Breytingar á íbúafjölda - sundurliðun
Þó Íslendingum hafi fjölgað jafnt og þétt undanfarna áratugi hefur fjölgunin ekki verið jöfn yfir allt landið. Almennt hefur verið mest fjölgun suðvestanlands á meðan ýmis svæði, til að mynda á Vestfjörðum og Norðurlandi vestra, glíma við fólksfækkun.
Hér fyrir neðan er kortamælaborð sem sýnir hlutfallsbreytingar á íbúafjölda á völdu tímabili aftur til ársins 1998. Kortið litast þannig að svæði með fólksfjölgun eru græn en á rauðum svæðum er fólksfækkun. Vinstra megin við Íslandskortið sjást upplýsingar um íbúafjölda í upphafi og lok tímabils auk sundurliðunar breytinganna. Hægt er að smella á svæði, annað hvort í töflum eða á kortinu sjálfu og þá síast gögnin með tilliti til þess. Til að velja fleiri en eitt atriði má halda niðri control-takka.
Í borðanum vinstra megin má stilla hvaða tímabil miðað er við. Þar er líka hægt að velja svæðaskiptingu kortsins (sveitarfélög eða landshluta) og sía gögnin til að einangra ákveðinn landshluta eða undirlið fólksfjöldabreytinga. Í flipanum Undirliðir er hægt að einblína á staka þætti (s.s. flutningsjöfnuð eða fædda umfram dána) og í flipanum Íbúaveltu má sjá samnefndan mælikvarða á mannfjöldabreytingar svæða.
- MYNDSKEIÐ UM NOTKUN MÆLABORÐSINS -
Smellið á "tableau" merkið neðst til vinstri í rammanum til að sjá mælaborðið stærra í sér glugga.
