Fréttir

Ný þjónustukönnun Byggðastofnunar sýnir hvar íbúar landsbyggðanna sækja vinnu og þjónustu. Hún dregur jafnframt fram hversu ólík þjónustumynstur eru milli svæða landsins. Auk þess kemur fram að fjórðungur svarenda í vinnu sækir vinnu að einhverju leyti út fyrir sitt búsetusvæði og um fimmtungur gerir það þrisvar sinnum í viku eða oftar.

Fimmtudaginn 26. febrúar fór fram fyrsta úthlutunarathöfn Frumkvæðissjóðs Jú víst! Kraftur í Kaldrana og var athöfnin haldin í húsnæði Verslunarfélags Drangsness. Mæting var góð og þar ríkti mikil stemning og frumkvöðlakraftur.

Byggðastofnun auglýsir eftir umsóknum um flutningsjöfnunarstyrki vegna sölu olíuvara til söluaðila sem starfrækja sölustaði á svæðum sem búa við skerta samkeppnisstöðu vegna landfræðilegra og lýðfræðilegra aðstæðna, skv. ákvæðum laga um svæðisbundna flutningsjöfnun, nr. 160/2011. 

Nú hefur verið opnað fyrir styrkumsóknir vegna svæðisbundinnar flutningsjöfnunar. Lögbundinn lokafrestur umsókna vegna flutningskostnaðar árið 2025 er 31. mars 2026.

Ársreikningur Byggðastofnunar fyrir árið 2025, var staðfestur af stjórn stofnunarinnar 26. febrúar 2026. Afkoma ársins var jákvæð um 590,5 milljónir króna á móti jákvæðri afkomu upp á 1.305 milljónir króna árið 2024. Eiginfjárhlutfall í lok árs skv. lögum um um fjármálafyrirtæki var 23,35%.

Föstudaginn 20. febrúar var úthlutað úr Frumkvæðissjóði DalaAuðs í fimmta sinn. Viðburðurinn var haldinn að Nýp á Skarðsströnd. Frumkvæðissjóður DalaAuðs styrkir hvers kyns samfélagseflandi verkefni, þar með talið nýsköpun í Dalabyggð.

Byggðastofnun auglýsir eftir umsóknum um styrki úr Byggðarannsóknasjóði. Tilgangur sjóðsins er að efla byggðarannsóknir og veita styrki til rannsókna- og þróunarverkefna sem stuðlað geta að jákvæðri byggðaþróun og bæta þekkingargrunn fyrir stefnumótun, áætlanagerð og aðgerðir á sviði byggðamála.

Eyjólfur Ármannsson innviðaráðherra hefur úthlutað styrkjum að upphæð 170 milljónum kr. til fjórtán fjölbreyttra verkefna til að efla viðkvæmar byggðir landsins. Framlag til styrkjanna kemur af byggðaáætlun (aðgerð C.1. – Sértæk verkefni sóknaráætlanasvæða) en alls bárust 28 umsóknir fyrir um 756 m.kr. Þetta er hæsta úthlutun úr þessari aðgerð á tímabili gildandi byggðaáætlunar.

Byggðastofnun hefur birt ákvörðun nr. Á-1/2026 um greiðslu til handa Íslandspósti ohf. vegna veittrar alþjónustu í póstþjónustu árið 2025. Umsókn Íslandspósts er birt í heild sem fylgiskjal með ákvörðuninni.

Drengur Óla Þorsteinsson hefur verið ráðinn í starf lögfræðings á fyrirtækjasviði Byggðastofnunar. Hann var valinn úr hópi margra hæfra umsækjanda en alls sóttu átta aðilar um stöðuna, þrjár konur og fimm karlar.