Fréttir

Arnar og Elín

Í dag er síðasti vinnudagur Elínar Gróu Karlsdóttur forstöðumanns fyrirtækjasviðs Byggðastofnunar.  Elín Gróa var ráðinn til starfa sem sérfræðingur á fyrirtækjasvið Byggðastofnunar í desember 2007, og síðan sem forstöðumaður fyrirtækjasviðs í október 2012.  Sem forstöðumaður fyrirtækjsviðs hefur hún haft umsjón með útlánastarfsemi Byggðastofnunar og innleitt þar breytingar á mörgum sviðum í takt við þarfir viðskiptavina stofnunarinnar og atvinnulífs landsbyggðanna.  Þá hefur hún ekki síst beitt sér fyrir því að kynjasjónarmið vega nú æ þyngra í útlánum stofnunarinnar.

Samstarfsmenn munu sakna Elínar, enda hefur hún góða nærveru og ríka samstarfshæfileika, er samviskusöm hugrökk og yfirveguð, nokkuð sem ekki veitir af í starfi af þessu tagi þar sem oft gefur hressilega á bátinn.  Við starfi Elínar tekur Arnar Már Elíasson hagfræðingur og er fyrsti starfsdagur hans í dag.  Arnar Már hefur mikla reynslu af banka og útlánastarfsemi.  Hann er fæddur árið 1979 og hefur frá árinu 2009 starfað hjá Íslandsbanka og þar áður sem lánastjóri og fyrirtækjafulltrúi hjá SPRON frá árinu 2004.   Hann er með B.A gráðu í hagfræði frá Winthrop University í Bandaríkjunum.  Í starfi sínu hjá Íslandsbanka var hann viðskiptastjóri í útibúi bankans í Hafnarfirði. Þar veitti hann fyrirtækjasviði forstöðu auk þess að vera staðgengill útibússtjóra.  Arnar er giftur Aldísi Hilmarsdóttur og eiga þau tvo drengi, 7 og 9 ára og er fjölskyldan nú flutt á Sauðárkrók.