Lög og reglugerðir
10.gr í lögum nr. 116/2006, um stjórn fiskveiða, með síðari breytingum.
Með breytingu á lögum nr 116/2006 þann 2. júní 2016 samþykkti Alþingi að fella út bráðabirgðaákvæði um Aflamark Byggðastofnunar en setja þess í stað inn grein nr. 10 í lögin sem hljóðar þannig:
" Byggðastofnun hefur til ráðstöfunar aflaheimildir sem ráðherra ákvarðar samkvæmt heimild í 5. mgr. 8. gr. til að styðja byggðarlög í alvarlegum og bráðum vanda vegna samdráttar í sjávarútvegi. Byggðastofnun getur gert samninga við fiskvinnslur eða útgerðarfélög til allt að sex ára í senn. Byggðastofnun skal hafa samráð við sveitarstjórn viðkomandi sveitarfélags áður en samningur er undirritaður. Aflaheimildir skulu vera í þorski, ýsu, steinbít, ufsa, löngu, keilu og gullkarfa í hlutfalli við leyfðan heildarafla af þessum tegundum. Aflaheimildir þessar miðast við þorskígildi og skulu þær dregnar frá með sama hætti og greinir í 3. mgr. 8. gr. laganna, sbr. 5. mgr. sömu greinar. Ráðherra er heimilt, að fengnum tillögum Byggðastofnunar, að setja nánari ákvæði um framkvæmd þessa ákvæðis í reglugerð, svo sem efni samnings, skilyrði og tímalengd."
Lög um stjórn fiskveiða í heild.
___________________________________________________________________________________________________
Reglugerðir
- Reglugerð nr.1064/2015 um ráðstöfun og meðferð aflaheimilda án vinnslu skv. ákvæði til bráðabirgða XIII í lögum nr. 116/2006, um stjórn fiskveiða. (byggir nú á 10. gr. laga nr.116/2006)
