Fundaröð Byggðastofnunar með fulltrúum sveitarfélaga á Íslandi stendur áfram yfir. Í byrjun vikunnar heimsóttu Arnar Már, Hrund og Sigríður Elín Þingeyjarsveit, Svalbarðsstrandarhrepp og Grýtubakkahrepp.
Könnun var lögð fyrir styrkþega í Brothættum byggðum sem hlotið höfðu styrki úr frumkvæðissjóðum þátttökubyggðarlaga á árunum 2020-2023, í þeim tilgangi að kanna hug þeirra til styrkveitinga til frumkvæðisverkefna og verkefnisins í heild.
Opið er fyrir umsóknir í Lóuna og er umsóknarfrestur til og með 4. apríl 2024. Styrkirnir eru nýsköpunarstyrkir fyrir landsbyggðina sem hafa það hlutverk að styðja við eflingu byggða og landshluta með nýskapandi verkefnum.
Forsætisráðherra hefur stofnað nefnd um málefni Stranda sem tekið hefur til starfa. Markmið með skipan nefndarinnar er að skapa vaxtarskilyrði fyrir samfélag og atvinnulíf með sjálfbærni að leiðarljósi. Nefndin skal gera tillögur um hvernig megi efla byggðaþróun á svæðinu, m.a. með tilliti til fjárfestinga, atvinnuframboðs og atvinnutækifæra í Árneshreppi, Kaldrananeshreppi og Strandabyggð.
Nýverið lauk Rannsóknamiðstöð Háskólans á Akureyri við rannsókn á líðan og seiglu íslenskra bænda sem Byggðastofnun styrkti úr Byggðarannsóknasjóði á síðasta ári. Rannsóknin fól í sér netkönnun meðal félagsmanna Bændasamtaka Íslands þar sem líðan bænda var metin með tilliti til þunglyndis, kvíða og streitu.
Sigurður Ingi Jóhannsson innviðaráðherra hefur staðfest tillögur valnefndar um úthlutun styrkja að fjárhæð 130 m.kr. til tíu verkefna á vegum landshlutasamtaka sveitarfélaga í svokölluðum C.1 potti byggðaáætlunar 2022-2036. Alls bárust átján umsóknir, heildarkostnaður verkefna var tæplega 500 m.kr. og sótt var um rúmar 370 m.kr. í styrki.
Sigríður Lára Gunnlaugsdóttir lauk í júni síðastliðnum meistaranámi frá Heilbrigðis-, viðskipta- og raunvísindasviði Háskólans á Akureyri. Lokaverkefni hennar var eitt af fjórum verkefnum meistaranema sem hlaut styrk Byggðastofnunar í desember 2022.