Fara í efni  

Fréttir

Byggđastofnun vinnur ađ greiningu á styrkleikum og veikleikum sjávarbyggđa og landbúnađarkjarna

Hjá Byggðastofnun stendur nú yfir vinna við styrk- og veikleikagreiningu (SVÓT) fyrir sjávarbyggðir og landbúnaðarkjarna. Í skýrslu sem kom út hjá Byggðastofnun í október 2001 var gerð grein fyrir slíkri greiningu á landshlutum en með greiningunni nú er ætlunin að fá gleggri mynd af einstökum byggðarlögum.

Hjá Byggðastofnun stendur nú yfir vinna við styrk- og veikleikagreiningu (SVÓT) fyrir sjávarbyggðir og landbúnaðarkjarna. Í skýrslu sem kom út hjá Byggðastofnun í október 2001 var gerð grein fyrir slíkri greiningu á landshlutum en með greiningunni nú er ætlunin að fá gleggri mynd af einstökum byggðarlögum.

Markmiðið með verkefninu er að afla upplýsinga þannig að Byggðastofnun geti á skjótan hátt metið atvik sem kunna að koma upp í einstaka byggðarlagi og brugðist við þeim.

Leitast verður við að:

·        Bera saman lífskjör og afkomumöguleika.

·        Bera saman atvinnuþróun, menntun og samfélagsþjónustu.

·        Leggja áherslu á menningarsöguleg gildi og fjölbreytt atvinnulíf.

·        Leggja áherslu á  sveitarfélög sem eru í sókn, eru í uppbyggingu atvinnulífs, skóla,

menningarlífs og opinberri þjónustu.

Tilgangurinn er að Byggðastofnun geti, í samráði við bæjar- og sveitarstjórnir, lagt mat og gert tillögur um aðgerðir sem óskað er eftir og kann að þurfa að grípa til.  

Bæjar- og sveitarstjórum í þeim byggðarlögum sem kannaðar verða var sendur spurningalisti á rafrænu formi þann 5. september sl., til þess að flýta fyrir upplýsingaöflun. Vonast er til að þeir skili svörunum sem fyrst og í framhaldinu munu starfsmenn Byggðastofnunar heimsækja viðkomandi svæði og afla sértækari upplýsinga með viðtölum.

Að sögn Halldórs V. Kristjánssonar, starfsmanns þróunarsviðs Byggðastofnunar, eru svör þegar byrjuð að berast en hann segist hvetja þá sem fengu spurningalista senda til að bregðast skjótt við og senda svör sem fyrst.

“Fundir með bæjar- og sveitastjórum hefjast seinnipartinn í september og er reiknað með að byrja á Vestfjörðum. Við vonumst eftir góðu samstarfi í þessari vinnu og að greiningin geti nýst til góðra verka í byggðamálum,” segir Halldór.


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389