Fréttir

Styrkhafar á Nýp. Mynd: Sigursteinn Sigurðsson

Föstudaginn 20. febrúar var úthlutað úr Frumkvæðissjóði DalaAuðs í fimmta sinn. Viðburðurinn var haldinn að Nýp á Skarðsströnd. Frumkvæðissjóður DalaAuðs styrkir hvers kyns samfélagseflandi verkefni, þar með talið nýsköpun í Dalabyggð.

Til úthlutunar voru 20.825.000 krónur og fengu 29 verkefni styrk. Fjölbreytni umsókna eykst frá ári til árs og verkefnin bera hugmyndaauðgi og framtakssemi Dalamanna vitni. Verkefni sem styrkt hafa verið á undanförnum árum hafa glætt mannlíf og menningarlíf í Dalabyggð og verkefnin í ár standa sannarlega fyrir sínu.

Tvö verkefni sem hlutu styrk voru kynnt á úthlutunarhófinu

Tveir styrkþegar héldu kynningar á sínum verkefnum á úthlutunarhófinu. Halla Sigríður Hrefnu Steinólfsdóttir sagði frá verkefni um sölvatekju við Ytri-Fagradal og samstarfsverkefni hennar við Fine Foods Íslandica um þróun á framleiðsluferlum til að nýta þessa auðlind betur í afurðarframleiðslu. Ásmundur Einar Daðason sagði síðan frá alþjóðlegu samstarfsverkefni sem tengir Ísland og Mongolíu. Ýmis samstarfsverkefni hafa sprottið upp úr þessari vegferð og er eitt af þeim verkefni í Dölum, sem snýr að því að móta og prófa þátttökumiðað fyrirkomulag í ferðaþjónustu þar sem bændur geta boðið fólki heim og ferðamenn fá að taka þátt í daglegum störfum, í stað þess að vera áhorfendur.

Mynd af gestum í sal tók Þóra Sigurðardóttir og mynd af hópnum utandyra tók Sigursteinn Sigurðsson.

Eftirtalin verkefni hlutu styrk úr Frumkvæðissjóði DalaAuðs árið 2026:

• D&D í Dölunum Atli Freyr Guðmundsson 150.000 kr.
• Geitagræjur Halla Sigríður Hrefnu Steinólfsdóttir 200.000 kr.
• Prjónakaffi Guðrún Jóhannsdóttir 200.000 kr.
• Jólamarkaður Jóhanna Lind Brynjólfsdóttir 200.000 kr.
• Art Exhibition Pietro Porcu og Nicole Salteri 250.000 kr.
• VALL-EY Atli Freyr Guðmundsson 250.000 kr.
• Sólarsölin Halla Steinólfs 300.000 kr.
• La Sagra Pietro Porcu og Nicole Salteri 350.000 kr.
• Hestatómstundir - búnaðarkaup Hestamannafélagið Glaður 400.000 kr.
• Er líða fer að jólum Jón Egill Jóhannsson 400.000 kr.
• Sveit í sveit Skátafélagið Stígandi 400.000 kr.
• Dalamey handverk Sigríður Jóna Eggertsdóttir 450.000 kr.
• Colors of fjords Fitore Berisha og Juan Cerezales Tisnes 500.000 kr.
• Myndir sem selja Benedikt Jóhannesson 500.000 kr.
• Listviðburðir í Dalíu D9 ehf 600.000 kr.
• Hiking Viking - Gönguferðir frá Eiríksstöðum History up close ehf 650.000 kr.
• Brekkuskógur - útivistarperla við Búðardal Skógræktarfélag Dalasýslu 700.000 kr.
• Flygill fyrir Dalina Sigurbjörg I. Kristínardóttir o.fl. 750.000 kr.
• Dalahvítlaukur Svarthamar vestur ehf 800.000 kr.
• Dalapeysan - og fylgihlutir Handverksfélagið Bolli 850.000 kr.
• Endurnýting ullar - Vöruþróun á vörum Rauðbarði ehf 900.000 kr.
• Grafarlaug - skjól og fegrun Ungmennafélagið Æskan 925.000 kr.
• Mini-gólf braut í Búðardal Fremri fasteignir ehf 1.000.000 kr.
• Túngarður - ræktun og framleiðsla tága úr víði Katrín Dröfn Guðmundsdóttir og Sveinbjörn Júlíus Tryggvason 1.100.000 kr.
• Dagverðarnes - áfangastaður úr alfararleið Hollvinafélag Dagverðarneskirkju 1.100.000 kr.
• Daglegt líf og búskapur í Dölum – Prófun á þátttökumiðaðri ferðaþjónustu Flora ehf 1.200.000 kr.
• Bambagarður Caroline Baare Schmidt 1.500.000 kr.
• Auðlind bújarða Anna Berglind og Ólafur Bragi 2.000.000 kr.
• Vinnslubúnaður fyrir bláskel Birgisás 2.200.000 kr.

Verkefnisstjóri, styrkhafar og aðrir gestir við afhendingu styrkjanna á Nýp. Myndina tók Þóra Sigurðardóttir

Styrkhafar á Nýp, myndina tók Sigursteinn Sigurðsson

Verkefnið er ein af aðgerðum Byggðaáætlunar, C.2, og markmið þess er að spornað verði við viðvarandi fólksfækkun í smærri byggðarlögum. Verkefnið byggir á samstarfi Byggðastofnunar, viðkomandi sveitarfélags, landshlutasamtaka og síðast en ekki síst íbúa hvers þátttökubyggðarlags. Því er einkum ætlað að styðja við frumkvæði og þátttöku íbúa til hagsbóta fyrir samfélagið í víðum skilningi