Fréttir

Veittir verða styrkir fyrir allt að 50 milljónir kr. Byggðastofnun heldur utan um umsýslu vegna styrkjanna og umsóknarfrestur er til kl. 12 á hádegi mánudaginn 28. september nk.

Byggðastofnun auglýsir styrki til meistaranema sem vinna að rannsóknartengdum lokaverkefnum á sviði byggðaþróunar. Kostur er ef verkefnin hafa skírskotun til byggðaáætlunar. Til úthlutunar er allt að 1.200.000 kr. og stefnt er að því að veita allt að fjóra styrki.

Lánasérfræðingar Byggðastofnunar verða á Austurlandi dagana 14.–16. september og kynna þar lánamöguleika stofnunarinnar fyrir fyrirtæki og frumkvöðla á svæðinu.

Byggðastofnun hefur birt nýjar tölur um staðsetningu stöðugilda á vegum ríkisins. Stöðugildum fjölgaði um 103 árið 2025, eða 0,4%, og varð fjölgunin að mestu utan höfuðborgarsvæðisins.

Martina Aymonod lauk í mars meistaranámi í sjávarbyggðafræði frá Háskólasetri Vestfjarða. Lokaverkefni hennar „Assessing socio-ecological resilience through farming in Iceland“ var styrkt af Byggðarannsóknasjóði í lok árs 2025. Viðfangsefni verkefnisins var að kanna hlutverk býla í dreifbýli á Íslandi og hvernig bændur upplifa og takast á við félagslegar, efnahagslegar og umhverfislegar áskoranir.

Viltu gegna lykilhlutverki í eftirliti með áhættustefnu og innra eftirliti hjá Byggðastofnun? Við leitum að öflugum sérfræðingi til að annast áhættueftirlit og taka virkan þátt í þróun áhættustýringar stofnunarinnar. Starfið er fjölbreytt og faglega krefjandi en gefandi. Það felur m.a. í sér tækifæri til að hafa áhrif á þróun stjórnarhátta, mótun innra starfs og verkferla hjá stofnuninni. Starfið heyrir undir forstöðumann rekstrarsviðs og að hluta undir forstjóra.

Byggðastofnun auglýsir eftir umsóknum um styrki úr Sóknarsjóði fyrir smærri fyrirtæki í Grindavík. Tilgangur Sóknarsjóðs er að styðja við smærri atvinnurekendur í Grindavík með það að markmiði að horfa megi til framtíðar í rekstri.

Í tengslum við komandi umsóknarlotu stendur NORA, Norræna Atlantssamstarfið, fyrir tveimur rafrænum kynningum um verkefnastyrki þriðjudaginn 8. september 2026.

Stjórn og lykilstjórnendur Byggðastofnunar heimsóttu nýverið Háskóla Íslands á Hólum þar sem stjórnendur skólans kynntu starfsemi hans, framtíðarsýn og þau tækifæri sem felast í nýrri háskólasamstæðu Háskóla Íslands.

Opnað hefur verið fyrir umsóknir um verkefnastyrki NORA – Norræna Atlantssamstarfsins. Um er að ræða síðari úthlutun ársins 2026.