Fréttir

Ársfundur Byggðastofnunar verður haldinn fimmtudaginn 28. maí nk. í félagsheimilinu Kirkjuhvoli á Kirkjubæjarklaustri. Þar mun Daníel Pétur Daníelsson kynna meistaraverkefni sitt, Ræs! – Síld! Rannsókn á sambandi Síldarminjasafns Íslands við samfélagið í Siglufirði, en verkefnið er eitt af fjórum verkefnum meistaranema sem var styrkt úr Byggðarannsóknasjóði í desember 2024.

Ársskýrsla Byggðastofnunar fyrir árið 2025 hefur verið gefin út. Í skýrslunni er farið yfir helstu áhersluþætti í starfi stofnunarinnar yfir starfsárið og skýrsla stjórnar og ársreikningar lagðir fram.

Ársskýrsla um verkefnið Brothættar byggðir fyrir árið 2025 hefur verið gefin út, sjá hér. Í skýrslunni er gerð grein fyrir því helsta sem hefur verið unnið að á árinu í þátttökubyggðarlögunum. Skýrslan byggir að miklu leyti á ársskýrslum verkefnisstjóra í einstökum byggðarlögum, auk samantektarefnis frá fulltrúum Brothættra byggða hjá Byggðastofnun.

Skrifstofa Norðurslóðaáætlunarinnar býður þeim sem eru með verkefnahugmyndir í ungmennakallinu að skila hugmyndum sínum og fá á þær endurgjöf áður en lengra er haldið.

Byggðastofnun hefur gefið út skýrslu um fasteignagjöld viðmiðunareignar árið 2026. Fasteignagjöld viðmiðunareignar hafa víðast hvar hækkað talsvert á síðustu árum. Frá árinu 2021 hefur meðalfasteignamat viðmiðunareignar hækkað um 81% að nafnvirði. Á sama tíma hafa meðalfasteignagjöld viðmiðunareignar hækkað um 60%, en verðlag um 36%.

Í síðustu viku fór hin árlega nýsköpunarhátíð Iceland Innovation Week fram í Reykjavík. Á hátíðinni kemur saman fjölbreytt flóra fólks sem starfar innan nýsköpunar- og frumkvöðlasenunnar um allt land, auk hagaðila og annarra sem hafa brennandi áhuga á nýsköpun.

Tálknafjörður hefur hafið þátttöku í byggðaþróunarverkefninu Brothættar byggðir. Stjórn Byggðastofnunar samþykkti á fundi sínum þann 26. febrúar sl. að bjóða Tálknafirði til samstarfs í verkefninu.