vötn til Dýrafjarðar Náttúrufegurð og kraftur einkenna stemningu á Þingeyri

Sterkar Strandir íbúaþing við upphaf byggðaþróunarverkefnis

Betri Bakkafjörður íbúafundur afgreiðir verkefnisáætlun

Það allra mikilvægasta fyrir lítil samfélög er menntun, þátttaka og kærleikur gagnvart náunganum.

Jákvæðni og uppfærð markmið í verkefninu Hrísey perla Eyjafjarðar

Nýsköpun og frumkvöðlastarf í brothættum byggðarlögum í Evrópu þjálfun verkefnisstjóra á Íslandi

Betri Bakkafjörður - fjölþjóðlegt íbúaþing á Bakkafirði leysti kraft úr læðingi

Íbúaþing á Bakkafirði 30. 31. mars

Öll vötn til Dýrafjarðar verkefnisáætlun lögð fyrir íbúafund