Fasteignagjöld viðmiðunareignar

Byggðastofnun hefur fengið Þjóðskrá Íslands til að reikna út fasteigna­mat á sömu viðmiðunar­fast­eigninni um allt land. Viðmiðunareignin er einbýlishús sem er 161,1 m² og 476 m³ á 808 m² lóð. Fasteignagjöld eru síðan reiknuð út skv. gjaldskrám sveitarfélaga sem gilda frá 1. janúar á hverju ári. Í þessari greiningu samanstanda fasteignagjöld af fasteignaskatti, lóðarleigu, fráveitugjaldi, vatnsgjaldi og sorpgjöldum. Útreikningar voru gerðir fyrir 99 matssvæði í 50 sveitarfélögum og fengust staðfestingar á útreikningi frá öllum sveitarfélögunum. Nánari upplýsingar eru í skýrslunni Samanburður á fasteignamati og fasteignagjöldum árið 2022.

Hér fyrir neðan er mælaborð sem sýnir fasteignamat og fasteignagjöld á matssvæðunum 99. Þegar músarbendill er færður yfir þéttbýlisstað á kortinu birtast auk fasteignamats og fasteignagjalda upplýsingar um forsendur sem liggja að baki hverjum lið, t.d. álagningarhlutföll, hvort gjaldstofn sé fasteignamat eða stærð húss/lóðar og fjöldi sorptunna innifaldar í sorpgjaldi.

Smellið á "tableau" merkið neðst til vinstri í rammanum til að sjá mælaborðið stærra í sér glugga.