Fréttir

Rannsóknamiðstöð Háskólans á Akureyri hefur lokið rannsókn og birt skýrslu um leka óstaðbundinna starfa til höfuðborgarsvæðisins. Rannsóknin var styrkt af Byggðarannsóknasjóði vorið 2025 og unnin af Sigríði Bjarnadóttur og Hjalta Jóhannessyni, sérfræðingum RHA.

Góð þátttaka og áhugi á málþinginu er til marks um mikilvægi þess að styrkja getu sveitarfélaga til að takast á við áhrif loftslagsbreytinga. Fjölmennt var í Hofi og fjöldi áhorfenda í streymi.

Leiðarvísirinn Frá áskorunum til aðgerða er nú kominn út. Markmið þessa leiðarvísis er að styðja sveitarfélög við mótun og innleiðingu aðgerða til aðlögunar að áhrifum loftslagsbreytinga. Leiðarvísirinn sameinar einföld skref og verkfæri sem gera sveitarfélögum kleift að hefja vinnuna óháð stærð, umfangi eða sérhæfðri þekkingu.

Nú er komin út skýrsla um orkukostnað viðmiðunareignar m.v. gjaldskrár 1. september 2025. Heildarorkukostnaður er hæstur í Grímsey 529 þ.kr. en lægstur í Mosfellsbæ 224 þ.kr. Næst hæsti heildarkostnaður fyrir viðmiðunareign er á Bakkafirði og Borgarfirði eystri 438 þ.kr. Þar næst kemur Nesjahverfi í Hornafirði með 420 þ.kr.

Opið er nú fyrir umsóknir um framlög vegna vatnsveitna á lögbýlum í samræmi við reglugerð um framlög úr Jöfnunarsjóði sveitarfélaga til vatnsveitna á lögbýlum.

Grænbók með stöðumati um byggðamál hefur verið birt í samráðsgátt stjórnvalda til umsagnar. Útgáfa grænbókarinnar er liður í endurskoðun byggðaáætlunar sem stendur nú yfir. Eyjólfur Ármannsson innviðaráðherra hyggst leggja fram þingsályktunartillögu að nýrri stefnumótandi byggðaáætlun haustið 2026.

Verkefnið OatFrontiers sem styrkt er af Norðurslóðaáætluninni og Landbúnaðarháskóli Íslands tekur þátt í, er til umfjöllunar á fréttavef framkvæmdastjórnar Evrópusambandsins.

Stjórn Byggðastofnunar ákvað á fundi sínum þann 11. desember 2025 að styrkja þrjá meistaranema sem vinna að lokaverkefnum á sviði byggðamála. Auglýsing um styrkina var birt 16. september 2025 og rann umsóknarfrestur út 10. nóvember.

Fimmtudaginn 12. febrúar nk. verður haldið málþing í Hofi á Akureyri undir yfirskriftinni: Aðlögun sveitarfélaga að áhrifum loftslagsbreytinga Frá áskorunum til aðgerða: leiðarvísir, verkfæri og reynsla sveitarfélaga.

Byggðastofnun auglýsir eftir umsóknum um styrki úr Byggðarannsóknasjóði. Tilgangur sjóðsins er að efla byggðarannsóknir og veita styrki til rannsókna- og þróunarverkefna sem stuðlað geta að jákvæðri byggðaþróun og bæta þekkingargrunn fyrir stefnumótun, áætlanagerð og aðgerðir á sviði byggðamála.