Fréttir

Fimmtudaginn 12. febrúar nk. verður haldið málþing í Hofi á Akureyri undir yfirskriftinni: Aðlögun sveitarfélaga að áhrifum loftslagsbreytinga Frá áskorunum til aðgerða: leiðarvísir, verkfæri og reynsla sveitarfélaga.

Byggðastofnun auglýsir eftir umsóknum um styrki úr Byggðarannsóknasjóði. Tilgangur sjóðsins er að efla byggðarannsóknir og veita styrki til rannsókna- og þróunarverkefna sem stuðlað geta að jákvæðri byggðaþróun og bæta þekkingargrunn fyrir stefnumótun, áætlanagerð og aðgerðir á sviði byggðamála.

Innviðaráðherra hefur opnað fyrir umsóknir um framlög til verkefna á sviði almenningssamgangna, sem veitt eru á grundvelli stefnumótandi byggðaáætlunar fyrir árin 2022-2036, aðgerð A.10 – Almenningssamgöngur á milli byggða.

Í tengslum við komandi umsóknarlotu stendur NORA fyrir tveimur rafrænum kynningarfundum um verkefnastyrki. Báðir fundirnir fara fram þriðjudaginn 10. febrúar 2026, annar þeirra á skandinavísku og hinn á ensku. Fundirnir eru hugsaðir fyrir áhugasama og mögulega umsækjendur um styrki.

Opnað hefur verið fyrir umsóknir um styrki til að styðja við uppbyggingu vinnustaðaklasa á landsbyggðinni. Veittir verða styrkir fyrir allt að 50 milljónir kr. Byggðastofnun heldur utan um umsýslu vegna styrkjanna og er umsóknarfrestur er til 2. febrúar nk.

SSNV býður á kynningarfund um starfsemi NORA og verkefnastyrki til samstarfsverkefna. Fundurinn verður haldinn kl. 12:00, þriðjudaginn 27. janúar. Ráðgjafi NORA, Jákup Sørensen verður á staðnum. Súpa í boði fyrir fundargesti.

Opnað hefur verið fyrir umsóknir til frumkvæðisverkefna í frumkvæðissjóði byggðarlaganna sem taka þátt í tilraunaverkefni undir merkjum Brothættra byggða II.

Norðurslóðaáætlunin - Interreg Northern Periphery and Arctic (NPA) - hefur nú formlega opnað fyrir sitt fyrsta ungmennakall, sem miðar að því að styðja ungt fólk - 35 ára og yngra - við að þróa eigin hugmyndir og verkefni sem stuðla að sjálfbærri þróun, nýsköpun, loftslagsþoli, samfélagslegri þátttöku og velferð byggða á Norðurslóðum. Kallið er opið fyrir samtök og stofnanir sem vinna með ungmennum en ekki einstaklingum.

Landstólpinn, samfélagsviðurkenning Byggðastofnunar, er viðurkenning sem Byggðastofnun veitir árlega á ársfundi sínum. Um er að ræða hvatningarverðlaun til einstaklinga, fyrirtækja, hópa eða verkefna sem vakið hafa athygli á byggðamálum, styrkt samfélög í landsbyggðunum eða stuðlað að framgangi málefna landsbyggðanna, ýmist í heild eða innan tiltekins byggðarlags, s.s. innan nýsköpunar, byggðaþróunar, atvinnuþróunar, sjálfbærni eða menningar.

Á næstu mánuðum lýkur aðgerð C.10 í núgildandi byggðaáætlun, Áhrif loftslagsbreytinga og sveitarfélög. Verkefnið hefur verið leitt af Byggðastofnun í samstarfi við Veðurstofu Íslands, Skipulagsstofnun og umhverfis-, orku- og loftslagsráðuneytið.