Fréttir

Glaðbeittir fundargestir

Þann 16. janúar sl. funduðu sveitarstjórn og sveitarstjóri Strandabyggðar með fulltrúum Byggðastofnunar í verkefninu Brothættar byggðir. Fundurinn var fræðslufundur um verkefnið, haldinn í kjölfar þess að stjórn stofnunarinnar samþykkti inngöngu Strandabyggðar í verkefnið. Fulltrúar Byggðastofnunar kynntu verkefnið og verklag þess og góðar umræður sköpuðumst um verkefnið í Strandabyggð. Á næstu misserum verður verkefnisstjórn skipuð, en í henni sitja tveir fulltrúar Byggðastofnunar, fulltrúi landshlutasamtaka, fulltrúi atvinnuþróunarfélags, fulltrúi sveitarfélags og tveir fulltrúar íbúa. Mikil tilhlökkun er í aðilum verkefnisins að fá fullskipaða verkefnisstjórn til starfa og geta þá tekið næstu skref, sem eru m.a. undirbúningur íbúaþings og ráðning verkefnisstjóra.