Fara efni  

Frttir

Fundur um stu Raufarhafnar

Fundur um stu Raufarhafnar
Fr fundinum Raufarhfn

Íbúaþróun á Raufarhöfn hefur um langt árabil verið mjög neikvæð, og hafa ýmsar aðgerðir opinberra aðila og heimamanna ekki megnað að snúa þeirri þróun við.  Byggðastofnun hefur fylgst grannt með þessari þróun, og telur áhugavert að skoða hvort hægt sé að nálgast umræðu um málefni Raufarhafnar á annan hátt en gert hefur verið hingað til, og ekki síst að leita leiða til að fá fram skoðanir og vilja íbúanna sjálfra hvað varðar áframhaldandi þróun byggðar á Raufarhöfn. 

Reynt verði að greina hverjar séu skyldur ríkisins, sveitarfélagsins og annarra opinberra aðila við íbúa Raufarhafnar, og hvaða væntingar íbúarnir hafi til þessara aðila.  Undanfarna mánuði hefur verið unnið að undirbúningi slíkrar umræðu í samstarfi Byggðastofnunar, Atvinnuþróunarfélags Þingeyinga, Háskólans á Akureyri, Norðurþings og íbúasamtaka á Raufarhöfn.

Mánudaginn 15. október boðuðu ofangreindir aðilar til fundar með íbúum staðarins í grunnskólanum á Raufarhöfn. Að auki komu fulltrúar verkalýðsfélagsins Framsýnar á fundinn, og munu eftirleiðis taka þátt í verkefninu, en einnig er til skoðunar að fá til samstarfs fleiri aðila. Fundargestum var skipt í umræðuhópa um eftirfarandi málefni:

  • Barnafjölskyldan
  • Rekstur og atvinnulíf
  • Umhverfi

Vel var mætt og voru umræður upplýsandi og málefnalegar. Rætt var um stöðu samfélagsins og framtíðarsýn íbúanna, sérstaklega hvað þessa þrjá þætti varðar. Fjölmargar gagnlegar ábendingar og upplýsingar komu fram í þessum hópum sem unnið verður úr í framhaldinu.  Fundurinn er hluti vinnuferlis fyrrgreindra stofnana og íbúa Raufarhafnar.  Síðar verður efnt til almenns íbúafundar þar sem staðan og mögulegar lausnir verða til umræðu.


Til baka

Skrning pstlista

  • Byggastofnun | Saurmri 2 | 550 Saurkrkur
  • Smi 455-5400
  • postur@byggdastofnun.is
  • Opi fr kl. 8:30-16:00 | kt. 450679-0389