Fréttir

Á fundi stjórnar Norðurslóðaáætlunarinnar (Interreg NPA) nú í desember var samþykkt að styðja fimm klasaverkefni í samstarfi við Interreg Aurora (IA) áætlunina. Í þessum verkefnum vinna saman sjö NPA verkefni og fimm IA verkefni.

Innviðaráðuneytið og stofnanir þess óska eftir tillögum um hvernig megi einfalda regluverk og bæta þjónustu á vegum ráðuneytisins og stofnana þess. Allir eiga kost á því að taka þátt í netkönnuninni til og með 19. janúar 2026 í samráðsgátt stjórnvalda.

Á haustfundi Norræna Atlantssamstarfsins, NORA, sem haldinn var 27. nóvember 2025 í Kaupmannahöfn, var samþykkt að styrkja tólf samstarfsverkefni í seinni úthlutun ársins 2025. Íslendingar taka þátt í tíu af þeim tólf verkefnum sem hljóta styrk og leiða fjögur verkefnanna. Heildarupphæð styrkjanna er tæplega 3 milljónir danskra króna.

Byggðastofnun hefur fullnýtt fjárhæð gildandi ábyrgðasamkomulags InvestEU við Evrópska fjárfestingasjóðinn (EIF). Í ljósi mikillar eftirspurnar hefur stofnunin óskað eftir því að tvöfalda samninginn og mun stjórn EIF taka þá beiðni til afgreiðslu á fyrsta ársfjórðungi 2026.

Opnað hefur verið fyrir umsóknir um styrki til að styðja við uppbyggingu vinnustaðaklasa á landsbyggðinni. Veittir verða styrkir fyrir allt að 50 milljónir kr. Byggðastofnun heldur utan um umsýslu vegna styrkjanna og er umsóknarfrestur er til 2. febrúar nk.

Opnað hefur verið fyrir umsóknir í Frumkvæðissjóð byggðaþróunarverkefnisins DalaAuðs. Þar sem samningur um verkefnið mun renna út í lok árs 2026 er um að ræða síðustu úthlutun fjármuna til frumkvæðisverkefna í byggðarlaginu á framkvæmdatíma verkefnisins. Tekið verður við umsóknum til kl. 12:00 miðvikudaginn 21. janúar nk.

Eitt af hlutverkum Byggðastofnunar samkvæmt lögum er að skipuleggja og vinna að atvinnuráðgjöf til einstaklinga, hópa og starfandi fyrirtækja í landsbyggðunum, í samstarfi við hagaðila.

Verkefnisáætlun fyrir verkefnið Jú víst! Kraftur í Kaldrana hefur nú verið gefin út, hana má skoða hér. Í verkefnisáætluninni er framtíðarsýn íbúa í Kaldrananeshreppi sett fram, en sýnin byggir á skilaboðum frá íbúaþingi sem haldið var í byrjun október sl.

Eyjólfur Ármannsson innviðaráðherra hefur staðfest tillögur valnefndar um verkefnastyrki til verslana í dreifbýli. Að þessu sinni var átján milljónum kr. úthlutað til sex verslana í dreifbýli fyrir árið 2026. Í tveimur tilvikum verða styrkirnir nýttir til opna verslun að nýju, á Stöðvarfirði og Þingeyri.

Nú er hægt að skoða íbúafjölda landsins 1998-2025 eftir sveitarfélagaskipan ársins 1950 í mælaborði Byggðastofnunar. Sjö nýir byggðakjarnar líta dagsins ljós, þeirra á meðal tveir í Svalbarðsstrandarhreppi og tveir í Sveitarfélaginu Ölfusi.