Fréttir

Athygli er vakin á lokaráðstefnu NPA verkefnisins HANDIHEAT sem Austurbrú er þátttakandi í. Ráðstefnan fer fram næstkomandi miðvikudag, 22. september milli kl. 8.00 og 12.00 og er hún rafræn. Hér er hægt að skrá sig til þátttöku (endurgjaldslaust), sjá nánar um dagskrá ráðstefnunnar og nálgast hlekk á streymið. Einnig verður hægt að mæta í Múlann samvinnuhús í Neskaupstað og fylgjast með streyminu þar. Ráðstefnan fer fram á ensku.

Verkefnið er þriggja ára samstarfsverkefni Íslands, Norður-Írlands, Skotlands, Finnlands og Írlands og felst í að deila reynslu og þekkingu í kringum hugtakið orkufátækt.

Handiheat vinnur að þróun ýmissa verkfæra og lausna til nýtingar staðbundinna (en ónýttra) orkuauðlinda fyrir íbúabyggðir í dreifbýli sem ekki hafa aðgengi að hagkvæmri hitaveitu og draga úr brennslu jarðefnaeldsneyta þar sem þau er notuð til kyndingar. Hlutverk Austurbrúar er að draga saman dæmisögur frá svæðunum um vannýttar orkuauðlindir og lausnir ásamt því að miðla áfram áhugaverðum verkefnum frá samstarfsaðilum. Hlutverk Austurbrúar í verkefninu hefur verið að miðla hvernig orkumálum er háttað á Íslandi og að draga saman fyrirmyndarverkefni (best-practice) og dæmi um lausnir sem gripið hefur verið til við orkuskipti í NPA-löndunum.