Fara í efni  

Stuðningur við fyrirtækjarekstur kvenna

Stjórn Byggðastofnunar samþykkti á fundi 14. nóvember 2014 að setja upp sérstakan lánaflokk til stuðnings atvinnurekstri kvenna í landsbyggðunum.

  • Lán þessi verða eingöngu veitt fyrirtækjum sem eru a.m.k. 75% í eigu kvenna og undir stjórn kvenna.  Krafa er um að verkefni leiði til aukinnar atvinnusköpunar kvenna
  • Lán skal ekki vera undir 1 mkr. og hámarkslán er 10 mkr.
  • Fyrir lán allt að 5 mkr. er ekki gerð krafa um veð
  • Fyrir lán að upphæð 5 – 10 mkr. er gerð krafa um veð s.s. í fasteignum, tækjum eða búnaði í samræmi við veðareglur.
  • Skilyrði er að umsókn fylgi vel gerð og ítarlega unnin viðskiptaáætlun  
  • Veitt eru lán fyrir stofn – og rekstrarkostnaði, tækjakaupum og kaupum á búnaði, allt að 70%
  • Lánveitingar séu til þess að koma verkefnum af stað en ekki til endurfjármögnunar eða sem lítill hluti af stærra mengi
  • Lánstími getur verið allt að 10 ár og verið annað hvort jafngreiðslulán eða með jöfnum afborgunum
  • Vextir eru 4,8% vtr. eða 3,0% ofan á REIBOR.
  • Lántökugjald 1,8%
  • Mælst er til að fyrirtæki geri samning um ráðgjöf hjá atvinnuþróunarfélagi eða við sjálfstætt starfandi ráðgjafa fyrir fyrstu 2 – 3 rekstrarárin
  • Skilyrði er um að nægt eiginfjárframlag sé til verkefnisins
  • Forsvarsmenn veiti heimild til þess að rekstrarsöguskýrsla þeirra verði skoðuð af stofnuninni auk vanskilaskrá

Að öðru leyti gilda almennar lánareglur Byggðastofnunar.

Til verkefnisins verður varið allt að 200 mkr.  Ákvörðun þessi byggir á heimild í 8. tl. 2. gr. laga nr. 150/2020 um jafna stöðu og jafnan rétt kynjanna.

Sækja má um lán til stuðnings atvinnurekstri kvenna í þjónustugáttinni hér

Skráning á póstlista

  • Byggðastofnun  |  Sauðármýri 2  |  550 Sauðárkrókur 
  • Sími 455-5400
  • postur@byggdastofnun.is
  • Opið frá kl. 8:30-12:00 & 13:00-16:00  | kt. 450679-0389