Umsóknareyðublað

Umsóknareyðublað vegna aflamarks Byggðastofnunar er að finna hér.

Umsóknareyðublaðið er á word-formi. Umsóknin sendist á aflamark@byggdastofnun.is

Leiðbeiningar/viðmið um útfyllingu „Umsóknar um aflamark“

Sótt er um vegna: Umsókn er tengd ákveðinni sjávarbyggð og þarf því að merkja við vegna hvaða sjávarbyggðar umsóknin er.

Tengiliður umsóknar:  Tilgangurinn er einfalda samskipti umsækjenda og Byggðastofnunar.

Listi yfir samstarfsaðila: Þarfnast ekki frekari skýringa.

Sótt er um ______ þorskígildistonn. Umsækjendum er bent á að í auglýsingunni kemur fram hámarkstonnafjöldi fyrir hvern stað.

Umsækjandi leggur fram eftirfarandi veiðiheimildir sem mótframlag inn í verkefni:  Það styrkir umsóknina ef samstarfsaðilar í verkefninu leggja fram aflaheimildir sem þeir hafa yfir að ráða. 

Annað mótframlag:  Getur verið önnur starfsemi sem umsækjendur áætla að koma á fót eða flytja til staðarins.

1. Verkefnislýsing. Stutt en hnitmiðuð lýsing á verkefninu. M.a. þarf að koma fram lýsing á áætlaðri vinnslu og hvernig samstarfi umsækjenda verður háttað. Hér er m.a. vísað til þess sem fram kemur í auglýsingu um trúverðug áform um útgerð, vinnslu sjávarafurða og aðra starfsemi. Einnig hvað áætlað er að hver útgerðaraðili komi með mikið af sínum aflaheimildum til vinnslu í viðkomandi vinnslu. 

2. Atvinnusköpun/viðhald starfa. Gerið grein fyrir áætluðum fjölda beinna heilsársstarfa fyrir karla og konur í veiðum og vinnslu sem er viðhaldið og eða verða til með verkefninu. Hvernig störf er gert ráð fyrir að skapist/verði viðhaldið og ef um ný störf er að ræða hvenær er þá gert ráð fyrir að störfin verði til.  Skýrir sig sjálft. Verkefnið gerir ráð fyrir að bæði sé um að ræða nýja atvinnusköpun á staðnum og viðhaldi þeirra starfa sem fyrir eru.

3. Gerið grein fyrir því hvernig úthlutun til verkefnisins getur stuðlað að uppbyggingu og stöðugleika í sjávarútvegi á staðnum á verkefnistímanum og hvernig verkefnið getur dregið úr óvissu um framtíðina. Hvernig sér umsækjandi fyrir sér stöðuna eftir að verkefnistímanum lýkur. Hverjar eru líkur á sjálfbærni verkefnisins. Hér þarf að svara spurningunni um hvort að umsækjendur telji líklegt að sjávarútvegur á staðnum standi sterkari eftir verkefnistímann og hvort að líklegt sé að verkefnið haldi áfram, án frekari aðstoðar, að verkefnistímanum liðnum. Vísast hér til þess  sem segir í auglýsingunni um að ná fram öflugri starfsemi til lengri tíma sem dregur sem mest úr óvissu um framtíðina. 

4. Gerið grein fyrir því hvernig úthlutun til verkefnisins getur haft jákvæð áhrif á viðkomandi samfélag, svo sem með búsetu starfsfólks, staðsetningu stjórnunar- eða sérfræðistarfa á svæðinu og kaupum á vörum og þjónustu.  Skýrir sig sjálft en hér er verið að kalla eftir því hvaða jákvæð áhrif verkefnið hafi á önnur fyrirtæki og samfélagið, þ.e. bæði á staðinn sjálfan og hugsanlega nálæg byggðarlög. 

5. Tilgreinið mælikvarða til að meta árangur verkefnisins. Mikilvægt er að umsækjendur setji fram mælanleg markmið til að meta árangur verkefnisins á verkefnistímanum og að verkefnistíma loknum. Tilgreinið hvaða mælikvaða umsækjendur telja mikilvæga. 

6. Gerið grein fyrir reynslu  umsækjenda af rekstri og starfsemi í sjávarútvegi. Hér þarf að gera grein fyrir reynslu hvers og eins samstarfsaðila en í auglýsingunni segir að einn að þeim þáttum sem horft sé til sé traust rekstrarsaga forsvarsmanna umsækjenda.