Fréttir

Fyrsta uppskeran af erfðabreyttu byggi var tekin í Grænu smiðjunni í Grindavík í dag. Um er að ræða nýtt 2000 fermetra hátæknigróðurhúsi í eigu ORF Líftækni.

Með hjálp erfðatækni sem þróuð hefur verið af ORF framleiðir byggið sérvirk og verðmæt prótein sem eru meðal annars notuð við læknisfræðilegar rannsóknir, lyfjaþróun og sem lyf.

Össur Skarphéðinsson iðnaðarráðherra skar fyrsta byggið og tók gróðurhúsið formlega í notkun við hátíðlega athöfn í dag, fimmtudaginn 8. maí 2008. Með frekari uppbyggingu í tengslum við ný verkefni og fyrirhugaða byggingu próteinhreinsiverksmiðju er áætlað að starfsemi ORF skapi fjölmörg störf í Grindavík en rúmlega 20 manns starfa nú hjá fyrirtækinu.

Byggðastofnun er einn hluthafa í ORF Líftækni.  Nánari upplýsingar má fá á heimasíðu félagsins: http://www.orf.is/