Fara í efni  

Fréttir

Opnun Kalkţörungaverksmiđju á Bíldudal

Laugardaginn 28. apríl sl. tók Kalkþörungaverksmiðjan á Bíldudal formlega til starfa.  Helstu eigendur hennar eru Celtic Sea Minerals á Írlandi og Björgun ehf. í Reykjavík.  Byggðastofnun kom að fjármögnun verksmiðjunnar á Bíldudal.  Hráefni til vinnslunnar, kalkþörungum, verður dælt úr Arnarfirði , allt að 82.500 m3 á ári. Því verður landað á Bíldudal þar sem unnið er úr efninu og því  pakkað til útflutnings.  Varan verður einkum seld á bandaríkjamarkað.

Kalkþörunarvarksmiðjan opnarMeðal þess sem vörur verksmiðjunnar verða notaðar til er í dýrafóður til að draga úr sýrustigi í meltingafærum jórturdýra, undir varphænur til að draga úr áhrifum ammoníaks, til afsýringar í skólpdælustöðvum ofl.  Einnig framleiðir íslenska verksmiðjan kalkþörungaduft sem er notað sem bætiefni í fæðuefni til manneldis og til lyfjagerðar.

 

Celtic Sea Mineral rekur aðra minni verksmiðju sömu gerðar á Írlandi, en hráefni til hennar er á þrotum.

 

Rannsóknir sýna að kalkþörungasetið í firðinum nemur a.m.k. 21 milljón rúmmetra. Starfsleyfi hefur verið veitt til fimmtíu ára, og er talið að á þeim tíma náist upp um tíundi hluti kalkþörunganna. Reiknað er með að afkastageta verksmiðjunnar verði um 40.000 tonn á ári en gert er ráð fyrir að í fyrsta áfanga verði hún um 8.000 tonn á ári og verði aukin í fulla getu í nokkrum áföngum.  Standa vonir til þess að með verksmiðjunni skapist tíu til fimmtán framtíðarstörf og um fimm í viðbót sem afleiðing af rekstrinum. 

Það er mat Byggðastofnunar að hér sé um að ræða sérlega glæsilegt og metnaðarfullt nýsköpunarverkefni í atvinnulífi á Vestfjörðum.


Til baka

Skráning á póstlista

  • Byggđastofnun  |  Ártorg 1  |  550 Sauđárkrókur 
  • Sími 455-5400
  • postur@byggdastofnun.is
  • Opiđ frá kl. 8:30-16:00  | kt. 450679-0389