Fréttir

Þórður Tómasson tekur við Landstólpanum

„Landstólpinn.Samfélagsviðurkenning Byggðastofnunar“ er árleg viðurkenning sem Byggðastofnun veitir á ársfundi sínum og var það gert í fyrsta sinn á ársfundi 2011. Þá hlaut Jón Jónsson þjóðfræðingur á Ströndum Landstólpann. Það er von okkar að viðurkenning sem þessi gefi jákvæða mynd af landsbyggðinni og af starfi stofnunarinnar. Viðurkenningin er hvatning og einskonar bjartsýnisverðlaun, því hugmynd að baki er að efla skapandi hugsun og bjartsýni.

Nokkur svipuð verkefni eru í gangi og sum hver hafa fastan sess. Flest þeirra einskorðast við ákveðin málaflokk eða þátttakendur. Samfélagsviðurkenningin Landstólpinn er hins vegar þvert á málaflokka sem veita má einstaklingi, fyrirtæki eða hópi/verkefni á vegum fyrirtækis eða einstaklinga.

Um er að ræða eitthvert tiltekið verkefni eða starfsemi, umfjöllun eða annað sem vakið hefur athygli á byggðamálum, landsbyggðinni í heild, eða einhverju tilteknu byggðarlagi og þannig aukið veg viðkomandi samfélags.

Hér með er lýst eftir tillögum um handhafa Landstólpans 2014. Dómnefnd velur síðan úr þeim tillögum sem berast.

Hafa má í huga við ábendinguna hvort viðkomandi hafi:

• gefið jákvæða mynd af landsbyggðinni eða viðkomandi svæði
• aukið virkni íbúa eða fengið þá til beinnar þátttöku í verkefninu
• orðið til þess að fleiri verkefni/ný starfsemi verði til
• dregið að gesti með verkefni eða umfjöllun sinni

Ekki er nauðsynlegt að öllum þessum atriðum sé fylgt eftir, heldur séu þau höfð til hliðsjónar.

Viðurkenningunni fylgir skjal og listmunur hannaður af lista- eða handverksfólki.

Þetta er í fjórða skiptið sem Landstólpinn er veittur.  Fyrri handhafa Landstópans eru:

• 2011: Jón Jónsson þjóðfræðingur og menningarfulltrúi á Ströndum
• 2012: Örlygur Kristfinnsson frumkvöðull á Siglufirði
• 2013: Þórður Tómasson safnvörður á Skógum 

Það er von okkar að sem flestir taki þátt í valinu með því að senda okkur tillögur fyrir mánudaginn 7. apríl nk.á netfangið: landstolpinn@byggdastofnun.is

Nánari upplýsingar gefa Sigríður K. Þorgrímsdóttir og Anna Lea Gestsdóttir, s. 455 5400