Fréttir

Opnað hefur verið fyrir umsóknir til frumkvæðisverkefna í frumkvæðissjóði byggðarlaganna sem taka þátt í tilraunaverkefni undir merkjum Brothættra byggða  II.

Í umsókn skal koma fram hvernig verkefnið hefur samhljóm við framtíðarsýn BbII og hvernig það fellur að meginmarkiðum viðkomandi byggðarlags í verkefnisáætlun Brothættra byggða. Verkefnin þurfa fyrst og fremst að vera til þess fallin að efla samfélagið.

Tekið verður við umsóknum til  kl. 13:00 mánudaginn 16. febrúar 2026 í tölvupósti. Allar upplýsingar um umsóknarferlið má finna á heimasíðu verkefnanna hjá SSNE, Raufarhöfn og framtíðin og Öxarfjörður í sókn.

Nanna Steina Höskuldsdóttir nanna@ssne.is og Einar Ingi Einarsson einar@nordurthing.is starfa sem verkefnisstjórar á svæðinu í heild. Þau bjóða upp á ráðgjöf varðandi umsóknarskrif og hugmyndavinnu.

Verkefnið er ein af aðgerðum Byggðaáætlunar, C.2, og markmið þess er að spornað verði við viðvarandi fólksfækkun í smærri byggðarlögum. Verkefnið byggir á samstarfi Byggðastofnunar, viðkomandi sveitarfélags, landshlutasamtaka og síðast en ekki síst íbúa hvers þátttökubyggðarlags. Því er einkum ætlað að styðja við frumkvæði og þátttöku íbúa til hagsbóta fyrir samfélagið í víðum skilningi