Fréttir

Málþing um Brothættar byggðir

Málþing um byggðaþróunarverkefnið Brothættar byggðir verður haldið á Raufarhöfn fimmtudaginn 5. október nk. í félagsheimilinu Hnitbjörgum frá kl. 10:30-16:20. Rúmur áratugur er liðinn frá því að verkefnið hóf göngu sína og tilefni til að líta yfir farinn veg og skoða hvaða árangur hefur náðst. Verkefnið hófst á Raufarhöfn og því er ánægjulegt að halda málþingið þar. Samtals hafa nú fjórtán byggðarlög tekið þátt í verkefninu Brothættar byggðir frá upphafi. Nú er unnið að áhrifamati á verkefninu, niðurstöður matsins verða kynntar á málþinginu. Framkvæmdaraðili þess er KPMG.

Hér má sjá kynningarbækling um afmælismálþingið.

Hér má sjá dagskrá afmælismálþingsins.

Við hvetjum þig til þátttöku, ekkert þátttökugjald en nauðsynlegt er að skrá þátttöku hér. Tekið er á móti skráningum til og með mánudagsins 2. október nk.

Ráðgert er að viðburðurinn verði einnig sendur út í streymi, hlekkur verður sendur út og birtur á vef Byggðastofnunar 5. október.

Nánari upplýsingar veita Helga Harðardóttir og Kristján Þ. Halldórsson, umsjónaraðilar Brothættra byggða hjá Byggðastofnun.