Fréttir

Byggðastofnun auglýsti eftir umsóknum í nýjan Byggðarannsóknarsjóð í febrúar. Alls bárust 26 umsóknir áður en umsóknarfrestur rann út á miðnætti 8. mars. Einni umsókn var hafnað á þeirri forsendu að hún barst of seint. Til úthlutunar eru 10 m.kr. og samkvæmt reglum sjóðsins er miðað við að styrkirnir séu ekki færri en þrír og ekki fleiri en fimm. Stefnt er að því að tilkynna um úthlutun styrkja á ársfundi Byggðastofnunar þann 10. apríl næstkomandi.