Fréttir

Dagana 15.-18. september heimsóttu Arnar Már forstjóri og Sigríður Elín forstöðumaður þróunarsviðs fulltrúa sveitarfélaga í Grímsnes- og Grafningshreppi, í Hrunamannahreppi, í Skeiða- og Gnúpverjahreppi, í Bláskógabyggð, í Ölfusi, í Mýrdalshreppi og í Skaftárhreppi. Heimsóknirnar eru liður í markvissu átaki stofnunarinnar um að heimsækja öll sveitarfélög á starfssvæði Byggðastofnunar til að kynna helstu viðfangsefni hennar og ræða tækifæri, áskoranir og með hvaða hætti stofnunin geti frekar stutt við framgang samfélaganna.

Samtalið skiptir máli

Á fundunum var farið yfir fjölbreytt efni meðal annars:

• lánveitingar og fjármögnun uppbyggingar
• aðgengi að sérfræðiþjónustu
• verslun og þjónustu í dreifbýli
• almenningssamgöngur á milli byggða
• atvinnuráðgjöf og nýsköpunarumhverfi
• grunnþjónustu og húsnæðismál
• óstaðbundin störf og fjarvinnuaðstaða
• áhrif loftslagsbreytinga á innviði og atvinnulíf
• byggðatengd gögn s.s. um stöðugildi á vegum ríkisins og atvinnusókn

Árangur og næstu skref

Heimsóknirnar hafa reynst vel og samstarf eflst í þágu öflugri byggða um land allt. Hingað til hafa 32 sveitarfélög verið heimsótt í þessum tilgangi og verður haldið áfram á næstu vikum til að ná utan um allt starfssvæði Byggðastofnunar.

Á myndunum hér að neðan sést teymi Byggðastofnunar á vettvangi með fulltrúum sveitarfélaga.

Með fulltrúum í Hrunamannahreppi

Í Mýrdalshreppi

Í Skaftárhreppi

Í Skeiða- og Gnúpverjahreppi.

Með fulltrúum í Ölfusi

Í Bláskógabyggð