Fréttir

Merki ESPON

Ísland tekur þátt í ESPON 2020, samstarfsáætlun ESB um byggðarannsóknir, ásamt Noregi, Sviss og Liechtenstein. Undirbúningur stendur nú yfir á fyrsta verkefnaútboði ESPON 2020 og gert ráð fyrir því um mánaðamót október og nóvember nk.

Eitt útboð er í gangi með tilboðsfrest til 14. september nk. Í því er óskað eftir tilboðum í verkefni sem felur í sér endurhönnun, uppfærslu og viðhald á ESPON-vefnum og tengdum þáttum. Þá hefur ESPON-skrifstofan í Lúxemborg auglýst til umsóknar starf sérfræðings á sviði fjármála, opinberra innkaupa og stjórnsýslu. Umsóknarfrestur er til 18. september nk.

Á vef ESPON, www.espon.eu, má fá nánari upplýsingar um útboðið og lýsingu á starfinu sem auglýst er. Þar eru líka upplýsingar um ESPON-áætlunina og allar verkefnaskýrslur ESPON.

Stutta, íslenska lýsingu á ESPON má fá hérá vef Byggðastofnunar.