Fréttir

Byggðastofnun

Byggðastofnun óskar eftir að ráða starfsmann á þróunarsvið stofnunarinnar. Meginverkefni starfsmannsins eru að fylgja eftir verkefnum sem sett hafa verið af stað samkvæmt sóknaráætlunum landshluta og vinna að framgangi verkefna samkvæmt formennskuáætlun Íslands í Norrænu ráðherranefndinni.

Hæfniskröfur:

• Háskólanám sem nýtist í starfi.
• Reynsla af verkefnastýringu í byggðamálum og opinberri stjórnsýslu.
• Sjálfstæði í vinnubrögðum.
• Frumkvæði og lipurð í mannlegum samskiptum.
• Þekking og reynsla af norrænu samstarfi á vettvangi norrænu ráðherranefndarinnar.
• Hæfileiki til að vinna sjálfstætt og eiga auðvelt með að koma fyrir sig orði munnlega og skriflega bæði á íslensku sem og á dönsku, norsku eða sænsku.

Staðsetning starfsins er í Reykjavík. Launakjör eru samkvæmt kjarasamningi Samtaka starfsmanna fjármálafyrirtækja.

Um er að ræða fullt starf.

Umsækjandi þarf að geta hafið störf sem fyrst.

Umsóknarfrestur er til 7. apríl nk. og skulu umsóknir með upplýsingum um menntun og starfsreynslu sendar til Byggðastofnunar, Ártorgi 1, 550 Sauðárkróki. Ekki er um sérstök umsóknareyðublöð að ræða.

Nánari upplýsingar veitir Snorri Björn Sigurðsson, forstöðumaður þróunarsviðs, sími 455 5400 eða 895 8653.

Öllum umsóknum um starfið verður svarað.

Byggðastofnun hefur það að markmiði að vera eftirsóknarverður vinnustaður fyrir hæfa og metnaðarfulla starfsmenn, konur jafnt sem karla. Rúmlega 20 manns starfa hjá stofnuninni sem hefur á að skipa vel menntuðu fólki með fjölbreytta reynslu.