Fréttir

Ársfundur NORA var haldinn á Suður-Grænlandi í byrjun júní. Á fundinum var meðal annars ákveðið að styrkja sex samstarfsverkefni og nemur styrkfjárhæðin 2,6 milljónum danskra króna.

Verkefnin sem hlutu styrk voru eftirfarandi:

• Þang á Norður-Atlantshafssvæðinu. Framhaldsverkefni til þriggja ára. Það snýst meðal annars um ræktun þörunga og kortlagningu á möguleikum til nýtingar. Íslenskur þátttakandi er Nordic Kelp ehf.
• Samstarfsnet um sjálfbærar fiskveiðar. Stofna á samstarfsnet um sjálfbærar fiskveiðar og útvega á fiskveiðiskírteini (ISF) sem er vottun veiðarfæra og fiskistofna. Íslenskur þátttakandi er Icelandic Sustainable Fisheries (ISF).
• Sjálfbært eldsneyti fyrir flugið. Gera á fýsileikakönnun varðandi umhverfisvænt eldsneyti fyrir flug. Íslenskur þátttakandi er Austurbrú.
• NABAN – viðskiptaenglar. Framhaldsverkefni sem snýst um að fá virka fjárfesta fyrir frumkvöðla. Íslenskur þátttakandi er Navigo/Nordic Ignite
• Víkingar – samstarfsnet og ungt fólk. Stilla saman strengi þriggja landa varðandi menningararfinn og ungt fólk, tengt ferðaþjónustu. Ungt fólk verður ráðið til starfa á söfnunum á Borg á Lofoten, Glaumbæ í Skagafirði og KLCT í Skotlandi. Íslenskur þátttakandi er Byggðasafn Skagfirðinga.
• Náttúra heimskautssvæðisins og ungt fólk. Framhaldsverkefni sem snýst um umhverfisfræðslu fyrir ungt fólk. Háskólinn á Hólum leiðir.

Næsti umsóknarfrestur NORA er mánudagurinn 3.október.

Hægt er að kynna sér nánar hvernig á að sækja um styrki í gegnum heimasíðu NORA, https://nora.fo/verkefna?_l=is og umsóknareyðublaðið opnar væntanlega í ágúst.

Nánari upplýsingar fást hjá tengilið NORA á Íslandi, sem er Sigríður K. Þorgrímsdóttir hjá Byggðastofnun, netfang sigga@byggdastofnun.is