Fréttir

Sjö milljónum króna úr verkefninu Betri Borgarfjörður var þann 4. júní úthlutað til 14 samfélagseflandi verkefna á Borgarfirði eystri. Alls bárust 20 umsóknir í þetta sinn en úthlutað er árlega á verkefnistímanum.

Áætlaður heildarkostnaður verkefna er um 27 m.kr. en sótt var um styrki fyrir 18 m.kr. Kynjahlutföll styrkþega að þessu sinni eru jöfn, 6 konur og 6 karlar. Styrkirnir eru hluti af verkefni Byggðastofnunar, Brothættar byggðir.

Heildarlisti yfir styrkþega árið 2019:

Verkefnin sem hlutu styrki eru fjölbreytt og verður spennandi að fylgjast með framgangi þeirra.

Hæsta styrkinn að þessu sinni hlýtur nýstofnað fyrirtæki á Borgarfirði, Íslenskur dúnn ehf., samtals 1,9 m.kr. Fyrirtækið sérhæfir sig í fullvinnslu á afurðum úr íslenskum æðardúni.

Verkefnið Brothættar byggðir miðar að víðtæku samráði og því að virkja þekkingu og getu íbúa byggðarlaga til að móta framtíðarsýn, markmið og lausnir. Enn fremur að virkja frumkvæði og samtakamátt íbúa og auka vitund þeirra um eigin þátt í þróun samfélagsins.

Nánari upplýsingar veitir Alda Marín Kristinsdóttir (aldamarin@austurbru.is) verkefnastjóri verkefnisins í síma 847-6887.