Verkáætlanir
Vinnsluferill
Tími til vinnslu tillögu að stefnumótandi byggðaáætlun 2017-2023 er stuttur og tíma- og verkáætlun er ströng. Miðað er við að tillögu verði skilað í atvinnuvega- og nýsköpunarráðuneytið 1. nóvember 2016 og að náist að hafa samráð við ráðuneyti og samráðsvettvanga landshlutasamtaka sveitarfélaga að vori og aftur að hausti og að til sveitarfélaga náist í gegnum samráðsvettvangana.
Áætlunin hefur verið færð til samræmis við orðinn hlut í júlí 2016 en í grófum dráttum hefur hún haldist frá upphafinu í mars. Áhersla er á samráð, að ná að stilla saman byggðaáætlun og áætlanir hinna ýmsu ráðuneyta og að ná sambandi milli byggðaáætlunar og sóknaráætlana landshlutanna. Eitt meginatriðið í gagnrýni sem komið hefur fram á fundum um byggðaáætlun er að áætlanir ríkisins miði ekki í sömu átt.
