Fréttir

Norðurslóðaáætlunin er að undirbúa sérstakt kall á árinu 2026 sem eingöngu verður helgað forgangsmálum og metnaði ungs fólks á svæðinu en það er í fyrsta skipti sem kall áætlunarinnar er gagngert helgað ungu fólki.

Startup Landið er nýr, sjö vikna viðskiptahraðall sem ætlaður er frumkvöðlum og nýsköpunarverkefnum í landsbyggðunum. Hraðallinn, sem haldinn er í samstarfi allra landshlutasamtaka utan höfuðborgarsvæðisins, hefst 18. september og lýkur með lokaviðburði þann 30. október, þar sem þátttakendur kynna verkefni sín.

Ársskýrsla um verkefnið Brothættar byggðir fyrir árið 2024 hefur verið gefin út. Sjá má skýrsluna hér. Í skýrslunni er leitast við að gera grein fyrir því helsta sem hefur verið unnið að á árinu í þátttökubyggðarlögunum.

Áskoranir og sjálfbær framtíð fámennra eyjasamfélaga á Norður Atlantshafssvæðinu voru meðal umfjöllunarefna á ráðstefnu NORA sem fram fór í Stornoway í Skotlandi í síðustu viku. Fulltrúi Byggðastofnunar og landstengiliður NORA sótti ráðstefnuna sem bar heitið North Atlantic & Arctic Neighbours: Building Sustainable Futures for Island Communities.

Formleg úthlutunarhátíð vegna úthlutunar styrkja í tveimur nýjum tilraunaverkefnum undir merkjum Brothættra byggða var haldin á Kópaskeri laugardaginn 21. júní síðastliðinn. Úthlutunarhátíðin var hluti af dagskrá Sólstöðuhátíðar sem haldin var þá helgi.

Nú hefur verkefnisáætlun Fjársjóðs fjalla og fjarða verið gefin út og má skoða hér. Segja má að verkefnisáætlunin verði leiðarljósið í byggðaþróunarverkefninu í Reykhólahreppi næstu fimm árin. Verkefnisáætlunin er byggð á skilaboðum frá íbúaþingi sem haldið var á Reykhólum í mars sl. og stöðugreiningu verkefnisstjórnar.

Á vorfundi Norræna Atlantssamstarfsins, NORA, sem haldinn var 22. maí 2025 í Þórshöfn í Færeyjum, var samþykkt að styrkja tíu samstarfsverkefni í fyrri úthlutun ársins 2025. Íslendingar taka þátt í níu af þeim tíu verkefnum sem hljóta styrk og leiða tvö verkefnanna.

Íbúar Reykhólahrepps fjölmenntu á fyrsta íbúafundinn sem haldinn var í gær, 19. júní, undir merkjum byggðaþróunarverkefnisins Fjársjóður fjalla og fjarða.

Fulltrúar Byggðastofnunar heimsóttu Highlands and Islands Enterprise (HIE) á dögunum en starfsmenn HIE hafa aðstoðað stofnunina við undirbúning á tilraunaverkefni sem snýr að uppbyggingu atvinnuhúsnæðis á viðkvæmum svæðum.

Arnar Már forstjóri, Hrund forstöðumaður fyrirtækjasviðs og Reinhard sérfræðingur á þróunarsviði heimsóttu sveitarfélög á Austfjörðum í síðasta mánuði, en markmiðið er að heimsækja öll sveitarfélögin á starfssvæði stofnunarinnar til þess að ræða viðfangsefni þeirra og með hvaða hætti Byggðastofnun geti stuðlað að framgangi þeirra.