Fréttir

Staða framkvæmdastjóra NORA, Norræna Atlantshafssamstarfsins, er laus til umsóknar og verður ráðið í hana frá 1. ágúst 2023.

NORA heyrir undir Norrænu ráðherranefndina og hefur það að markmiði að styrkja samstarf á samstarfssvæði sínu, en aðild eiga Grænland, Ísland, Færeyjar og strandhéruð Noregs. NORA veitir styrki til samstarfsverkefna á Norður-Atlantshafssvæðinu og tekur einnig virkan þátt í stefnumörkun og kemur að samstarfi á svæðinu.

Nýr framkvæmdastjóri ber ábyrgð á að halda áfram á þeirri vegferð sem þegar hefur verið mörkuð af hálfu NORA og hann mun starfa á aðalskrifstofunni í Færeyjum.

Nánar má fræðast um starfið hér.

Auk þess er umsækjendum velkomið að hafa samband við Ásmund Guðjónsson framkvæmdastjóra í síma +298 218444 eða netfang asmundur@nora.fo

Umsókninni skal skila á dönsku eða norsku og senda á netfangið kristjan@byggdastofnun.is í síðasta lagi mánudaginn 6. febrúar 2023.