Flýtilyklar
ESA
Byggðakort fyrir Ísland árin 2014-2020
ESA, eftirlitsstofnun EFTA, samþykkti 24. apríl 2014 tillögu Íslands um svæði þar sem veita má byggðaaðstoð, svokallað byggðakort.
Byggðakortið skilgreinir þau svæði á Íslandi þar sem leiðbeiningarreglur ESA um byggðaaðstoð gilda. Á þeim svæðum einum getur ESA heimilað að Ísland veiti byggðaaðastoð.
Kortið sem ESA samþykkti skiptir landinu upp í tvö svæði; höfuðborgarsvæðið annars vegar og landsbyggðina hins vegar. Á svæðinu sem skilgreint er sem landsbyggð búa 35,9% þjóðarinnar.
Samþykki ESA á byggðakortinu felur ekki í sér samþykki á ríkisaðstoð. Slíka aðstoð má aðeins veita með fyrirframsamþykki ESA, að undangenginni formlegri tilkynningu og málsmeðferð.
Íslensk yfirvöld geta nú tilkynnt ESA fyrirtætlanir sínar um að veita byggðaaðstoð á landsbyggðinni á tímabilinu 1. júlí 2014 til 31. desember 2020.
Ákvörðun ESA um byggðakortið má finna á heimasíðu stofnunarinnar, sem og byggðakortið sjálft.
Leit
-
-
Svæði
-
- Veftré
- Hafðu samband
