Fréttir

Eyjólfur Ármannsson innviðaráðherra hefur staðfest tillögur valnefndar um verkefnastyrki til almenningssamgangna á milli byggða. Alls bárust sjö umsóknir um styrki að fjárhæð rúmar 74 milljónir. Að þessu sinni er 27 milljónum króna úthlutað til fjögurra verkefna.

Á ársfundi Byggðastofnunar sem haldinn var á Breiðdalsvík nýverið voru veittir fimm styrkir úr Byggðarannsóknasjóði. Styrkirinir eru fjármagnaðir af fjárlagalið byggðaáætlunar og með framlagi frá Byggðastofnun. Til úthlutunar voru 17,5 m.kr.

Eyrarrósin er viðurkenning sem veitt er fyrir framúrskarandi menningarverkefni utan höfuðborgarsvæðisins og voru verðlaunin afhent í nítjánda sinn, fimmtudaginn 15. maí, við hátíðlega athöfn í Alþýðuhúsinu á Siglufirði.

Íbúaþing var haldið í Reykhólahreppi helgina 22. – 23. mars sl. undir merkjum Brothættra byggða. Íbúaþingið markaði upphaf þátttöku íbúa í Reykhólahreppi í byggðaþróunarverkefninu en Byggðastofnun, Reykhólahreppur og Vestfjarðastofa hafa undirritað samstarfssamning um verkefnið til næstu fimm ára. Sigurborg Kr. Hannesdóttir hjá Ildi stýrði þinghaldinu sem þótti takast afar vel.

Vorfundur Byggðastofnunar og landshlutasamtakanna fór fram dagana 7. og 8. maí á Breiðdalsvík. Fundurinn er árlegur viðburður sem Byggðastofnun heldur í samstarfi við landshlutasamtökin þar sem starfsfólk stofnunarinnar, framkvæmdastjórar landshlutasamtaka og atvinnuráðgjafar þeirra koma saman og rýna í sameiginleg verkefni, samstarf og áskoranir á sviði byggðamála og atvinnuþróunar.

Síðasti íbúafundurinn í verkefninu Betri Bakkafirði með aðkomu Byggðastofnunar var haldinn í Skólahúsinu á Bakkafirði þriðjudaginn 6. maí s.l. Bakkafjörður heilsaði íbúum og öðrum fundargestum með einstaklega fallegu veðri og útsýni. Ekki spillti fyrir að unnið var að gerð gangbrauta í þorpinu en íbúar hafa kallað eftir slíkum lagfæringum.

Byggðaráðstefnan 2025 verður haldin í Skjólbrekku í Mývatnssveit, þriðjudaginn 4. nóvember. Taktu daginn frá!

Kári Viðarsson, Frystiklefanum á Rifi, er handhafi Landstólpans 2025. Landstólpinn, samfélagsviðurkenning Byggðastofnunar, var afhentur í fjórtánda sinn á ársfundi Byggðastofnunar sem fram fór í Breiðdalsvík 8. maí sl. en Landstólpinn er veittur árlega einstaklingum, fyrirtæki og hópum sem þykja hafa skarað fram úr í verkefnum sínum og störfum.

Eyjólfur Ármannsson innviðaráðherra hefur skipað nýja stjórn Byggðastofnunar til eins árs en skipan hennar var kynnt á ársfundi stofnunarinnar á Breiðdalsvík í gær. Halldór Gunnar Ólafsson frá Skagaströnd er nýr stjórnarformaður en Vigfús Þórarinn Ásbjörnsson á Höfn varaformaður.

Ársskýrsla Byggðastofnunar fyrir árið 2024 er gefin út samhliða ársfundi stofnunarinnar sem haldinn er á Breiðdalsvík í dag. kl. 13:00. Í skýrslunni er farið yfir helstu áhersluþætti í starfi Byggðastofnunar yfir starfsárið og skýrsla stjórnar og ársreikningar lagðir fram.