Fréttir

Í anda aukins gagnsæis og opinnar stjórnsýslu hefur Byggðastofnun sett saman og birt yfirlit yfir alla verkefnastyrki sem hafa verið veittir í Brothættum byggðum frá upphafi. 

Hvert þátttökubyggðarlag fær tiltekna upphæð árlega til að styðja frumkvæðisverkefni íbúa. Verkefnisstjórn úthlutar fjármununum. Einungis er fjármagni úthlutað til verkefna er styðja framtíðarsýn og meginmarkmið verkefnisins í viðkomandi byggðarlagi.

Alls hefur verið veitt 170.300.000 krónum í verkefnastyrki í Brothættum byggðum og hafa þeir orðið mörgum einstaklingum og félögum hvatning til að hrinda áhugaverðum hugmyndum í framkvæmd í þátttökubyggðarlögunum, jafnt atvinnutengdum sem samfélagstengdum verkefnum. Jafnframt hafa þessir styrkir hvatt nokkra styrkþega til að sækja um í aðra sjóði með ágætum árangri, svo sem Uppbygginarsjóði. Dæmi eru um að úr verkefnunum hafi sprottið áhugaverð ný fyrirtæki og atvinnutækifæri.

Yfirlitið er að finna hér.