Tekjur einstaklinga eftir svæðum 2008-2022

Byggðastofnun hefur undanfarin ár fengið gögn frá Hagstofu Íslands um atvinnutekjur eftir atvinnugreinum og svæðum til þess að sjá hvaða atvinnugreinar standa undir tekjum íbúa eftir landssvæðum og greina breytingar sem verða þar á. Nú hefur öðrum skattgreiðsluskyldum tekjum verið bætt við greininguna, ásamt fjármagnstekjum.

Tekjur einstaklinga skiptast í atvinnutekjur, lífeyrisgreiðslur, fjármagnstekjur, bætur frá Tryggingastofnun og Sjúkratryggingum, atvinnuleysisgreiðslur, fjárhagsaðstoð sveitarfélaga og aðrar staðgreiðsluskyldar greiðslur. Tekjur fylgja lögheimili einstaklinga en ekki staðsetningu greiðanda. Nánari skilgreiningar á atvinnutekjum ásamt svæða- og atvinnugreinaskiptingu er að finna í skýrslu Byggðastofnunar um Tekjur einstaklinga eftir svæðum 2008-2022.

Hér fyrir neðan er mælaborð þar sem hægt er að skoða stöðu og þróun heildartekna og tekna á hvern íbúa eða tekjuþega eftir svæðum, tekjulið, kyni og atvinnugreinum. Í mælaborðinu er jafnframt hægt að skoða hlutdeild atvinnugreina í atvinnutekjum á landinu öllu eða eftir svæðum. Þrír flipar eru í mælaborðinu: 1) Tekjur, 2) Atvinnutekjur, og 3) Hlutdeild atvinnugreina.

Smellið á "tableau" merkið neðst til vinstri í rammanum til að sjá mælaborðið stærra í sér glugga.