Fara í efni  

Fréttir

Nora auglýsir eftir nýjum umsóknum um verkefnastyrki 2006

NORA auglýsir hér með eftir umsóknum um styrki til samstarfsverkefna á milli Íslands og hinna NORA landanna þ.e. Grænlands, Færeyja og Noregs. NORA veitir árlega styrki til verkefna sem stuðla að auknu samstarfi og yfirfærslu þekkingar í atvinnulífi á milli landanna á eftirtöldum sviðum:

NORA auglýsir hér með eftir umsóknum um styrki til samstarfsverkefna á milli Íslands og hinna NORA landanna þ.e. Grænlands, Færeyja og Noregs. NORA veitir árlega styrki til verkefna sem stuðla að auknu samstarfi og yfirfærslu þekkingar í atvinnulífi á milli landanna á eftirtöldum sviðum:

Auðlindir sjávar
Verkefni sem stuðla á sjálfbæran hátt að nýtingu auðlinda sjávar, eldi sjávardýra og sjávarvöruframleiðslu til
manneldis og tengdra greina.

Ferðamál
Verkefni sem stuðla að sjálfbærri þróun náttúru- og menningartengdrar ferðaþjónustu í löndunum.

Upplýsingatækni
Verkefni sem stuðla að hagnýtingu upplýsingatækni á svæðinu.

Annað samstarf
Verkefni sem efla fámenn byggðarlög í löndunum.

Fjárstyrkir verða helst veittir fyrirtækjum, einum eða í samstarfi við rannsóknar- og þróunarstofnanir. Styrkir eru veittir til að koma á tengslanetum, til rannsóknatengdra forverkefna og aðalverkefna t.d. innan Norðurslóðaáætlunar Evrópusambandsins (NPP). Frá og með árinu 2007 mun NPP leggja áherslu á nýsköpun og verkefni sem stuðla að bættri samkeppnisstöðu atvinnulífs, ásamt áherslu á sjálfbæra nýtingu náttúruauðlinda.
Umsóknir sem fela í sér samstarf við fyrirtæki og stofnanir í norður Skotlandi og á austurströnd Kanada eru eftirsóknarverðar.
Styrki er lengst unnt að veita til 3ja ára og aðeins sem hluti af heildarfjármögnun verkefnis, gegn mótframlagi viðkomandi aðila. Umsóknir skula fela í sér samstarf á milli tveggja NORA-landa eða fleiri.

Umsóknarfrestur er til 25 október næstkomandi og skal þeim skilað á dönsku, norsku eða sænsku. Hægt er að opna umsóknareyðublað til útprentunar með því að smella hér. (pdf-skjal) og skulu umsóknir berast til:

NORA, NORDISK ATLANTSAMARBEJDE
Bryggjubakki 12
Box 259 FO-110 Tórshavn Sími: +298 353110
Fax: +298 353101
nora@nora.fo

Frekari upplýsingar veitir Sigríður K. Þorgrímsdóttir, Byggðastofnun, Ártorgi 1, 550 Svf. Skagafjörður. Sími 455 5400 netfang sigga@byggdastofnun.is.


Til baka

Fréttasafn

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389