Fréttir

Ársfundur Norrænu Atlantsnefndarinnar, NORA, var haldinn í Svolvær á Lofoten í Noregi, dagana 4.-7. júní. Kaspar Lytthans lætur af störfum sem framkvæmdastjóri NORA og við tekur Lars Thostrup þann 1. ágúst nk.

Á fundinum voru afgreiddar 43 styrkumsóknir vegna margvíslegra verkefna á sviði sjávarútvegs (auðlinda sjávar), ferðaþjónustu, málefna strandsamfélaga og verkefnum sem snerta sjálfbæra þróun. Íslendingar áttu þátt í 32 af þessum umsóknum.

Ísland lætur nú af formennsku NORA og Noregur tekur við, en formennskan færist árlega milli þátttökulandanna, Íslands, Noregs, Færeyja og Grænlands.

Kaspar Lytthans mun láta af störfum sem framkvæmdastjóri NORA þann 1. ágúst nk. Í hans stað kemur Lars Thostrup, en hann er danskur og búsettur í Færeyjum.

Nánari fréttir af styrkveitingum og af ákvörðunum ársfundar verða birtar á síðunni innan skamms.