Fréttir

ESPON

Þann 11. mars nk. verður ráðstefna í svissneska sendiráðinu í Brussel um samstarfslöndin fjögur í ESPON, Sviss, Liechtenstein, Noreg og Ísland, og ESB. Ráðstefnan verður haldin undir heitinu "Potentials and Challenges for Iceland, Liechtenstein, Norway and Switzerland - and for the European Union" og til umfjöllunar verða áherslumál fyrir samstarfsverkefni byggðarannsókna á vettvangi ESPON á næsta starfstímabili. Dagskrá ráðstefnunnar má sjá hér.

Á ráðstefnunni munu fulltrúar samstarfslandanna flytja erindi og taka þátt í pallborðsumræðum. Aðalsteinn Þorsteinsson, forstjóri Byggðastofnunar, verður fulltrúi Íslands í framsögum og pallborði.

ESPON hefur tekið saman yfirlit yfir mikilvæg viðfangsefni á sviði byggðaþróunar sem eru samstarfslöndunum sameiginleg og sett þau í samhengi við ástand og þróun í ESB. Þessi samantekt sem mun fá sama titil og ráðstefnan verður gefin út og kynnt á málþinginu.