Fréttir

Íslandspóstur ohf., sem var útnefndur sem veitandi alþjónustu með ákvörðun Póst- og Fjarskiptastofnunar nr. 13/2020 mun gera breytingar á afgreiðsluneti sínu á morgun, 1. júní.

Umsóknarfrestur um Aflamark Byggðastofnunar sem auglýst var þann 10. maí sl. rann út á hádegi þann 28. maí. Samtals barst 21 umsókn.

Þann 19. maí tók gildi sameining sveitarfélaganna á sunnanverðum Vestfjörðum, Tálknafjarðarhrepps og Vesturbyggðar, í eitt sveitarfélag. Í mælaborði Byggðastofnunar um sveitarfélagaskipan má sjá að sveitarfélög á Vestfjörðum eru nú átta talsins, en þau voru flest 35 á árunum 1943-1963.

Um fjörutíu háskólanemar og kennarar frá sex erlendum háskólum, af tólf þjóðernum heimsóttu Byggðastofnun í gær á vegum Háskólaseturs Vestfjarða. Heimsóknin er liður í alþjóðlegu samstarfi og skipulögðum sumarskóla í samstarfslöndunum Svíþjóð, Lettlandi, Finnlandi, Eistlandi, Litháen auk Íslands.

Íslendingar og Norðmenn standa frammi fyrir áþekkum áskorunum varðandi veitingu alþjónustu í póstþjónustu í hinum dreifðu byggðum landanna tveggja. Áskoranir landanna eru t.a.m. hvaða þjónusta skuli falla undir alþjónustu, hversu oft á að dreifa og safna pósti og hvernig tryggja skuli þjónustu í dreifðum byggðum.

Á fundi sínum sl. föstudag afgreiddi stjórn Byggðastofnunar tillögu að vali á byggðarlögum þar sem auglýst verður eftir samstarfsaðilum um nýtingu á aflamarki stofnunarinnar á grundvelli 10. gr. a í lögum um stjórn fiskveiða og reglugerðar nr. 643/2016.

Í gær fengum við góða gesti þegar starfsfólk SSNV og SSV komu í heimsókn í höfuðstöðvar Byggðastofnunar. Heimsóknin var hluti af ferð starfsmanna landshlutasamtakanna um norðvesturland þar sem þau kynntu sér starfsemi ýmissa fyrirtækja og stofnana.

Ársskýrsla fyrir árið 2023 um verkefnið Brothættar byggðir hefur verið gefin út. Ýmsar vísbendingar eru um að verkefnið hafi haft jákvæð áhrif í þátttökubyggðarlögunum til þessa. Aukin virkni, samstaða íbúa og tilurð fjölda nýrra verkefna í byggðalögunum eru dæmi um jákvæð áhrif sem verkefnið hefur haft.