Fara í efni  

Fréttir

NORA styrkir níu samstarfsverkefni

NORA styrkir níu samstarfsverkefni
Merki NORA

Á fundi framkvæmdastjórnar NORA í desember s.l. var ákveðið að styrkja 9 samstarfsverkefni. Umsóknarfrestur í NORA er tvisvar á ári og var þetta síðari úthlutun ársins. Alls bárust 98 umsóknir á árinu 2012, en 42 á síðari umsóknarfresti. Íslendingar taka þátt í átta verkefnum af þeim níu sem hlutu styrk.

Verkefnin sem styrk hlutu voru eftirfarandi:

  • Sjávarklasar. Stofna á sjávarútvegsklasa við Norður-Atlantshaf með þátttöku Nýfundnalands, Færeyja, Íslands og Grænlands. Íslenski Sjávarklasinn leiðir verkefnið og Viðskiptaráð tekur einnig þátt af Íslands hálfu.
  • Hring-virkni sjávarútvegs. Samstarfsnet hagfræðinga mun setja fram reiknilíkan fyrir mótun sjávarútvegsstefnu, sem verður uppfært reglulega. Rannsaka  á hringvirkni sjávarútvegs, en það eru þau áhrif sem fiskveiðar hafa á efnahag, t.d. á verslun og annan iðnað. Háskóli Íslands er þátttakandi í verkefninu.
  • Fiskflutningur. Ísgel á Blönduósi ætlar að hanna gelmottur fyrir ferskfiskútflutning frá Færeyjum. Það þarf að aðlaga íslensku aðferðina að færeyskum aðstæðum með möguleika á að yfirfæra annars staðar. Ísgel á Blönduósi leiðir þetta verkefni.
  • NATLOC. Verkefni í ævintýra-ferðaþjónustu. Halda á ratleikjakeppni í NORA-löndunum. Þátttakendur ferðast um svæðin með kort og áttavita og uppgötva landið þannig. Rathlaupfélagið Hekla og Íslenskir fjallaleiðsögumenn taka þátt af Íslands hálfu.
  • Slow Adventure. Ferðamaðurinn fer sér hægt og verður eitt með náttúrunni og sögunni. Móta á  verkefnishugmynd í samstarfi við ferðaþjónustufyrirtæki og þjálfa starfsfólk. Rannsóknasetur ferðaþjónustunnar og Háskólasetur á Höfn í Hornafirði eru þátttakendur í þessu verkefni.
  • Ráðstefna um heimskautaferðir skemmtiferðaskipa. Halda á ráðstefnu um þessa tegund ferðaþjónustu, með áherslu á að styrkja samstarf fararstjóra á skemmtiferðaskipum við áfangastaðina, ekki síst á Grænlandi. Cruise Iceland, Faxaflóahafnir er íslenskur þáttakandi.
  • Orkuforði. Verkefni um sjálfbæra orkunýtingu. Hvernig bregðast skal við óstöðugri vindorkuframleiðslu og geyma má raforku til nota þegar framleiðslan er ekki nægileg, þannig að alltaf sé til staðar orka til húshitunar. Orkusetur er íslenski þátttakandinn.
  • Geopolitik. Sagnfræðiráðstefna um málefni norðurheimskautssvæðisins, tengd umræðu líðandi stundar. Enginn íslenskur þátttakandi.
  • Leiðbeiningar um hvalveiðar. Semja á leiðbeiningarit um hvalveiðar, aðgengilegt á netinu. Það er ætlað þeim sem stunda veiðarnar, sem og til að auka þekkingu og skilning umhverfisins á hvalveiðum. NAMMCO stendur að verkefninu og íslensk þátttaka er þar í gegn.

Næsti umsóknarfrestur í NORA er 4. mars n.k. og verður auglýstur á heimasíðu Byggðastofnunar, heimasíðu NORA, og í dagblöðum.

 


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389