Fréttir

Ragnhildur Friðriksdóttir

Í september sl. auglýsti Byggðastofnun eftir sérfræðingi til starfa á þróunarsviði stofnunarinnar.  Alls bárust 18 umsóknir, níu frá konum og níu frá körlum.  Nú hefur verið ákveðið að ráða Ragnhildi Friðriksdóttur í starfið.

Ragnhildur er með MSc gráðu í umhverfis- og auðlindafræði sjávar frá University of York og BSc gráðu í líffræði frá Háskóla Íslands.

Hún hefur starfað hjá Matís ohf. frá árinu 2016 sem verkefnisstjóri innlendra og erlendra rannsókna- og fræðsluverkefna innan umhverfis- og loftslagsmála, sjávarútvegs, sjálfbærrar auðlindanýtingar og nýsköpunar.  Með áherslu á mikilvægi framangreindra þátta fyrir menntun, byggðaþróun og samfélög.

Ragnhildur mun hefja störf í byrjun nýs árs og bjóðum við hana velkomna til starfa.