Fréttir

Halldóra K. Hauksdóttir, fráfarandi formaður stjórnar Byggðastofnunar, lagði á það áherslu í erindi sínu á ársfundi stofnunarinnar sem nú stendur yfir í Bolungarvík, að virk byggðastefna sé í þágu allra landsmanna, ekki eingöngu einstakra byggða.

75 ný störf sköpuðust í landsbyggðunum á árinu 2023 með lánveitingum Byggðastofnunar samanborið við 65 störf sem lánveitingarnar sköpuðu árið 2022 og 60 árið 2021.

Auglýst var eftir samstarfsaðilum á Hólmavík 27. nóvember 2023. Fjórar umsóknir bárust og samþykkti stjórn Byggðastofnunar á fundi sínum þann 27. mars 2024 að ganga til samninga við Vissu ehf og samstarfsaðila um nýtingu á allt að 500 þorskígildistonnum.

Ársfundur Byggðastofnunar 2024 verður haldinn miðvikudaginn 17. apríl í félagsheimili Bolungarvíkur.

Ársreikningur Byggðastofnunar fyrir árið 2023, var staðfestur af stjórn stofnunarinnar 27. mars 2024.

Hagstofa Íslands gaf í síðustu viku út gögn um íbúafjölda á Íslandi. Þann 1. janúar 2024 voru íbúar landsins 383.726, þar af voru erlendir íbúar 63.528. Mælaborð Byggðastofnunar um íbúafjölda sveitarfélaga og byggðakjarna og um íbúa svæða eftir ríkisfangi hefur verið uppfært þessum nýju gögnum. Mest hlutfallsleg fjölgun íbúa í einu sveitarfélagi var í Árneshreppi (13%), Sveitarfélaginu Vogum (12%) og Fljótsdalshreppi (12%). Í stærri sveitarfélögum var mest fjölgun í Sveitarfélaginu Árborg og Reykjanesbæ eða um 5%. Í Árborg fjölgaði um 513 en í Reykjanesbæ um 967 íbúa.

Byggðastofnun hefur, í samræmi við 15. gr. laga um póstþjónustu nr. 98/2019, tekið ákvörðun um breytingu á póstnúmeraskrá þannig að póstnúmerið 276 verði eftirleiðis ritað ,,276 Kjós" í stað ,,276 Mosfellsbær”.

Nú er komin út skýrsla um fasteignagjöld viðmiðunareignar 2024. Samhliða skýrslunni hefur mælaborð verið uppfært fyrir öll matssvæðin í greiningunni sem eru nú 103 talsins. Heildarfasteignamat viðmiðunareignar er að meðaltali 63,2 m.kr. og fasteignagjöld (án sorpgjalda) að meðaltali 392 þ.kr. Mikill munur er á upphæðum fasteignagjalda milli matssvæða, sérstaklega í sameinuðum sveitarfélögum þar sem álagningarhlutföll eru þau sömu hvort sem eignir eru staðsettar í stærri eða minni byggðakjörnum sveitarfélagsins.

Nú er lokið rannsókn Háskólans á Hólum og Rannsóknarmiðstöðvar ferðamála sem er eitt þeirra fimm verkefna sem hlaut styrk úr Byggðarannsóknasjóði vorið 2023.

Fundaröð Byggðastofnunar með fulltrúum sveitarfélaga á Íslandi stendur áfram yfir. Í byrjun vikunnar heimsóttu Arnar Már, Hrund og Sigríður Elín Þingeyjarsveit, Svalbarðsstrandarhrepp og Grýtubakkahrepp.